لسان حال مولاتنا العليله
〰️〰️⚜️✍🏻⚜️〰️〰️

غيمت دنياي بفراككم اه ياهلي
غيمت دنياي

بس حزن وياي فوك الوجن دمعي يهلي

بس حزن وياي

ضلي ابدمع يعيوني
راحو هلي وماجوني

غيمت دنياي

〰️〰️⚜️✍🏻⚜️〰️〰️

يوم شالو روحي ضلت بالونين

مساهره بالليل مانامت العين

وين اهلي العشت وياهم اسنين

وانه تغير لووني
راحو هلي وماجوني

غيمت دنياي

✍🏻ام نادين المحمداويه

〰️〰️⚜️✍🏻⚜️〰️〰️

شفت يوم الرحتو انواع العذاب

مطرت اعيوني مثل زخ السحاب

وين عفتوني او مشيتو يالاحباب

ما حسبت ينسوني
راحو هلي او ما جوني

غيمت دنياي

ام سجاد العسكري

〰️〰️⚜️✍🏻⚜️〰️〰️

اكبال عيني للضعن من حملو

وسدروا بضعونهم عني وجزو

ليش وحدي اهلي خلوني ومشو

بالنزل عافوني
راحو هلي ماجوني

غيمت دنياي

✍🏻ام بنين العيفاريه

〰️〰️⚜️✍🏻⚜️〰️〰️

ودعتكم والدمع مني يهل

بالعلل وفراك عافوني الاهل

يمته ياربي يرد ذاك الشمل

بويه بس تانوني
راحوا هلي ومااجوني

غيمت دنياي

ام علي البابلي

〰️〰️⚜️✍🏻⚜️〰️〰️

مشوا عني و إيست من الضعن

عيوني تجري والدمع فوك الوجن

اذكر اهلي والكلب ليهم يحن

عافوها ليش، ضعوني
راحوا هلي وماجوني

غيمت دنياي
✍️
ام وليد الموسوي

〰️〰️⚜️✍🏻⚜️〰️〰️

تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
https://t.me/Kfeilzainp