نصائح #إلى #الطلاب #المقبلين #على #الجامعات

1-لتلبس قاط أول يوم الدوام
2-خليك ريلاكس لتبيع ثكل أكثر من اللازم ولتصير خفيف أكثر من اللازم (خير الأمور أوسطها)
3-لتصير هيلك علمود تسوي نفسك سبورتي القسم
4-لتسوي نفسك قارون بالفلوس وتخلي البنات ياكلن براسك ومن يمر العمر يكولن جنه ناكل براس فلان
5-إذا ضروفك مهيئه للزواج صارح وإذا لا لتتقرب وتربط روحك -----
6-لتحاول تتحرش بنات الثالثه والرابعه لأن يسونك جيس حب
7-من تدخل للقاعه سد الباب وراك
8-لتتكلم بدون أذن الدكتور ولتعادي دكتور لان يحلمك بالنجاح ومتفيده الواسطات
9- إذا ردت تتحرش لتتحرش بحجة تاخذ الملازم من البنات أو الدفاتر لأن هاي صارت قديمه شوف غيرها
10- من تكعد بالنادي لتكعد مثل مراد علم دار وتضل تخزر مثل ميماتي باش خليك طبيعي وبسيط
11-لتصير حشري بكل شيء ولتدخل بالتأجلات ولتعارض الطلاب بالتأجيلات والطلعات والصور حته تصير صاحب رأي
12-من تتمشى بالممرات لتذب حجي للبنات لأن هاي جامعه مو سوق هرج
13-قلل الصور ولتصير يوزرسيف
14- لتصير عقده وخلي أراءك السياسيه والدينية الك
15- لتلبس شفقه لأن هاي مو وكفة طيور
16-لتستهزء بصديقك كدام البنات علمود تضحكهن وتبين افضليتك علي لان راح يعتبرنك أعور الدجال
17- ناسق بين الألوان لتلبس حذاء صفره وقميص احمر لو ستره بيضه وحذاء حمره لان انت مو قوس قزح
18-لتخلي ورده بأيدك وتضل تفتر لأن انت مو بياع الورد ولا مهند وعمار والبنات لتصيرين نيرمين
19-لضل تضرب محاظرات وتتاخر ع المحاظرات علمود تسوي نفسك بايعها لأن راح تسمى زاحف ماشايف
20-الرحله اسمها استول والحانوت نادي والساحه سنتر والاستراحه ريست
21-مو شرط تسمي التدرسي دكتور عادي أستاذ
22-قوي علاقتك بالأمنيه والشخص إلي كاعد ع حسابات النادي حته الاثنين ميأخروك بالزحم
23-من تظحك بصوت عالي حته تسمع البنات قلل صوتك وسد حلكك لأن انت مو ديج ولا راح يحبنك البنات
24-فصاحتك بالكلام كدام البنات خليها الك لأن انت مو سيبويه ولا الطلاب أنبياء
25-لتصارح من أول كورس ولتصارح قبل متراقب والافضل تستخدم طرق بهلوانيه تجمع بيها نتائج تاخذ قرار ومتصارح مباشرةً حته متنسحل كرامتك
26-لتضل تكص بالبنات وتحجي عليهن وتطلعهن دعاره لأن انت مو نبي وهنه ما معصومات وإذا ما لحت العنب لدكول حامض
27-لدخن كدام الدكتور ولا العميد
28-أمشي مثل الأوادم ولتصير درايفر الزمان