عالم فتاة 🌎💛

"أقبلت العشر، فهل من مُشمّر؟"🕋

-احنا مقبلين على حدث مهم جدًا بعد 9 أيام -إن شاء الله-، وهو عشر ذي الحجة، لازم نعرف ونذكّر بعض بفضل هذه الأيام🌸

في البداية هنوضح حاجة مهمة👇🏻
-احنا أمة أعمارها صغيرة، ومحتاجين حسنات كتير علشان نقدر نكون زي الأمم السابقة، أعمارهم كانت بتوصل لـ1000 عام، واحنا أعمارنا بين الـ60 والـ70، وفي الآخر كلنا هنقف على نفس الميزان أمام الله -عزوجل-!
فمن رحمة ربنا -عزوجل- بينا إنه جعل مواسم للطاعات تتضاعف فيها الحسنات، ومن هذه المواسم: عشر ذي الحجة🔟

-عشر ذي الحجة لها فضائل عظيمة منها:
-أنها خير أيام الدنيا
-فيها يوم عرفة، وهو اليوم الذي أكمل الله فيه الدين، وأتم فيه النعمة
-فيها يوم النحر، وهو أعظم الأيام
-العمل الصالح فيهن أحب إلى الله -عزوجل-، بل أفضل من الجهاد، إلا رجل خرج بنفسه وماله فلم يرجع من ذلك بشئ
وغيرها من الفضائل العظيمة.

تعالوا نذكر بعض الأمثلة ونشوف كيف كان يتعامل النبي، والسلف مع هذه الأيام👇🏻
-النبي -صلى الله عليه وسلم- كان يجتهد في هذه الأيام، وأوصى بكثرة التهليل والتحميد فيهن
-أبو هريرة وابن عمر كانا يخرجان إلى الأسواق، ويكبران، فيكبر الناس بتكبيرهما
-كان السلف يعظمون العشر الأواخر من رمضان، والعشر الأوائل من ذي الحجة، والعشر الأوائل من شهر الله المحرم

طيب مطلوب مننا إيه؟🤔
-مطلوب إننا نستعد للموسم العظيم دا من الآن، إياك تفتكر إنك هتدخل أول يوم في العشر هتتحول لإنسان صوّام قوّام لا يمل ولا يفتر، مفيش حاجة اسمها كدا، اللي بيلعبوا ماتش شوف بيغيبوا يتدربوا مدة كام قبلها!
محتاجين نستعد من دلوقت، علشان لما نقع ونتعب في البداية نقع قبل ما نبدأ العشر، وندخل العشر أقوياء مستعدين -بإذن الله- فنقدر نستمر على الطاعة ومنضيعش ولا ثانية -إن شاء الله-👌🏻

والاستعداد ممكن يكون عن طريق:
-سماع دروس؛ لشحن القلب
-تحسين العبادات، والتعوّد على الإكثار من الطاعات، وأكثر طاعة عايزين نتعود عليها هي كثرة ذكر الله -عزوجل-، وهو أفضل الأعمال في هذه الأيام💚
وأفضل الذكر قراءة القرءان، فمن دلوقت نحط لنفسنا ورد قرءان ثابت كل يوم✅
-الحرص على الأوقات، وعدم تضييعها في النوم، متابعة مواقع التواصل، كثرة الكلام،..إلخ

-وطبعًا مفيش داعي أذكر جدول عبادات، ما أكثر الجداول، المهم نطبق✔️
لكن فيه أساسيات مينفعش اليوم يعدي من غيرها، مثل:
-الصلاة على وقتها✅
-السنن الرواتب✅
-ورد القرءان✅
-الأذكار (استيقاظ، صباح، مساء، نوم، ذكر مطلق،..)✅
-قيام الليل، ولو بركعة وتر✅

-عايزين الأيام دي تكون موسم تغيير فعلي -بإذن الله-💪🏻
علشان كدا عايزين نبدأ ندرب نفسنا من الآن على الإحسان في العبادات، مش مهم كم العبادات بقدر ما مهم الإتقان والإخلاص، وطبعًا لو قدر تجمع بين الاتنين يكون عظيم🌸

-استعينوا بالله، وجددوا النوايا، وأكثروا من الدعاء أن يبلغنا الله إياها، ويوفقنا لطاعته فيها، ويقبلها منا🎀

يلا مين قرر يستعد من الآن، ويشجع أهله وأصحابه؟
المايك معاكم🎤
بلغوني علشان نشجع بعض كلنا، ولا تنسوا الدال على الخير كفاعله💪🏻

#وأعدوا✊🏻
#عشر_ذي_الحجة🕋
بقلم الجميلة أروى علي دعواتكم لها بخير الجزاء 🌿🌷

‏ركعتي الضحى ؛ يسيرة العمل عظيمة الفضل💕 يكفيك أنها صدقة عن سائر مفاصلك 🌱
‏الضحى : صلاة الاوابين 🌧