***
Кўп меҳр кўргаздинг, минг бора раҳмат,
Айрилиқларга ҳам ўзинг қўйдинг чек.
Лекин, шу кунларда Сен томонлардан,
Миннат овозлари келаётгандек...

Шундоқ ҳам елкамни ёмон эздилар,
Қарздорлик ҳисси, ғам шиддатлари.
Кўзимни очмоққа қўймайди ҳечам,
Ҳаёт миннатлари, ишқ миннатлари...

Беминнат бир севги истаётирман,
Ҳимматли бир ҳабиб изларман ҳар дам.
Бир юрак бўлсайди куз каби сахий,
Севгисидан сармаст юрсанг хотиржам.

Азизим, кимим бор ўзингдан бошқа,
Лабларинг руҳимга жим шивирлади.
Миллион йил ўтса ҳам келиб турсинлар,
Меҳринг овозлари, ишқ шивирлари...
2010 йил

@Guljamol_Asqarova