الموضوع مش توضيح عشان ميهمناش نوضح لحد لكن ما هو إلا سرد حقائق عشان فيما بعد ميجيش حد ينسي والقصه تاخد شكل تاني " الأهلي جاله خطاب يوم 8/1/2019 من اتحاد الكوره فيه ماتش الآسيوطي في الدوري يوم 28 فبراير وتمت الموافقة عليه واتبعت جدول ساعتها لكل الانديه وكله وافق عليه " فجأة من اسبوعين تلاته اكتشف مالك الآسيوطي انه هيلاعب الأهلي ماتشين الدوري قبل الأهلي ما يلاعب الزمالك فقرر يعترض ويطلب تأجيل الماتش لبعد ماتش الاهلي والزمالك فالاهلي وافق علي التأجيل وقال معندناش مشكله في التأجيل بس ابعتلنا خطاب رسمي لأسباب التأجيل فجأه لما اتقال في السوشيال ميديا ان مالك الآسيوطي خايف يلاعب الأهلي فقرر وقالك لا خلي اليوم ده ماتش الكاس قام الاتحاد رضخ لمطلب شخص وقرر يخلي الماتش ده في الكاس " هنا الأهلي كان ليه واقفه ايوه انا كنادي كبير تعرضت لضغط مباريات وخسرت اهم لعيبه عندي ومتكلمتش عشان البلد والاستقرار وامم افريقيا وما الي ذلك " لكن متلعبنيش ماتش بناءا علي مزاج شخص قلت عايز تأجيل ماشي لكن متخترعليش في يوم وليله ماتش في بطوله تانيه خالص مكانه " الأهلي صمم علي موقفه وعلي الجدول الي جاله وكان مستعد يلاعب الآسيوطي في الدوري يوم 28 ومطلبش تأجيل الماتش وكمان بعت لاتحاد الكوره يعرف أسباب التأجيل " ومعترفش بالتجديد الي حصل في جدول الدوري في الجلسه الباطله الي حضرها رئيس نادي موقوف " ها هتقدر بقي تضغط الأهلي أو تجبره علي حاجه طبعا لا لان موقفك ضعيف ولو اتكلمت منتا الي حضرت الجلسه وكده مينفعش نعتمد القرارات الي فيها " في النهايه دي القصه بإختصار عشان إن شاء الله فيما بعد لما تدخل موسوعة الوهم الأبيض جمهور الاهلي يبقي عارف كويس ان ناديه بيتحرك قانوني وواثق في خطواته وحق الأهلي عمره ما بيضيع " وخليك فخور دايما انك اهلاوي وان المسافه بينك وبين اي حد بعيده جدا والاهلي عمره ما يدخل قضيه خسرانه ابدا " القصه دي بعدين هتبقي للتاريخ وهتتحكي للاجيال الي بعد كده إن شاء الله عشان يعرفو جزء بسيط من ازاي الكيان ده من 108 سنه شامخ " ومش مشغول بمحاربة الفساد 😂 " وتعيشوا وتاخدو غيرها