✯ مدین ✯:
ОНАНИНГ КЎЗ ЁШИ.

Бу дунё ишлари ажибдан~ажиб,
Синовлар келади эрта ёки кеч.
Не бўлса булсин~у, аммо, бир фақат,
Онанинг кўз ёши тўкилмасин ҳеч.!

Осмон ҳам титраркан Она йиғласа,
Фарёдла зор қақшаб бағрин тиғласа,
Инсонмас кимда~ким Она илғаса,
Онанинг кўз ёши тўкилмасин ҳеч.!

Уларнинг меҳридан илийди жаҳон,
Эъзозла, қадрла, хурматла ҳамон,
Оналар муққаддас, ғанимат меҳмон,
Онанинг кўз ёши тўкилмасин ҳеч.!

Майлига кўкдаги ойлар йиғласин,
Денгизу-дарёлар, сойлар йиғласин,
Тиллога кўмилган бойлар йиғласин.
Онанинг кўз ёши тўкилмасин ҳеч.!

Оналар дур-гавҳар, эзгу аримас,
Оёғин остида Жаннат, қаримас,
Бир томчи ёшига дунё арзимас,
Онанинг кўз ёши тўкилмасин ҳеч.!

Чидайман дунёда не бўлса, бўлсин,
Лек, Она йиғламай юрсин эрта-кеч.
Аллоҳим ўзингдан ёлвориб сўрагум,
Онанинг кўз ёши тўкилмасин ҳеч.!

@KARIMOV_5656