ضمن سلسلة رسائل لن تصل :
"انتِ بعيدة عني وكل اخبارك مقطوعة عني عم اتواصل معك بطريقة غير مباشرة بشتقلك بيني وبين حالي عم اسمع الاغاني الي بتحبيهن ..
وعم اقرا للكتآب الي بتحبيهن اقتنعت انو النسكافيه الصبح اطيب من القهوة واكل المطاعم مانو طيب ومو صحي ..
عم لاطف الولاد الصغار الي ببيعو عالطرقات واشتري منهن بعد ماضحكهن والقطة الي كانت توصل لباب البيت صرت طعميها ومابقا اضربها لتتقلع حتى تعودت علي و بطلت تخاف مني ،
وبس عم كرب عم اشرب شاي وليمون متل ماكنتي تقوليلي مع انو مو طيب بس صرت حبو
مابقا غيرت اللون الاسود لانك بتحبي علي وعم ديري بالي ع حالي كتير منيح متل ماكنتي توصيني ..
عطول عم زور اول مكان شفتك في واقعد بنفس المحل واسمع ذات الغنية الي سمعناها وقتا ، كل شي تمام مابقا شي مبعدني عنا الا جفاكِ !" 🖤
-