ilma maryam
Maqaa Rabbii Akkaan Mararfataa Akkaan Rahmata Godhaa Ta'eetiin.
مَّا الْمَسِيحُ ابْنُ مَرْيَمَ إِلَّا رَسُولٌ قَدْ خَلَتْ مِن قَبْلِهِ الرُّسُلُ وَأُمُّهُ صِدِّيقَةٌ
5፥75 Masiih llma Maryam ergamaa isa dura ergamoonni dabran malee kan biraa miti Haati isaas akkaan dhugoomsituudha.
Bataskaanni Hawaariyati Ethiopia "Yesuus qofa/only jesus" jedhamuun beekaman Yesuus ilma mariyami miti jedhani amanu. Falmii kufaa kana haala amansiisaa ta'een Haa ilaallu. Gooftaan keenya allah Qur’aanaa keessatti yeroo 23 "ibnu marym" بْنُ مَرْيَمَ jechuudhan Yesuus ilma maryam akka ta'e nuuf hima.
مَّا الْمَسِيحُ ابْنُ مَرْيَمَ إِلَّا رَسُولٌ قَدْ خَلَتْ مِن قَبْلِهِ الرُّسُلُ وَأُمُّهُ صِدِّيقَةٌ
5፥75 Masiih llma Maryam ergamaa isa dura ergamoonni dabran malee kan biraa miti Haati isaas akkaan dhugoomsituudha.
"Haadha isaa" kan jedhu jala sararaa, ilmi tokko kan waamamu abbaa isaatin akka ta'e beekamadha, Haa ta'u malee Yesuus abbaa waan hin qabneef haadha isaatin "Ilma maryam" jedhamee waamama. Macaafa qulqulluunis taanan Yesuus ilma maryam akka ta'e ni dhoksaa ? Goonkumaa hin dhoksuu, sanuu firee gadaamessaa ishii akka ta'e barsiisa.
“Sagalee ishee ol fudhattee dhageessiftees, "Ati dubartoota hundumaa irra eebbifamtuudha; mucaan ati gadaamessaatti baattus eebbifamaa dha.”
— Luq. 1:42
“Utuu Yoseef kana yaadaa jiruu, kunoo, ergamaan gooftaa abjuutti itti mul'atee, "Yaa Yoseef ilma Daawit, Maariyaam kaadhimni kee hafuura qulqulluudhaan waan ulfoofteef, ishee of biratti fudhachuu hin sodaatin!”
— Mat. 1:20
isheen kan ulfuufte hafuura qulqulluun waan ta'eef kan isherra dhalatu kun ilma isheeti.
“angafa ilma ishee deessee,
— Luq. 2:7
“Haa ta'u iyyuu malee, inni hamma isheen ilma ishee deessutti ishee hin barre; mucicha immoo "Yesus" jedhee in moggaase.”
— Mat. 1:25
Mariyam haadha Yesuus akka taatee barreesitoone wangeelotas ta'e Gabri'el haadha isaa jechuun nu akeekkachiisu.
“Abbaan mucichaa fi haati isaas waan Simi'oon waa'ee mucichaaf dubbate hundumaa in raajeffatan.”
— Luq. 2:33
“Manatti lixaniis mucicha haadha isaa Maariyaamii wajjin argatanii,
— Mat. 2:11
“Erga jarri biyya isaaniitti sokkanii immoo, kunoo, ergamaan gooftaa tokko abjuutti Yoseefitti mul'atee, "Ka'ii, mucichaa fi haadha isaa fudhadhuutii biyya Gibxiitti baqadhu! Herodis mucicha ajjeesuudhaaf waan barbaaduuf, hamma ani sitti himutti achuma turi!" ittiin jedhe.”
— Mat. 2:13
“Yoseef yommus ka'ee mucichaa, haadha isaas fudhatee halkaniin, biyya Gibxiitti in sokke.”
— Mat. 2:14
Yesuus *ilma namaa* jechuudhaan yeroo 81 akka of waamee wangeelota afran keessatti barrefame ni argama. Ilma nama jechuudhaan yeroo 30 wangeela maatewos kessaa, yeroo 14 wangeela marqoos kessatti, yeroo 25 Wangee luuqaas kessatti, yeroo 12 immoo wangeela Yohaannis kessatti ni argama. Bara 250 AD irratti kan aragame "papyrus" 1 irratti yeroo 30 akka ilma nama ofiin jedhe qorannoowwan ni agarsiisu. Yesuus ramaddii 3ffadhaan akka ilma namaa ta'e sirritti akeekkachiise dubbate jira.
“Inni ilma namaa isa ulfina-qabeessa waan ta'eef, abbaan isaa firdii akka inni faraduuf gooftummaa kenneeraaf.”
— Yoh. 5:27
“Ilmi namaa yommuu dhufe, in nyaata, in dhugas; isaan immoo, 'Ilaa nama albaadhessaa fi machaa'aa kana, hidhata warra qaraxxuutii fi warra akka seeraatti hin jiraannee' jedhu. Haa ta'u iyyuu malee, ogummaan Waaqayyoo ija hojii isaatiin dhugaa argate" jedhe.”
— Mat. 11:19
Yesuus Raajiin inni dalagu martuu uumaa (rabbi) irraa kan kennameefidha. Mariyam irraa ulfaa'e waan dhalateef ni beela'a, ni dheebota, ni dadhaba, wanta afaanin nyaatee bakkeedhaan ni qulqulleffata.
“Wanti afaaniin lixu hundinuu, mar'umaanitti darbee bakkeetti akka ba'u hin qalbifattanii ree?”
— Mat. 15:17
Gara samii erga lixee booda hoo ? Ilma namaati moo maal inni ? Yoo jedhame ammas Isxifaanos kan samiirratti arge ilma namaa qofa.
“"Kunoo, ani bantiiwwan waaqaa banamanii, ilmi namaas gara mirga Waaqayyoo dhaabatee nan arge" jedhe.”
— HoE. 7:56
https://t.me/KaraandhugaaIslaamummaaqofa
