𝐊𝐚 𝐊𝐚 𝐇𝐚𝐧✍️

ဒီမိုကရေစီ အခွင့်အရေးပေးထားကြောင်း၊ တိုင်းရင်းသားများနှင့် ပတ်သက်တဲ့ အခွင့်အရေးများလည်း ပေးထားကြောင်း နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် ပြောကြား
==================================
EAO တွေအနေနဲ့ ကိုယ်ဖြစ်ချင်တာတွေကို ပြောနေမယ့်အစား ဖြစ်သင့်တာတွေ ဖြစ်နိုင်တာတွေကိုသာ ပြောသင့်ကြောင်း၊ ကျွန်တော်တို့အနေနဲ့ ဒီမိုကရေစီ အခွင့်အရေးပေးထားကြောင်း၊ တိုင်းရင်းသားများနှင့် ပတ်သက်တဲ့ အခွင့်အရေးများလည်း ပေးထားကြောင်း၊ ကမ္ဘာမှာ ကြည့်လိုက်ရင် အားလုံးက မျှတတဲ့အခွင့်အရေးကိုပဲ ရကြတာဖြစ်ကြောင်း၊ တစ်ဖက်သတ်အခွင့်အရေးကို ပေးလို့မရကြောင်း နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် က မတ်လ ၉ ရက်နေ့တွင် ရုရှားဖက်ဒရေးရှင်းနိုင်ငံနှင့် ဘယ်လာရုစ်သမ္မတနိုင်ငံတို့သို့ တရားဝင်ချစ်ကြည်ရေးခရီးစဉ် သွားရောက်၍ မြန်မာနိုင်ငံသို့ ပြန်လည်ထွက်ခွာသည့် ခရီးစဉ်တွင် အထူးလေယာဉ်ပေါ်၌ မီဒီယာများ၏ မေးမြန်းမှုအပေါ် ပြန်လည်ဖြေကြားရာတွင် ပြောကြားခဲ့တာ ဖြစ်ပါတယ်။
ထို့ပြင် ကျွန်တော်တို့အနေနဲ့ တိုင်းရင်းသားတွေ ဘက်ကိုလည်း ဦးစားပေးပြီး ဆောင်ရွက်ပေးသွားမှာဖြစ်ကြောင်း၊ နောက်ကျပြီး ကျန်ခဲ့တဲ့ တိုင်းရင်းသားနယ်မြေတွေအားလုံးကို ဦးစားပေးပြီး ဆောက်ရွက်ပေးမှာဖြစ်ကြောင်းကိုလည်း ထည့်သွင်းပြောကြားခဲ့ပါတယ်။