هاي السنه مو يم علي... مختلفه عن الراحن
مو بالنجف وبكربلا.... دمعاتي عالخد طاحن
مو شيعي والله ياعلي..... اللي الضريحك ماحن
ردتنه لأيام المضن ..... خافن نسينه الفاتن
أعمالنه الصارن حجر.... وحجاب عنك صارن
ويا أصحابك الجانو كبل.... انه أدري مانتقارن
أيام عشنه بهل وكت.... بيها السوالف حارن
شو كلها تصرخ ياعلي.... وجويات كصته يلالن
لارحمه ظلت لا عدل.... لاغيره كلهن ماتن
ردنه إلك يابو الحسن..... بجاهك ترد التاهن
ماعدنه غيرك ياعلي.... إعلا ولايتك نتراهن
مجلبين دنيا وآخره.... وياك يامحلاهن
طهرنه ردنه المرقدك.... الشينات ماردناهن
مولانه بس هاي السنه.... وأدري الأعمال شجابن
نقسم عليك بفاطمه.... تفتح ضريحك للحن
من الشوك نشكيلك تره.... وكلوب عدنه يورمن
وعقول ماضلن بعد..... العاقل البينه اتجنن
بلسان شيعي إشتاك إلك..... ذني السطور انكتبن
بلسان شيعي اشتاك الك...ذني السطور انكتبن...
.(((خادم الحسين عبدالكاظم الجابري)))