موتو هواي
يماعدكم حلم مكيول بعد ماشابعين فياي
ضحك يتارسين الناي
الجنايز حدبت مكفاي
الورد بنار عدنه يعيش مو بلماي
ياهو التوني احبه يموت !!وضل بس وحدي انه وياي
يكلش بلحجي حلوين يابهداي
الكبر مايطي الحبه شكثر وفاي
المناجل غبشت ليكم يسنبل هسه جازي الطين
يتوكم لزلف هاوين
كحل يادوب توه هلال فوك العين
نكاط الزلف هاتوه ضاك الشوف ينص ترجيه ماجازين
بعدهي العابكم جدد يشايب عدكم العشرين
عشك ماسومريتو زغار
مثل ملكاكم التابوت كلش حار
ردناكم عشك ميتي موش بنار
ليش سنينكم خطار
مهو العنده حبيبه بشبكت التابوت حيل اتغار
المارهمت عرس وي شاب البكه براسج عليه كدار
النهر شوجف وطينه نداس مجامل بعد ياناعور من تندار
وطنكم كلشي بيه زغير بس عده المنايه كبار
#محمد_الجراح ⚡️