ಭಕ್ತಿಗೀತೆ
ರಚನೆ: ಚಿ.ಉದಯಶಂಕರ್
ಸಂಗೀತ: ಎಂ.ರಂಗರಾವ್
ಗಾಯನ: ಡಾ.ರಾಜ್‍ಕುಮಾರ್

||ಗುರುವಾರ ಬಂತಮ್ಮ
ಗುರುರಾಯರ ನೆನೆಯಮ್ಮ||
ಸ್ಮರಣೆಮಾತ್ರದಲಿ ಕ್ಲೇಶಕಳೆದು..ಸದ್ಗತಿಯ ಕೊಡುವನಮ್ಮ
ವಾರ ಬಂತಮ್ಮ ಗುರುವಾರ ಬಂತಮ್ಮ
ರಾಯರ ನೆನೆಯಮ್ಮ ಗುರುರಾಯರ ನೆನೆಯಮ್ಮ

||ಯೋಗಿ ಬರುವನಮ್ಮ ಶುಭ ಯೋಗ ಬರುವುದಮ್ಮ||
ರಾಘವೇಂದ್ರ ಗುರುರಾಯ ಬಂದು..ಭವರೋಗ ಕಳೆವನಮ್ಮ
||ವಾರ ಬಂತಮ್ಮ||

||ಮನವ ತೊಳೆಯಿರಮ್ಮ..ಭಕ್ತಿಯ ಮಣೆಯ ಹಾಕಿರಮ್ಮ||
ಧ್ಯಾನದಿಂದ ಕರೆದಾಗ ಬಂದು..ಒಳೆಗಣ್ಣ ಬೆರೆವನಮ್ಮ
||ವಾರ ಬಂತಮ್ಮ||

||ಕೋಪ ಅರಿಯನಮ್ಮ...ಯಾರನು ದೂರ ತಳ್ಳನಮ್ಮ||
ಪ್ರೀತಿ ಮಾತಿಗೆ ಸೋತು ಬರುವ..ಮಗುವಂತೆ ಕಾಣಿರಮ್ಮ
||ವಾರ ಬಂತಮ್ಮ||

||ಹಿಂದೆ ಬರುವನಮ್ಮ..ರಾಯರ ನೆರಳಿನಂತೆ ಹನುಮ||
ಹನುಮನಿದ್ದೆಡೆ ರಾಮನಿದ್ದು ನಿಜ ಮುಕ್ತಿ ಕೊಡುವನಮ್ಮ

ವಾರ ಬಂತಮ್ಮ..ಗುರುವಾರ ಬಂತಮ್ಮ
ರಾಯರ ನೆನೆಯಮ್ಮ ಗುರುರಾಯರ ನೆನೆಯಮ್ಮ
ಸ್ಮರಣೆಮಾತ್ರದಲಿ ಕ್ಲೇಶಕಳೆದು..ಸದ್ಗತಿಯ ಕೊಡುವನಮ್ಮ

||ವಾರ ಬಂತಮ್ಮ ಗುರುವಾರ ಬಂತಮ್ಮ
ರಾಯರ ನೆನೆಯಮ್ಮ ಗುರುರಾಯರ ನೆನೆಯಮ್ಮ||