#ثقف_نفسك

معلومتنا اليوم جدا مهمة ولازم تنتبهون عليها ،
خصوصا للاطفال🔊🔊

معلومتنا اليوم عن حصوة الكلية وعلاقتها مع المشروبات الغازية وخاصة البيبسي والكولا والشاي 🥃☕️

اكو ماده اسمها ( Oxalate )
هاي موجودة بأغلب الاطعمة والشرابات 🍹🌭🍟🥙
ولكن متوفره بكميات كبيرة بالبيبسي والكولا والشاي ( بكميات ضاره ) .

بالحاله الاعتياديه ،
هاي الماده تنطرح بالادرار وتعتبر ( waste product ) ناتج من العمليات الايضية مال طعام الي تحدث بداخل اجسامنه .

- ولكن هاي الماده من تزيد عن حدها الطبيعي ( مثلا تشرب بيبسي او كولا او شاي بكثرة )

من راح توصل هاي المادة للكلية حتى تنطرح خارج الجسم عن طريق الادرار ( بالحاله الطبيعيه )

ولكن من تتواجد هاي الماده بكثره راح تتجمع وتترسب فيما بينها مع العناصر الموجوده بالكليه مثل الكالسيوم تكون حصوة تسمى( oxalate calcium stone )

وهذا نوع جدا شائع وهوايه حالات نشوفهه عليه
وبالاخص نشوفهه كثيرا بالاطفال
هسه تسألون ليش بالاطفال ؟؟

خل اضربلكم مثال
اذا قدمت كوب بيبسي لشخص بالغ
ونفس الكميه كذلك قدمتها لطفل صغير

تدرون الطفل راح يكون معرض لحصى الكليه اكثر من الشخص البالغ وممكن اصلا يصاب بيها

لان كلية الطفل صغيرة مراح تكدر تتعامل مع الكميه الكبيره للـ oxalate الموجود بالشرابات
وهذا يؤدي الى ترسب الـ oxalate بالكلية
وبالتالي راح يتكون الحصى

نصيحتنا الكم 📢📢
- ابعدوا اطفالكم عن المشروبات الغازية ❌
او قللوها عليهم اضعف الايمان 🚫
شنو ذنبة اذا صار بي حصوة وهو طفل !!😩

- وايضا شكد متكدرون اشربوا مي 💦هاي الكم ولاطفالكم ولكل شخص
لان كلما الجسم كان رطب ويحتوي على مي كثير
كلما الكليه راح تتطرح هذا الماء الزايد مع الـ oxalate يعني هذاالماء راح يمنع ترسب الـ oxalate بالكلية 🚫
وبالتالي راح تمنع تكوين حصى الكليه❌ .

الم الحصوة مستحيل احد يكدر يتحمله 🥵
حتى وان كان بأقوى المسكنات😵 .
الطفل او الجاهل ميعرف شي الي يضره والموزين عليه
واجبكم كأهل ومسوليتكم انه تنتبهون عليهم 😤 .
الله يحفظ اطفالكم ويحفظكم إن شاء الله .

الصوره هاي لكليه شخص وبداخلها حصو ⁦👆🏻👆🏻⁩

#ودمتم_سالمين