* شێعر بۆ منداڵان

عیرفان ڕەسووڵی


کولوو کولوو بەفری جوان
وا دێتە خوار لە ئاسمان

دەنک دەنک دەبارێ
شار و دێ دادەشارێ

کرپ کرپ کرپەی دێ
لە ژێر پێما بەفری نوێ

سەربان و کووچە و کۆڵان
باخچە و حەساری ماڵان

وەک ڕۆژی جەژن خۆشن
بەرگی سپی دەپۆشن

کۆڵان پڕ دەبێ لە دەنگ
لە قاقا و خۆشی و جەفەنگ

لە بووکە بەفرینەی جوان
شەڕەتۆپ و ڕەدوونان

ڕۆدەچم هەڵدخلیسکێم
لەم بەفرەدا دەگەوزێم

پێم جوانی بەفری سپی
ڕووناکــــ و کـــــــڕوکپی

@EnjumeniEdebiShino