* * *

(Улуғбек маломати)

Шамчироқ истармен орзуманд дилга,
Бу кун руҳ тилинда ўзга талаффуз.
Ёҳуд аҳли Каҳфдай нақ уч юз йилга
Танаффус истармен, катта танаффус.

Сахтиён саҳрода кўринмас карвон,
Қумлар қуюнида қулундай қолдим.
Кийикдай қатлга элтилар виждон,
Ёрилтош, ёрил, тош, юракдан олдин.

Қанча йилларимни бой бердим бунда,
Қанча туйғуларим кетмишлар увол.
Ва осмон қарзини сўрайди мендан,
Бир жавоб топмадим чор-тараф савол.


✍ Эшқобил Шукур

1998

https://t.me/Eshqobil_Shukur_ijodi