‌‌🌈ᵏᵒᵐᵃˡᵍᵃ

📌#پرسی_جوانکاری_لە_کۆمەڵگا

🖇بۆچی نەشتەرگەری جوانکاری؟

حەز کردن بە جوان بوون
هەستێکی سروشتییە
کە لە هەموو زیندەوەرێکدا هەیە...
تەنانەت لەناو گیا و ڕوەکدا
ڕکابەرییەک هەیە بۆ ئەوەی
کە دارێک یان گوڵێک
بەنیسبەت ئەوانی دیکە
زیاتر خۆی هەڵدەکێشێ
بەرەو خۆر و گەشەی زیاتر دەکا...
ئەوە سەرەڕای ئەوەیە کە
هەوڵێکە بۆ مانەوە و ژیان...
ژنان و پیاوان بە یەک ڕێژە
بەدوای جوانییەوەن...
بەڵام بە شێوازی جیاواز.
پیاوان زۆرتر گرینگی بە
جوانکاری ماسوولکەیی دەدەن و
ئەم حەزە لە ژناندا
زیاتر لەسەر دەمووچاو،
پرچ، مەمک و سمتە...
واتە لە هەردووک ڕەگەزدا
فۆکووسی جوانکاری لەسەر
بەشە سێکسییەکانی
جەستەی تاکە کە کامیان بتوانێ
زیاتر سەرنجی سێکسی
لایەنی بەرامبەر بۆخۆی ڕاکێشێ.
کە ئەمەش دیسان هەوڵێکە بۆ
مانەوەی ژیان...
لەناو ژناندا جگە لە کێبڕکێی جوانی لەگەڵ هاوڕەگەزەکانی خۆیان و ڕاکێشانی سەرنجی پیاو،
هۆکارێکی دیکەش کە زۆر زەقە
بریتییە لەوەی کە
ئاستی متمانەبەخۆ بوون و
متمانە بوون بە توانستەکانیان لاوازە. ئەمە هۆکاری زۆرە،
وەک ئەوەی کە لە لایەن کەسانی دەورووبەر بەهۆی ناجوانییەوە
کەمتر گرینگییان پێدراوە،
یان ئەوەیکە بۆ دۆزینەوەی هاوژین تووشی گرفت دەبن
چونکە پیاوی کۆمەڵگای داخراو
زیاتر بەدوای جوانی ژنەوەیە
وەک هزر و بیرکردنەوەی ژن...
یان بۆ بەرگری کردن
لە ژیانی هاوبەشیان،
بە واتایەکی دیکە بۆ ئەوەی کە
چاوی مێردەکانیان تێر بکەن و
سەر و گەردنێک لە ژنانی دیکە
جوانتر بن و بگەن بە ئاستی
ستەنداردی پێوەری جوانی
لای هاوژینەکەیان...
هەربۆیە دەبینین کە پرۆسەی
جوانکاری تەنیا پرۆسەیەکی حەز و خولیای ژنانە نییە...
بەڵکوو پیاوان هۆکاری سەرەکین
کە ژنان هان دەدەن کە
خۆیان بخەنە بەر تیغ و
دەرزی نەشتەری جوانکاری...
هەڵبەت ئەوەش ئاماژە بکەم کە جوانکاری بۆ کەسانێک کە تووشی زیانێکی جەستەیین زۆر پێویستە... هەروەها بۆ بەرزکردنەوەی ئاستی متمانەبەخۆبوون،
تێڕوانینی تاک بەنیسبەت خۆی،
بەهادان بە جوانی جەستە
هەندێجار باشە و پێویستی تاکە...

🖊#کازیوە_قولەری_ئەنامقی

✔️@Komalga

https://t.me/joinchat/AAAAAFZa_uP86is-s1GTIQ