DrFatimaInTheMaking🫀

الله يبارك عليكم 😆♥

عرفتها بلي خباشين 🤭✋

نقاط الفروض عمرها لا تحدد المستوى تاعك

كي ما تجيبش مليح بلاك تقول انا ما نقدرش خلاص عييت.. هذه طريقة يديروها الناس الفاشلة لي تستسلم من اول مشكل يواجهها💀
نتا علابلي بلي راح تنجح و تكمل💗 عاود برك شوف الأخطاء لي درتهم و حاول تراجعهم و تدير تمارين بزاف عليها تولي تبانلك حاجة تافهة بزاف
مدامك راك فالفصل الأول سما تقدر تبدل كلش
مثلا مادة الفيزياء جبت تحت المعدل عادي أنساها النقطة هديك و متخليهاش تأثر عليك
و أصلا لازم تفرح علاه ؟ بيسك هاذي فرصة بينتلك بلي راك ناقص نوعا ما في هذه المادة سما لازم تخصص وقت أكبر ليها

خمم كيفاش تجيب فيها مليح مثلا تسقسي روحك علاه جبت هكا ؟ الوقت ما كفاكش! اذن لازم تولي كي تحل تمارين تدير الوقت اللازم مش تحكم نهار كامل فتمرين
نفس الشيء لقيت بلي ماكنتش فاهم مليح الدرس روح عاود اقراه من أستاذ أخر..
المهم شوف الأخطاء لي خلاتك تجيب هذيك النقطة و حاول كيفاش تصححها باش المرة الجاية تجيب اكثر 🩵🦋