تورکونو آپار ائویزده آباوا اوخو!
✍️#محمد_رحمانی_فر
📝کئچن هفته تبریزده، سیاسی دورومون نه قدر گرگین اولدوغونا باخمایاراق، ادبیاتیمیز اونودولمادی. آغ ساققال شاعیریمیز سایین #محمود_میلانی جنابلارینین "لیریک غزل چانتاسی" آدلی شعر کیتابی‌نین تانیتیمینا من ده قاتیلدیم. اوراداکی چیخیشیمدا دئدیییم کیمی بو اوتوروما قاتیماغی، دیلیمیزی لاپ آغیر گون‌لرده دیری ساخلاماغا چالیشان‌لاری دَیرلندیرمک اوچون، اؤزومه بیر ملی بورج بیلمیشدیم.
📝بو گون بئله بیر بیتیک‌لرین ادبی یوکوندن دانیشماق، اونلاری ادبی تنقیدی باخیمدان سؤکوب تؤکمک چوخ دا یئرلی بیر ایش اولماز، منجه. بئله بیر اثرلره هابئله بئله بیر اثرلری یارادان کیشی‌لره هر زامان سایغی ایله یاناشمالیییق، دئیه دوشونورم. دیلیمیزه قارشی باسقی‌لارین هله ده دوام ائتمه‌سینه باخمایاراق، بو گونکو دوروموموز، کئچمیشیمیزین آغیر دورومو ایله توتوشدورمالی دئییل. بو گون تورکجه یازماق، حتی پرستیژ ده ساییلیر. آز دا اولسا دوشونن دینله‌ییجی‌لری واردیر. آنجاق، میلانی جنابلاری هابئله اونون قلمداش‌لاری ائله بیر زامان تورکجه یازیب یاراتماغا چالیشمیشلار کی بو دیلده یازماق اؤزو بؤیوک بیر سوچ ساییلیردی.
📝منیم بو سؤزلریم میلانی جنابلارینی اورکلندیردی. بو اوزدن ده، اؤز چیخیشیندا او زامانلارداکی آغیر دوروما توخوناراق دئدی: دوروم ائله آغیر ایدی کی بیر گون #تبریز ادبی درنه‌یینده، حتی #اوستاد_شهریار کیمی آدلیم بیر شاعیره ده تورکجه یازدیغی شعرینی اوخوماغا اجازه وئرمه‌‌دن "تورکونو آپار ائویزده آباوا اوخو"! دئدیلر.
✍️#محمد_رحمانی_فر
📝کئچن هفته تبریزده، سیاسی دورومون نه قدر گرگین اولدوغونا باخمایاراق، ادبیاتیمیز اونودولمادی. آغ ساققال شاعیریمیز سایین #محمود_میلانی جنابلارینین "لیریک غزل چانتاسی" آدلی شعر کیتابی‌نین تانیتیمینا من ده قاتیلدیم. اوراداکی چیخیشیمدا دئدیییم کیمی بو اوتوروما قاتیماغی، دیلیمیزی لاپ آغیر گون‌لرده دیری ساخلاماغا چالیشان‌لاری دَیرلندیرمک اوچون، اؤزومه بیر ملی بورج بیلمیشدیم.
📝بو گون بئله بیر بیتیک‌لرین ادبی یوکوندن دانیشماق، اونلاری ادبی تنقیدی باخیمدان سؤکوب تؤکمک چوخ دا یئرلی بیر ایش اولماز، منجه. بئله بیر اثرلره هابئله بئله بیر اثرلری یارادان کیشی‌لره هر زامان سایغی ایله یاناشمالیییق، دئیه دوشونورم. دیلیمیزه قارشی باسقی‌لارین هله ده دوام ائتمه‌سینه باخمایاراق، بو گونکو دوروموموز، کئچمیشیمیزین آغیر دورومو ایله توتوشدورمالی دئییل. بو گون تورکجه یازماق، حتی پرستیژ ده ساییلیر. آز دا اولسا دوشونن دینله‌ییجی‌لری واردیر. آنجاق، میلانی جنابلاری هابئله اونون قلمداش‌لاری ائله بیر زامان تورکجه یازیب یاراتماغا چالیشمیشلار کی بو دیلده یازماق اؤزو بؤیوک بیر سوچ ساییلیردی.
📝منیم بو سؤزلریم میلانی جنابلارینی اورکلندیردی. بو اوزدن ده، اؤز چیخیشیندا او زامانلارداکی آغیر دوروما توخوناراق دئدی: دوروم ائله آغیر ایدی کی بیر گون #تبریز ادبی درنه‌یینده، حتی #اوستاد_شهریار کیمی آدلیم بیر شاعیره ده تورکجه یازدیغی شعرینی اوخوماغا اجازه وئرمه‌‌دن "تورکونو آپار ائویزده آباوا اوخو"! دئدیلر.