Nicotine||نيكوتين

@githhp
ده المعرف بتاعي لو حد عايز يعمل معايا قصه ولو حد هيديني افكار للقصة الجديده 🙏

اللي بيقولوا القصه وحشه دول
خوف ولا كره 😂😂💔

                           الفصل التامن والاخير
صحيت من النوم ونزلت قعدت مع بابا وسألته عن امي وازاي ماتت المرة دي اتكلم بطريقة غريبة وكان بيبصلي بقرف وقالي انها ماتت قضاء وقدر انا استغربت طبعا ان ابويا قال كده وخصوصا انه كان مؤمن بالسحر وانها ماتت بسبب السحر والشعوذة اللي بتحصل في المدينة مش عارف اعمل ايه المهم جيه الليل وطلعت اوضتي جهزت نفسي عشان انزل اشوف اللي بعتلي الرساله واللي اكيد عارف كل حاجه انا عايز إجابتها وبعد ما ابويا نام نزلت وروحت على جسر الهلاك اول ما روحت المكان كان شكله مرعب لان الجسر ده مهجور من زمان هو والمناطق اللي حواليه الجسر كله تراب ومفيش نور غير نور بدر القمر  واللي موجود ع الشجر هو الخفافيش بس وصوتها كان مزعج اوي المهم انا وقفت استنيت شوية ولاقيت الجن اللي بيجيلي كل يوم موجود ع هيئة قطة سودة وبيقرب مني بيقرب لحد ما كان بيني وبينه اقل من متر وانا بصراحه كنت واقف مالكني الرعب لحد ما قالي انه هو اللي كان بيحاول زمان انه يحمي امي من ابويا ومسعد وعبود وقالي ان ابويا كان بياخد الأعمال من مسعد وبيحطها في بيوت الناس وكمان اللي كان بيسرح الحيوانات عشان يشيلوا الأعمال دي هو عبود وانهم هما التلاتة كانوا شغالين على الموضوع ده لحد ما في اليوم اللي ابوك جيه واتقدم لامك وحطلها عمل من بتوع مسعد عشان توافق عليه حاولت امنعها كتير بس مقدرتش اتجوزها ولما اكتشفت اللي حصل كان في اليوم اللي مسعد خاف فيه على شغله وحاول يقتل امك ويقتلك وانت في بطن امك بس ابوك لحقكم وهدد مسعد وامك ولدتك بعدها بس مسعد كان عاوز يقتلكوا بأي شكل ولما معرفش يخلي ابوك يقتلكم خلي عبود يبعت جن من اللي على هئية حيوان عشان يقتلها ويقتلك بس الحيوان ده قتل امك بس ومعرفش يقتلك لان ابوك حماك وبعده عنك ومن وقتها وابوك بطل ومن يومها ومسعد بيكرهك وياما حظر ابوك منك وعرض عليه وقاله انه يقتلك ويرجع يشتغل زي زمان بس ابوك رفض لحد من كام شهر بدأ يرجع يشتغل من وراك ومسعد قتل عبود عشان كان هيقع بالكلام قدامك ولسه مكملش كلامه ولقيت مسعد داخل عليه وهو في وشه نظرات شر وكان مخبي حاجه ورا ايده ومن الناحية التانية لقيت ابويا ومعاه حبل وكان باين انه عايز يمسكني ويربطني بالحبل ده والجن اللي كنت بتكلم معاه اختفي ومفضلش غير مسعد وابويا اللي بيقربوا مني ومش لاقي مخرج وفجأه مسعد رفع ايده وكان فيها سكينه وجري عليا بس ابويا لاحظ ووقف قدامي وقتل مسعد ابويا وساب السكينه في جسمه ابويا وقع وسندته ع ايدي وقالي: "سامحني يابني...سامحني" الغل جري في دمي والدم عماني مسكت السكينه وقطعت بيها راس مسعد وكان ابويا في الوقت ده قطع النفس ومات وساعتها انا بصيت للاتنين ومشيت وانا علي لساني جمله واحدة
:- وقعتوا في شر اعمالكوا.....

الكاتب / كريم الكومي
ملحوظة : يفضل عدم قراءة القصه وحدك واثناء الليل

                                   الفصل السابع
اليوم اللي بعده ابويا جاب حكيم عشان يكشف عليا ماهو اللي انا عملته امبارح بردو مش سهل الغريب بقا ان الحكيم ده كان مسعد وده اللي حيرني لان مسعد مبيطقنيش ازاي يجي يعالجني بس فعلا مسعد مطلعش شافني حتى قعد هو وابويا وقاله اوصفلي اللي حصل وابويا قعد ووصفله كل حاجه بس ساعتها مسعد فتح شنطته وجاب منها كيس والكيس ده كان بكرة خيط وشويه عملات وقال لابويا الخيط ده تقفل بيه الباب والشباك بتاعه الاوضة بتاعته والعملات دي تلزقها في السقف بتاع الاوضة ابويا مفهمش وحاول يسأله ليه مسعد قاله اسمع كلامي ومتسئلش كتير وابويا فعلا سمع كلامه ولزق العملات دي في السقف وبدل ما يقفل الشباك حط عليه خيوط من البكرة وعمل بيهم زي ستارة كده وبعدها نمت وصحيت عادي ومحصلش اي حاجه وبعد كده في اليوم اللي بعده نمت ومحصلش حاجه ولما صحيت لاقيت العملات دي بتنور وفيها صورتي يعني العملات دي زي مرايا مسعد بيشوفها كل شويه من بيته اللي قدامي بس لما فكرت قولت هو ليه يعمل كده وان ازاي اللي حصل قبل كده محصلش لما حط الحاجات دي ولا هو ممكن يكون عامل الموضوع ده عشان يراقبني من الاول وسكت وعديتها ونزلت اتكلمت مع ابويا شوية وسألته عن حكاية مسعد ده ازاي قادر انه يعمل كده وخصوصا انه ساكن من زمان قدام ابويا وبيشتري منه على طول ابويا قالي نفس الحاجات اللي انا عارفها واللي الناس كلها بتقولها عليه ولما حاولت اضغط عليه مقالش حاجه بردو ملقتش غير اللي شبهو وهو اكيد يعرفوا عبود جاري المهم خرجت وروحت ل عبود وقعدت معاه شويه بره البيت عشان هو مبيدخلش حد بيته غير الحيوانات اللي بيدخلها بليل وقولتله ايه حكاية مسعد وتصرفاته الغريبه دي عبود سمع السؤال ده وحس بارتباك شديد وقعد يبص حواليه وعلى بيت مسعد ويقولي اوعي تجيب السيرة دي هنا انا معرفش حاجه عن حد ومليش دعوه بحد روح يا مهند علي بيتك انا استغربت اوي! ازاي عبود يقول كده ده هو بنفسه قالي قبل كده انه يعرف كل حاجه حصلت في المدينة وكل شخص فيها طب ازاي؟.. رجعت بيتي وانا مش عارف ايه اللي بيحصل ولما دخلت قعدت شويه وبليل لما طلعت اوضتي كان مكتوب رساله فيها : لو عايز تعرف اجابة اسئلتك هتلاقيني عند جسر الهلاك الساعه ١٢ بليل بكرة ساعتها قعدت على سريري وقعدت افكر مين اللي باعت الرساله دي وازاي عارف انا عايز اسئل على ايه ببص لفوق لقيت مسعد منور في العملات اللي في السقف انا بصيت على الشباك لاقيت مسعد خارج من بيته ورايح على بيت عبود ولما وصل طرد كل الحيوانات اللي فيه ومسك سكينه وقتل عبود ومش بس كده ده خرج من بيت عبود براسه ولما روح بيته صورة راس عبود كانت ظاهره في العملات اللي كانت في السقف انا خوفت اوي وابتديت اشيل العملات والخيوط بتاعته ورميتها كلها من الشباك وغمضت عيني وجالي نفس الجن اللي كان بيجيلي ووراني جزء في الماضي كلام ما بين اتنين كان بيدور بينهم حوار علي واحد تالت هيخنهم ويقول على كل حاجة والاتنين دول كان منهم مسعد بس التاني مكنش باين والضلمه مغطياه المهم انا ملتفتش اوي للي حصل وسألته عن الشخص اللي مش باين وقالي: ده حد ظالم حتى لاقرب الناس ليه ومبيراعيش غير نفسه اناني وقتال وبعد كده قالي امك عايزاك معاها هي مستنياك وبتقولك متنسهاش ورجعني تاني وصحيت من النوم................

                                    الفصل السادس
انا سمعت كلام ابويا وروحت عشان انام كالعادة ولما نمت جاتلي امي في الحلم ع طول وانا استغربت بس امي كانت واقفه ع جسر تحته مكان قبرها وبتقولي "تعالي يا مهند" انا صحيت مفزوع من النوم وقعدت اقرا قرآن لحد ما اترمت قدامي رساله وحد رماها من الشباك والرساله دي كان مكتوب فيها :" لو عايز تعرف مين اللي قتل امك تعالي في المقابر قدام قبرها وتحت مكتوب شويه تعاويذ كده اقراها لما تحس بالشر او ان حد ماشي وراك " الرساله دي شدتني اوي وقعدت اسأل نفسي هو مين اللي يعرف ازاي اتقتلت امي غير ابويا وازاي يبعتلي التعاويذ دي هو ده جن ولا انس؟ احترت جامد واخدت قرار اني هروح ع نص الليل بعد ما ابويا ينام وأتاكد بنفسي وفعلا اخدت القرار وبليل هتحرك وفي نص الليل بعد ما ابويا نام واتأكدت انه نايم روحت للمقابر بس الغريب ان عبود مكنش عامل الحفله اللي بيعملها كل يوم ومسعد كمان بيته باين عليه انه مقفول المهم انا هروح للمقابر ومشيت شويه في الطريق لاقيت القطه السودة اللي كانت بتبقي عند الشباك موجوده في الطريق وجريت قدامي وهي بتبصلي ودخلت في بيت وبعد كده مشيت شويه لقيت حمار من غير صاحب قولت اركب عليه اهو يوصلني ويرجعني بس لما قربت من الحمار سمعت صوت واحد عمال يقول: "ابعد عني.. ابعد عني" انا كنت مستغرب شوية وافتكرته حد بينادي وبعد كده اول ما ركبت عليه الحمار ده بدأ يكبر وجسمه بدأ يتحول ويكبر وانا اول ما حصل كده طلعت اجري بعيد عنه في الحواري الضيقه في المدينة وبعدها وصلت للمقابر ووصلت لحد قبر امي ومتأكد ان مفيش حد ورايا ومع ذلك سمعت نفس الاصوات اللي كنت بسمعها ولقيت مرة واحدة سكينه داخله في نص بطني واول ما لفيت عشان اشوف مين اللي عمل كده لاقيت ابويا الحاج بشار ومكنش ع لساني غير "بابا بابا بابا ااااااا" ابويا صحاني من النوم وكان باين ع وشه الفزع وقالي مالك يا مهند مالك يا حبيبي؟ ايه اللي حصل؟
انا قولتله: انت انت قتلتني صح! ابويا اتفاجئ وقالي اقتلك ازاي يابني؟ ده انا افديك بروحي يا حبيبي وكان باين ع وشه الخوف
قولتله ربنا يخليك يا بابا...........

                               الفصل الخامس
بعدها نزلت انا وابويا عشان نروح المحل بتاعي واول ما نزلنا قدام البيت لاقيت مسعد وعبود واقفين مع بعض انا بصيت في الأرض ومشيت مع ابويا وروحنا الدكان ولما روحنا قعدنا قيمه كام ساعه ولقيت محروس بتاع الحلاقه اللي فاتح جمبي بيقولي انهم سمعوا حد بيصرخ امبارح في شلال الموت ولاقوا دم واثار لرجلين شخصين انا اول ما سمعت استغربت اوي وافتكرت نفس اللي حصل امبارح بعدها مقدرتش اكمل في المحل قعدت ع جمب وخليت ابويا هو اللي يكمل بيع وقعدت شويه وسرحت وفجأه لقيت عبود جيه وكان باين في عينه شر جيه وقال: عم بشار سمعت اللي حصل في شلال الموت
ابويا حب يسمع منه فقاله ايه اللي حصل يا عبود؟
عبود قاله: بيقولك في واحد اتقتل كان رايح هناك بليل وكان فاكر انها هتعدي وعلي صوته وقال خلي بالك من نفسك انت وابنك محدش عارف ايه اللي ممكن يحصل تاني.. ابويا قاله ربنا يسترها ع الكل يبني!.....عبود قاله هاتلي طلبات كل يوم بقا!
وفعلا ابويا جاب الطلبات وحاسبه ولما عبود مشي وبعدها قعد جمبي واتكلم معايا وقالي اهو ده معروف عنه انه دجال واللي بيحصل في بيته بليل مش خير وانا عارف اللي بيحصل وساكت ومينفعش افتح بوقي احنا في مدينة كلها دجالين وسحرة الكداب عندهم صادق والمظلوم عندهم لعبه ممكن في دقيقه يقتلوها وينسوا هما عملوا ايه انت عارف الواد اللي بيقولوا عليه انه مات ده كان واد غلبان اتخانق مع واحد من العفاريت وقتلوا وانا مليش غيرك يابني وبعدها قام ابويا قفل الدكان ومشينا للبيت سوا ووصلنا البيت وابويا قفل الباب وقالي مينفعش تخرج الايام دي مين عالم ايه اللي ممكن يحصل.....

                                    الفصل الرابع
لما دخلت البيت روحت انام عادي زي كل يوم طلعت اوضتي ودخلت لاقيت ابويا قاعد في الضلمه على سريري اتخضيت اوي وقلب وقع في رجلي وبعدها قالي: كنت فين يا مهند؟
انا كدبت طبعا وقولتله اني كنت عند صاحبي احمد اللي ساكن جمب المحل بتاعي بس هو حس ان في حاجه مش طبيعيه وقالي : لما تعوز تقول الحقيقه يابن بشار انا موجود ومش هجبرك تقولها لانك مصيرك هتحكهالي وطلع بره الاوضة وسابني اول ما طلع انا حاولت انسي وروحت عشان انام ولما نمت جالي نفس الجن اللي جالي قبل كده وقالي: مهند يلا بينا
المرة دي انا مقاومتش ووداني نفس المكان عند امي بس المرة دي هو مخلناش نتكلم هو قالي: انت تعرف امك ماتت ليه؟
انا بصيت باستغراب وقولتله : لا معرفش؟
هو وقتها خدني وروحنا مكان كده في المدينة اسمه : "شلال الموت" وده موجود بعد المقابر يعتبر قريب منها اوي واللي اتقال عن المكان ده ان اللي كانوا بيشربوا من مايه الشلال ده كانوا بيموتوا بعض في وقتها وان مفيش حد بيروح المكان ده في اي وقت واللي بيروح هناك مبيرجعش المهم روحنا هناك ولاقيت انه بيوريني شخصين اتنين من البشر انا عارفهم كويس ولما بصيت كويس لقيتهم مسعد وعبود وبيحفروا حفرة بردو جمب الشلال وفي الاخر سمعت صوت بيقول :مهند مهند اصحي يابني عشان نروح المحل! انا فتحت عيني لقيت ابويا بيصحيني ولقيت القطه السودة بتنزل من الشباك مفتحتش بوقي وطلعت اجري ع الشباك لاقيت عبود واقف نفس الوقفه اللي كان واقفها قبل كده وبيضحكلي
ابويا استغرب وقالي :مالك يا مهند انت شوفت حاجه؟
قولتله لا مفيش حاجة انا كنت باخد هوا بس ويلا بينا عشان نفطر ونزلنا تحت عشان نفطر مع بعض.......

                                    الفصل التالت
بعدها خدني زي جن ووداني في مكان كله أرواح للبشر وقعد يقول تعاويذ كده بدأت الارض تنشق ويطلع منها روح لواحدة غاليه اوي عليا وبحبها جدا طلعت روح امي اللي اول ما طلعت انا فرحت وهو بصلي وقالي : امك اهي يا مهند هسيبك تتكلم معاها وبعد كده هقولك هتعمل ايه؟ وفعلا امي بدأت تكلمني وحصل كالآتي :-
الام : مهند!
مهند:وحشتيني اوي يا امي!
الام: وانت كمان واحشني يا مهند
مهند : ماما هو ايه اللي بيحصل؟ وايه اللي جابني هنا؟
الام : متخافش يا مهند ده كله تهيأت يا حبيبي!
وفجأة صحيت من النوم وانا مخضوض وخايف وببص ع الشباك لقيت قطه سوده من اللي بتدخل عند عبود واقفه ع الشباك وبصتلي جامد ونزلت من الشباك ولما جيت ابص عليها اختفت ولاقيت عبود واقف قدام باب بيته وبيضحكلي
انا استغربت وقولت لازم اروح المقابر عشان اشوف امي
وفعلا بليل ومن غير ما اقول لابويا طلعت من بيتي وروحت المقابر والغريب اول ما وصلت لقيت غراب ع اول المقابر وعامل ازعاج كبير وصوته زي ما يكون في حاجه بتحصل جوا لما دخلت ومشيت شويه لاقيت واحد عمال يحفر حفرة كبيره اوي عند المكان اللي امي مدفونة فيه وهو بيحفر سمعت اصوات عماله تضحك وتقولي: (مجنون مجنون... ابعد عن هنا يا مجنون) وفي الاخر قعدت تضحك جامد وفجأة الشخص اللي بيحفر ده اختفي والحفرة اتقفلت حتى الغراب مبقاش موجود ولما جريت ع قبر امي عشان اشوف الحاجات اللي شوفتها دي حقيقه ولا لا روحت ملقتش حاجه وكل حاجه زي ما هي بس لاحظت ان التراب اللي موجود ع القبر مكتوب فيه كلمه "مجنون" خوفت اوي ولاقيت نفسي بجري بسرعه ع البيت ولما وصلت لاقيت مسعد واقف ع باب بيته وبصلي جامد بس زي العادة وانا مكنش في بالي غير اني اروح بيتي وانسي اللي حصل........

                                   الفصل التاني
طبعا هتستغربوا من "مسعد" ليكوا حق اذا كنت انا اللي ساكن قدامه ومستغرب اوي بس ده مش الوحيد اللي مستغربه لا
ده في "عبود" اللي طول الليل ابقي شايف نور بيته مفتوح وزي ما يكون في حد جوا عامل فرح او حفله والاغرب ان اللي بيجيلوا بيبقوا حيوانات يعني قطط او حمير او كلاب ويجوا ع نص الليل ويمشوا قبل الفجر ب خمس دقايق بس ويختفوا فجأة من قدامي وكلام الناس بيقول انه في واحد شاف اللي جوا وقال ان عبود بيعمل حفلات للجن اللي بيتشكلوا في هيئة حيوانات بس انا مصدقتش الكلام ده وواجهته بيني وبينه بس هو كان بيقفل الموضوع وكان بيقولي الظلم وحش يا مهند والناس معندهاش غير الكلام ودي أرض العجايب يعني فيها ناس ملهاش غير الكلام اللي ملوش لازمه ده انا اه حسيت انه كداب بس قولت عادي يمكن انا متهيألي ماهو فعلا البلد دي ملهاش غير الكلام الفاضي ولما سألته انت ليه بتاخد مني كل يوم عشر علب عصير واكل يكفي عشر اشخاص قالي لا اصلي بوفر للايام مين عارف بكرة هنلاقي اكل ولا لا... عنده حق اذا كنت لما بجيب بضاعه بطلع بره المدينة عشان استلمها عشان لو دخلت المدينة متعرفش ممكن ايه يحصلها؟؟
عبود ومسعد من اكتر الناس اللي بستغربهم وكنت حاسس انهم بيكرهوني لدرجة كبيره وده باين من تصرفاتهم وفي يوم حصلت حاجه خليت الكل يحتار وانا نايم حسيت ان في حد بيشد روحي من جسمي وبيقولي تعالي معايا يا مهند عندي مكان حلو ليك! انا استغربت وخوفت ومرضتش اروح معاها بس معرفتش اقاوم وسحبت روحي وانا نايم وبقي الروح في حته والجسم في حته.....

                                 مدينة عجايب
                                   الفصل الاول
في قديم الزمان وتحديدا في "المغرب" هيحكي (مهند) :- انا مهند وعندي ١٨ سنه وعايش في ارض العجايب شمال غرب المغرب في بلد اسمها "عجايب" واتسميت بالاسم ده عشان الناس بتقول ان المدينة هنا فيها العجب وفيها الجن والسحرة والمشعوذين وكل اللي يفهموا بس في السحر والجن والعفاريت ناس كتير اوي بتيجي هنا عشان يعالجوا بناتهم وولادهم رغم اني مش مقتنع بالكلام ده وان ابويا الحاج "بشار"
كان بيحاول يقنعني ان الحاجات دي حقيقه وان فعلا في جن وعفاريت وفي سحر وكان بيقول دايما ان السحر موجود في القرآن الكريم واننا لازم نموت بيه بس الغريب انه قال ان السحر ده هو السبب في موت والدتي وقال انها شافت جن في الحمام ومستحملتش المنظر وماتت بس المشكله مش في انه قال كده كل مرة كان بيحكي فيها كان بيغير في الطريقه يعني مرة قالي انها سمعت القطة السوده بتتكلم ومرة قال ان امي وقعت في بركة فيها جن والجن خدوها معاهم بصراحه كده مكنتش عارف هو بيقول كده خوف عليا ولا خوف من الجن؟..
مكنش راسي ع حاجه بس اللي حمدت ربنا عليه هو انه عايش معايا لحد دلوقتي في بلد زي دي.. اللي معروف عني هنا بقا في المدينة اني مبسمعش للسحره والدجالين وده كان عاملي مشاكل مع "مسعد" الدجال اللي كنت بشوف ناس كتير طالعة من بيته وفرحانه اوي كنت استغرب! ولما اجي ارمي عليه السلام ميردش عليا وكان يبصلي جامد اوي وانا في المحل بتاعي والغريب انه لما يعوز من المحل حاجه كان بيجي يقف قدام المحل ويفضل يبص عليا لحد ما اخلي ابويا هو اللي يقف وابعد انا عن المحل....

الأمان الذي تطلبه مني أنا نفسي أفتقده ...

طبيبي النفسي يُلفق لي اضطراباً تلو الآخر
الأبله يريد أن يملأ محفظته من الأموال التي أختلسها من درج خزانته ...

ذنبي الأكبر أني لم أخبرهم بأن الأصوات داخل عقلي كانت تردد باسمك ...

يجب أن تقاس بعض الليالي بعدد الدمعات والتنهيدات لا الساعات
...