Yaqinda “Oʻzbekistonda nima tekin boʻlishini xohlaysiz? degan savolga bittasi “ hojatxonalar” deb javob berdi va u ijtimoiy tarmoqda ancha keng qoʻllab quvvatlandi. Kommentlarda hamma hojatxona pullik ekanidan noligan. Toʻgʻri umuman olganda hojatxonalar pullik boʻlgan kam sonli davlatlardan birimiz lekin masalaning boshqa tomoni ham bor: Biz bepul hojatxonalarga arziymizmi?

“Biz moldek foydalanganimiz uchun hojatxona pullikmi yoki pullik boʻlgani uchun biz moldek foydalanimizmi” degan savolga javob topishga harakat qilib koʻrdim. Yaqinda yaxshi bir ovqatlanish maskanida (tekin) hojatxonaga kirdim. Vaziyat ayanchli. Demak, gap pullik yoki bepul ekanligida emas. Gap bizda, menda, sizda!!!
Hamma aytishi mumkin men unaqa emas deb. Lekin siz kirgan vaqtda ayanchli holatda boʻlgan hojatxona siz chiqayotganda toza boʻlmadi demak sizda ham ma’lum bir ma’noda hissa bor. Sizdan keyingi odamni vijdonini (agar boʻlsa) qiynash uchun tozalab chiqing. Kulgili emas, rostan buni uyatli joyi yoʻq. Zero, kelajakda jamoat hojatxonalaridan foydalanish madaniyati yuksalishiga ham sabab boʻlishingiz mumkin. Nima, toʻgʻri emasmi? Men ham bino egasi boʻlsam, bunaqa rasvo joyni tozalash uchun alohida farrosh yollashimga toʻgʻri keladi uni pulini nega “moldek” foydalanayotgan odam toʻlamasligi kerak?! Masalan, Yaponiyada har qanday joyda alohida farrosh yoʻq, lekin hamma joy top toza. Shu jumladan hojatxona ham. Men oʻzim doʻkonda sotuvchi boʻlib ishlaganimda, hojatxonani tozalar edim. Shunchaki 5 daqiqada toza joyni qayta tozalardim. Nega bizda farrosh tozalab ulgurmasdan yana oʻsha manzara? Dinimizda ham bu masalaga jiddiy qaralgan-ku. Tik holatda hojat chiqarish taqiqlanishi yoki hojatidan saqlanmagani uchun qabr azobiga duchor boʻlishi haqida bila turib ham ahvol ayanchli!

Xulosa shuki, nimadirni talab qilishdan oldin unga munosib boʻlaylik. Bitta men nimani oʻzgartiraman demang. Zero, “Dunyoni oʻzgartirmoqchi boʻlsang, avval oʻzingni oʻzgartir” deb bekorga aytishmagan!!!