ᵐʸ ᶠᵘᶜᵏᶤᶰᵍ ʰᵉᵃʳᵗ

كنتُ أعرف الطريق جيدًا ، لكنني أحببت ضلالي معك.

اكتشفت انى لما بحب حد بديله كل حاجة، كل مجهودى وكل طاقتى تقريباً، يمكن انا بحب بطريقة مختلفة شوية بتتميز بالعطاء، انا حبيتك؟ اذن انا هديك حب واهتمام ومجهود وطاقة ودعم واطمئنان وثقة وكل حاجه حرفياً، ممكن اطبق معاك يوم كامل اقعد احكيلك انتَ قد ايه شخص كويس ومميز أو عشان اطمنك ف يوم انت محتاج فيه انك تطمن، ممكن انزل معاك مشوار مهم بالنسبالك مهما كنت تعبان بس عشان ابقى معاك ف اهم لحظات حياتك، مش نرجسي خالص والله بس فعلا يابخت اي شخص انا بحبه واتمنى الاقى حد يحبنى بنفس طريقتي .

بذلت مجهود أكبر ف علاقتي بحد قريب مني بعد ما كنت جايب أخري لما بس سمعته بيقول "أنا مقدّر وجودك ومش مستغني عنه"
بقيت ببذل مجهود أكبر مع أهلي في إني أشيل من عليهم لما قالولي "دورك فارق معانا"
قومت أعمل شغل زيادة لما مديري قاللي "أنا مقدّر تعبك جدًا"
بيطلع مننا فوق ما نتخيل، ف اللحظة اللي بيبقى البنزين اللي بيدفعنا هو "التقدير".

الدنيا مبقتش بسيطة ، السوشيال ميديا رفعت سقف طموحاتك ، فبقيت بتجري جري الوحوش عشان تعرف تلاحق اللي حواليك والأهم إنتزعت منك رضاك بحياتك ، فلا يمكن تكون راضي بشكلك ، مرتبك وانت عامل follow لكل الـ models والفنانين دول ، فتكتئب وتحس انك كومبارس وحياتك ملهاش هدف ، وإنت في الأصل بطل عظيم.

فيه مساحة صغيرة من التفاصيل مفيش حد يعرفها ، مصمم تدفنها معاك وتحكيها لنفسك وبس ، عواقب خروجها للناس دليل إنك على حق مع كل ال ظلموك لكنك اختارت تكون الأحسن بينهم كلهم وقررت تدفن التفاصيل ، الحزن كله إنك الوحيد ال عارف إنك مظلوم ..

أنا شخص مؤمن بالمعافرة طول عمري
شخص بيجيب أخره ف اي حاجة بيعملها، ف أي علاقة بيدخلها وف أي إحساس بيحسه، ف أي شغل بيدخله
وف أي مجهود بيبذله لحد أخر نفس
وعلي قد ما الموضوع مجهد بس بيمحي أي احتمال للإحساس بالندم أو بالخسارة طالما عارف إني مقصرتش
وعشان عمرها ما هتبقي خسارة كل مرة ربنا بيبقي شايل حاجة أحسن عمره ما خيب فعلا.

‏بلاش تنبهر باللى بيعبر عن حبه بالكلام، انبهر باللى منطقهاش، بس قالها 100 مرة ف مواقفو معاك، ف سؤاله واهتمامه بيك وحرصه عليك، بلاش انبهار بالوعود اللى معظمها بتكون مُزيفه، خلي انبهارك بالايام اللى بتسجل لحظاتكم الجميلة لوحدها فاهم .

اللى بيحبك بجد هيدور على أسباب عشان يفضل جنبك مش عشان يتخلى عنك، اللى عاوزك مش هيسيبك فـ نص الطريق وتبقى زى التايه لا منك كملت ولا منك رجعت، اللى عاوزك بجد بيخاف على شعورك زى ما إنت بتخاف وبتقدر ، أصل فى حبه تفاصيل صغيره كده لو إتفهمت من غير كدب وتجاهل هنريح ونرتاح ده لو بنحبهم..

تقريبا الحضن هو الحاجة البشرية الوحيدة اللي مينفعش تتزيف، ممكن حد يسلم عليك من غير ما يكون بيحبك..
ممكن يضحك في وشك احتمال، يهزر معاك ينفع، بس يحضنك حضن يحسسك إنه بيحبك أهو ده اللي مستحيل، الموضوع زي ما يكون الحضن ده عامل زي البصمة بس مش بصمة صوابع، دي بصمة روح، والبصمة مش بتتزيف أبدا ولا ينفع نتحايل عليها.

في لحظات قليلة في الدنيا دي تستاهل إننا نتحمل علشانها كل القرف اللي عايشينه، من أهم الحاجات دي إن يكون عندك ولو شخص واحد.. واحد بس ينفع تروح ترمي وجعك في حضنه وترجع مطمن..

ممكن افضل فتره طويله مكلمش حد وبتقفل كتير من اي حد بيكلم طول الوقت بس ف نفس الوقت عاوز اتكلم عاوز اطلع كل الي جوايا ممكن بدون اي سبب اسيبك واقولك متكلمنيش تاني ده عشان زهقت واتقفلت بس مش من الشخص لا من الدنيا كلها ممكن افضل اسال عليك واطمن عنك ومره واحده مبقتش عاوز اعرف حتي عنك حاجه انا مش غدار انا تعبت واتخذلت بس .

و يحدث أنك تجد كل الحزن بخذلان شخصٍ كان يعني لكَ الكثير ، لكن لا تعطي للأمر أهمية فَكل شئ زائل يا عزيزي الأحباب ، الأصدقاء الأقارب و كل شئ" إنها قصة عادية و كل شئ يمضي بمرور الوقت ..

الحاجه اللي إنت خسرتها الفتره اللي فاتت دي ربنا هو اللي مسبب الاسباب عشان تخسرها لأن هو شايف إنك تستاهل الاحسن شايف إن الحاجه دي لو وجودها كان إستمر كانت ممكن تدمر حياتك يمكن الحاجه دي خسارتها مكسب يمكن قدام شويه تقول الحمد لله يارب إنك بعدتني عنها.

بما اني فاضي شويه هتكلم ف حوار مع ان دا غريب عليا جدا ومبحبش اتكلم عن حاجه تخصني وتكون public بس ما علينا
نا بعيد جدا عن ناس بحبها او ببعد دا خارج عن ارادتي حقيقي + اني مش بحاول اصلح اي حاجه انا محتاج وقت ممكن شهر او سنه الله اعلم بس حاليا انا تعاملي مبقاش مع حد خالص وزي ما قولت فتره وممكن تعدي او متعديش الله اعلم 💙

اكتر حاجه بكرهها ف الكون ان شخص يقرب مني لفترة ويبعد ساعتها بيدور ف عقلي مليون سؤال وهو انا كنت لطيف مع الشخص ده ولا لا؟ طب اذيته ف اي عشان يبعد؟ طب هل هيرجع تاني؟ وبفضل اجيب اللوم كله ع نفسي وده ابشع شىء..

صباح الخير..
انا مبقتش شايف الدنيا بخير، ومبقتش بحس بطعم أي حاجة حواليا، كل لحظه في حياتي ناقصها حاجة علشان تكمل وللأسف أنا معرفش اي هي الحاجة دي،بقيت بنام متأخر وبصحى بدري عادي، بقيت بتخلى بسهولة مكنتش عندي في يوم، بقيت حد ميعرفش نفسه رغم انه عارف نهاية كل شيء حواليه،
بقيت شخص وحيد أكتر من اللازم..

عليك أن تتركها للقدر هذه المرة ولتعلم أنه لو كان مقدرا شئ فسوف يكون، بدون محاولات، بدون جهد، حتى وإن كانت المسافة تبعد بين الشرق والغرب ، افعل ذالك واطمئن..

كبرت وعرفت ان مش بداية العلاقة بين اي اتنين هي الاصعب، الاصعب هو المنتصف بعد كل ما حاجة تبان، العيوب، المشاكل.. بعد ما نتسحل ونعرف بعض والحقيقة كلها تبان وتقف محتار بقى بين هل أنا بحب الشخص دة لدرجة إني هستحمل كل حاجة علشانه؟ وبين أنك عايز تمشي ومش قادر تكمل.

البدايات جميلة آه، لكن الثبات فعلا للصادقين، اللي بيتحملوا، ويهتموا باللي جوانا أكتر من الظاهر..

#ابويا_الله_يرحمو
بعيد عن اي حاجةه أنا هتكلم عن حد علمني فعلا معني الحياةه ، ومش بجامل او بقول كلام وخلاص ، فعلا والله الواحد بيحمد ربنا ان ابويا د ابويا وني اتعلمت منو كتير وفهمت منو حاجات كتير ، بس اقسم بالله ليةه الفضل بعد ربنا في تشكيل شخصيتي عموما
بعيد عن المنظر الخارجي اللي كل واخد بفكرةه عنه
بس لو أنا النهاردةه حد محترم أو ملتزم أو أي حاجه كويسةه أي حد بيقولها عليا ، فبكون عايز أرد وأقول دا طبعا بفضل ربنا الاول ثم أبويا الله يرحمه
فعلا كل جانب في شخصيتي هو اللي شكلةه ،
الحمد لله كنت من حنيتةه بتعلم ومن عصبيتةه بتعلم من نظرتةه بتعلم والله من الكلمةه الصغيرةه بتعلم لو أنا واثق في نفسي دلوقت ف دمن ثقتةه فيا الزيادةه ، لو أنا بعرف أتكلم وبعرف أتصرف ، ف د بسبب المواقف الكتير اللي حطني فيها ، حتي وأنا صغير علمني أن الكلمةه بحساب النظرةه بحساب الحركةه بحساب ،
علمني اعتمد علي ربنا واني ما أقولش حاجةه غير وأقول معاها إن شاء الله ، علمني يعني ايه دين ويعني ايه حياةه ، علمني ازاي أحب اللي حوليا وازاي اتصرف في كل حاجه واللي احسن من دا كله ان كل اللي اتعلمتةه كانت مواقف حقيقيةه هو عملها قدامي يعني مش كلام وبس
علمني كتيييير ومش هعرف احصرهم
لو هدعيلىه هدعيلةه أن ربنا يرفعةه درجةه في الجنه بكل حاجةه علمهالى وعرفهالي
مش غرور والله بس أبويا دا فخر ليا ووسام كدا شرف طول عمري
مهما احكي واتكلم عنه عمري ما هوفيه حقةه
كفايةه اني لحد دلوقت لما بيحصل معايا موقف فجأةه بلاقيه كان متكلم معايا فيه او موقف مشابةه قبل كدا بجد طريقتةه ف التعامل تحتاج تدرس.
مفيش حاجةه من اللي كان متوقعها ماحصلتش لحد دلوقت
دايما كدا بيحصل معايا مواقف ربنا بيوقفلي فيها ناس كويسةه تحلهالي او تساعدني فيها وبقول لنفسي عالطول ان دا طبعا في الاول فضل من ربنا الحمد لله وكمان بجد خير ابويا الله يرحمه بيرجعلي وبفتكر انه فعلا الله يرحمه طبق الآيه دي صح جدا
( وَلْيَخْشَ الَّذِينَ لَوْ تَرَكُوا مِنْ خَلْفِهِمْ ذُرِّيَّةً ضِعَافًا خَافُوا عَلَيْهِمْ فَلْيَتَّقُوا اللَّهَ وَلْيَقُولُوا قَوْلًا سَدِيدًا) بحس دايما ان الايه دي بتتكلم عنه
ولو هتمني لنفسي حاجةه هتمني اكون ضفرو
ربنا يرحمه ويسكنه الفردوس الاعلي🖤
اكيد ان شاء الله هو في مكان احسن 🖤

#غيابك_فارق🖤