MZP Movies (ထိုင်း၊ ဂျပန်၊ ဖိလစ်ပိုင်)

The Liar and His Love (2013)

လူတစ်​ယောက်အ​ပေါ် ထားရှိတဲ့ မ​​ကျေနပ်ချက်နဲ့ နာကျည်းမှု​ကို
တခြားသူတစ်​ယောက်အ​ပေါ် ပုံချလိုက်ချင်တဲ့ အချိန်ဆိုတာ ရှိဖူးကြလား၊
ကိုယ်ချစ်တဲ့သူရဲ့ သစ္စာ​ဖောက်မှုကို တခြားသူရဲ့ အချစ်ကိုရင်းပြီး အရွဲ့တိုက်ပြတာမျိုး​ပေါ့။
Aki ဆိုတဲ့ကောင်​လေးလည်း ဒီလိုအဖြစ်မျိုး ကြုံ​တွေ့​နေရတာပါ။
အပြင်ပန်းမှာ​တော့ ဂျပန်ကနာမည်​ကျော်တီးဝိုင်း Crude Playရဲ့ ပင်တိုင်​တေး​​ရေး၊
ဂီတပိုင်းပါရမီရှင်တစ်​ယောက်ဆို​ပေမယ့် ချစ်သူနဲ့ ပရိုဂျူဆာရဲ့ သစ္စာမဲ့မှု၊
သူ့ဂီတကို တန်ဖိုးမထားမှု​တွေ​ကြောင့် ဂီတ​လောကက​ အပြီးတိုင် ပျောက်ကွယ်​နေချင်သူ​ပေါ့။

ဒီလိုနဲ့ တစ်​နေ့မှာ Rikoဆိုတဲ့ မိန်းက​လေးနဲ့ဆုံ​တွေ့ခဲ့တယ်။
သူ့ရဲ့စိတ်ဒဏ်ရာကို ” မြင်မြင်ချင်းအချစ် “ဆိုတဲ့ စကားတစ်ခွန်းနဲ့အတူ
ဖြူစင်ရိုးသားတဲ့ အထက်တန်း​ကျောင်းသူ​လေးရဲ့ နှလုံးသားကို ​သွေးတိုးစမ်းကြည့်ခဲ့တယ်။
ပါရမီရှင် ​တေး​​ရေးဆရာဆိုတဲ့ ဘဝသရုပ်မှန်ကို ဖုံးကွယ်ပြီး
ဂီတကိုမုန်းသူ၊ သီချင်းဆိုတဲ့ မိန်းက​​လေး​တွေကို မုန်းတဲ့သူအဖြစ် မုသာဝါဒ​တွေနဲ့ ချဉ်းကပ်ခဲ့တယ်။
သူက ကောင်မ​​လေးရဲ့ခံစားချက်ကို အသုံးချရုံသက်သက်ပါပဲ။
ဒါ​ပေမဲ့ က​လေးမ​လေးက သူ့အ​ပေါ် တကယ်​မေတ္တာသက်ဝင်သွားတဲ့အခါ၊
သူကိုယ်တိုင်လည်း ချစ်ဟန်​​ဆောင်ရင်း မသိစိတ်ကတကယ်ချစ်မိသွားတဲ့အခါ
အရာရာဟာ ပြန်လည်ပြင်​ဆင်ဖို့ အချိန်မီပါဦးမလား၊
အရာအားလုံး ​နောက်ကျသွားခဲ့ပြီလား၊
အချစ်ကိုရှောင်​​ပြေးချင်လို့ အလိမ်အညာ​တွေ သုံးခဲ့ကာမှ
အချစ်နဲ့ ထပ်ထိပ်တိုက်တိုးတဲ့အခါ Akiတစ်​ယောက် ဘယ်လိုဆက်လုပ်မလဲ။
2013 ခုနှစ်ကထွက်ရှိခဲ့တဲ့ Japan Musical Romanceကား​လေး ဖြစ်ပြီး
ဇာတ်လမ်းတစ်ပုဒ်လုံးကို ​တေးသီချင်း​တွေနဲ့ထုံမွှမ်းထားတဲ့ ရုပ်ရှင်​လေးပဲဖြစ်ပါတယ်။
​Aki​ နေရာက သရုပ်​ဆောင်သူက​တော့ အ​ထွေအထူး​ပြောစရာမလိုတဲ့
Rurouni Kenshin မင်းသားTakeru Satohပဲဖြစ်ပါတယ်။
ဂျပန်က ပရိတ်သတ်​တွေ​ရော နိုင်ငံတကာက ပရိတ်သတ်​တွေကြားမှာပါ ​ရေပန်းစားခဲ့တဲ့ဇာတ်ကားဖြစ်ပြီး
2009 ခုနှစ်ထွက် “Kanojo wa Uso o Aishisugiteru” manga ကို
Live Adaptation အဖြစိ ရိုက်ကူးထားတာပဲဖြစ်ပါတယ်။
2017မှာ​တော့ ​တောင်ကိုရီးယားက Lee Hyun Woo, Song Kang, Joyတို့နဲ့အတူ
Remake Drama အဖြစ် ပြန်လည်ရိုက်ကူးခဲ့ပြီး မြန်မာပရိတ်သတ်
​တွေကြား ​ရေပန်းစားခဲ့ပါ​သေးတယ်။
Musical and Romanceဖြစ်တာနဲ့အညီ OSTတစ်ပုဒ်ချင်းစီက
သိပ်ကိုလှပပြီး ဇာတ်လမ်းနဲ့ လိုက်ဖက်ညီ​နေခဲ့တာပါ။ ​
နောက်ဆုံး OSTဖြစ်တဲ့ Chippoke na Ai no Uta (သေးငယ်တဲ့ ချစ်ခြင်းရဲ့သံစဉ်ဖွဲ့သီချင်း)က
တကယ်ကိုနား​ထောင်လို့​ကောင်းသလို နာမည်လည်း​ တော်​တော်ရခဲ့တာပဲဖြစ်ပါတယ်။
IMDb 6.7ရရှိထားတဲ့ အချစ်ဇာတ်လမ်းလှလှ​လေးတစ်ပုဒ်နဲ့ စိတ်အပန်း​ဖြေလိုက်ပါဦး။

ချန်နယ် join ရန်လင့်
https://t.me/+ujdGdgeiEww1MGI1

ဇာတ်ကားလင့်
https://t.me/c/2235916902/185

ဇာတ်လမ်းအစုံကြည့်ရန်
https://t.me/addlist/IimKBC7CDnRlNzY9

Aum! (2021)

ခုရက်ပိုင်းမှာ Mockumentary တွေ ဓာတ်ကျနေတဲ့ပရိသတ်တို့အတွက် Indonesia Mockumentaryလေးတစ်ခုနဲ့ မိတ်ဆက်ပေးချင်ပါတယ်။
Western Mockumentary တွေလို Hypeနေတာမျိုးမဟုတ်ပေမဲ့ ကြည့်လို့အဆင်ပြေတဲ့ comedy movieလေးတစ်ခုတော့ ဖြစ်မှာပါ။

ဒီကားလေးထဲမှာတော့ Part 1 နဲ့ Part 2 ဆိုပြီး 2 ပိုင်းခွဲထားတာကို မြင်ရမှာပါ။
Part 1 မှာတော့ အစိုးရသစ်ပြန်လည်ဖွဲ့စည်းရေးအတွက် တိုက်ပွဲ‌ဝင်နေတဲ့ တက်ကြွလှုပ်ရှားသူ ဆထရီယာအကြောင်း ရိုက်ကူးထားတဲ့ Low Budget movieလေးတစ်ခုကို ပြထားတာဖြစ်ပြီး
Part 2 ကမှ ရုပ်ရှင်လောကကို ထေ့ငေါ့ပြီးလှောင်ထားတဲ့ Mockumentary တစ်ဖြစ်လဲ Part 1 က ရုပ်ရှင်ကို ရုပ်လုံးပေါ်လာအောင် ရိုက်ကူးခဲ့တဲ့ဖြစ်စဉ်ကို ဖော်ပြထားတာပါ။
Low Budget ကလည်းဖြစ် နိုင်ငံရေးတွေပါနေတော့ ခိုးကြောင်ခိုးဝှက်ကရိုက်ရ၊ အာဏာပြတတ်တဲ့ဒါရိုက်တာနဲ့ ရုပ်ရှင်အဖွဲ့သားတွေကြားက ပဋိပက္ခ၊
အကြောင်းအရာကိုပဲအဓိကထားချင်တဲ့ ထုတ်လုပ်သူနဲ့ ဆန်းသစ်တဲ့ဇာတ်လမ်းဇာတ်ကွက်တွေကို ကွန့်ပြီးထည့်ချင်တဲ့ အတွေးသမားဒါရိုက်တာကြားက အားပြိုင်မှု၊
Limited resourcesဖြစ်နေမှပဲ ဖန်တစ်ရာလွဲနေတဲ့ ရုပ်ရှင်အဖွဲ့သားတွေရဲ့ ဟာသဖြစ်ရပ်တွေကို သရော်ပြီး ရိုက်ကူးထားတာဖြစ်လို့
Asian Mockumentary အကြောင်း တစေ့တစောင်းရှုစားချင်ရင်တော့ ဒီရုပ်ရှင်လေးကိုကြည့်ဖို့ တိုက်တွန်းလိုက်ပါတယ်

ချန်နယ် join ရန်လင့်
https://t.me/+ujdGdgeiEww1MGI1

ဇာတ်ကားလင့်
https://t.me/c/2235916902/184

ဇာတ်လမ်းအစုံကြည့်ရန်
https://t.me/addlist/IimKBC7CDnRlNzY9

Riki-Oh: The Story of Ricky (1991)

ဒီဇာတ်ကားက မင်းသား Louis Fan ရဲ့အကောင်းဆုံးအက်ရှင်ကားလို့ဆိုကြပြီး
တကယ်လဲ အရမ်းကြမ်းတဲ့ ဟောင်ကောင်အက်ရှင်ဖိုက်တာကားဖြစ်ပါတယ်။

Ricky Ho: The story of Ricky ဆိုတဲ့အတိုင်း ရစ်ကီဟိုဆိုတဲ့ကောင်လေးတစ်ယောက်ရဲ့ဇာတ်လမ်းတစ်ပုဒ်ပေါ့

ဒီဇာတ်ကားက ၁၉၉၁ခုနှစ်မှာ ရိုက်ကူးထားတယ်ဆိုပေမယ့် ဇာတ်ကားထဲမှာအခြေတည်ထားတာ ၂၀၀၁ခုနှစ်ပါ
ဇာတ်လမ်းကတော့ ၂၀၀၁ခုနှစ်မှာ ထောင်တွေက အစိုးရပိုင်မဟုတ်တော့ပဲ ပုဂ္ဂလိကတွေကိုလွှဲပေးထားပြီး
ငွေရှင်အရင်းရှင်တွေခြယ်လှယ်တဲ့ခေတ်ပုံစံကို တင်ဆက်ထားပါတယ်။

အဲ့ဒီပုဂ္ဂလိကထောင်တစ်ခုကို ရစ်ကီဟိုတစ်ယောက် လူသတ်မှုနဲ့ရောက်လာပါတယ်။
ထောင်တွေရဲ့ထုံးစံအတိုင်းကြီးနိုင်ငယ်ညှင်းတွေရှိနေသလို
အခုသူရောက်သွားတဲ့ထောင်မှာ လေးပိုင်းပိုင်းပြီး အဖွဲ့လေးဖွဲ့ခွဲထားပါတယ်။

အရှေ့ဆောင် အနောက်ဆောင် တောင်ဖက်ဆောင်မြောက်ဖက်ဆောင်စသည်ဖြင့်ပေါ့။
အဆောင်တစ်ခုချင်းဆီမှာဒိတ်ဒိတ်ကြဲသိုင်းကျွမ်းတဲ့ခေါင်းဆောင်တွေအုပ်ချုပ်တယ်။
ရစ်ကီဟိုဆိုတာကလဲ ခေသူမဟုတ် သေချာလေ့ကျင့်ထားတဲ့သိုင်းသမား စိတ်ကလဲမဟုတ်မခံ။

အဲ့မှာ ဗိုလ်ကျအနိုင်ကျင့်မှုတွေနဲ့မဟုတ်မခံနဲ့သွားတွေ့တော့တာပဲ။

ပြီးတော့ ထောင်ကလဲ ထောင်ကိုဗန်းပြပြီးနောက်ကွယ်မှာမဟုတ်တရုတ်လုပ်တာတွေရှိနေပြန်တော့
ရစ်ကီဟိုလိုမဟုတ်မခံနဲ့ဘယ်လိုနှစ်ပါးသွားကြမလဲဆိုတာ….။

ဒီဇာတ်ကားက Extreme Violence အမျိုးအစားပါ
သွေးထွက်သံယိုတွေတစ်ကားလုံးပြည့်နှက်နေပါတယ်လို့တော့ ကြိုသတိပေးပါရစေ။

ချန်နယ် join ရန်လင့်
https://t.me/+ujdGdgeiEww1MGI1

ဇာတ်ကားလင့်
https://t.me/c/2235916902/183

ဇာတ်လမ်းအစုံကြည့်ရန်
https://t.me/addlist/IimKBC7CDnRlNzY9

Ai Khai Dek Wat Chedi (2023)

• တစ်ခါတုန်းက ဘုန်းဘုန်းတစ်ပါးက ၁၀ နှစ်အရွယ်ကောင်လေးကို
စီချွန်ပြည် ဘန်ချာလုံရွာလေးက စွန့်ပစ်ဘုရားကျောင်းတစ်ခုကို စောင့်ရှောက်ဖို့အပ်ထားခဲ့တယ်
ကောင်လေးကိုမှာထားခဲ့တဲ့စကားက “သီလသမာဓိရှိတဲ့သူ‌ရောက်မလာခင်ထိ စောင့်ရှောက်ရမယ်” တဲ့

• အဲဒီလိုနဲ့ နှစ်ပေါင်း ၁၀၀ ကြာပြီးတဲ့နောက်မှာတော့ ကန်နဲ့ဖီအက်လို့ခေါ်တဲ့
ညီအစ်ကိုနှစ်ယောက် အလောင်းကစားလုပ်ဖို့ ချာလုံရွာကို ရောက်လာခဲ့တယ်
ရွာထဲရောက်တာနဲ့ ရွာကလူ‌ဆိုးနဲ့ပြဿနာတက်ပြီး ထွက်ပြေးရင်း
စွန့်ပစ်ဘုရားကျောင်းမှာ ခိုင်လို့ခေါ်တဲ့ ထူးဆန်းတဲ့ကောင်လေးနဲ့တွေ့လိုက်ရတယ်
• စွန့်ပစ်ဘုရားကျောင်းမှာ ရှေးဟောင်းရတနာတွေရှိတယ်အထင်နဲ့
စီချွန်ပြည်ရဲ့အာဏာရှိလူကလည်း ဘုရားကျောင်းက ရတနာတွေကို မရမကရှာဖို့ ကြိုးစားနေတဲ့အခါ..
• ဘုရားကျောင်းကိုစောင့်ရှောက်နေရတဲ့ ၁၀ နှစ်အရွယ်ကောင်လေးကရော ဘယ်သူလဲ?
• ကန်တို့‌ညီအစ်ကိုနှစ်ယောက်က‌ရော လူဆိုးတွေလက်က လွတ်ပါ့မလား?
• ဘုရားကျောင်းမှာ ရှေးဟောင်းရတနာတွေရှိတယ်ဆိုတာကရော အမှန်ပဲလား? ဆိုတာကိုတော့ စောင့်ကြည့်ပေးကြပါဦးနော်

ချန်နယ် join ရန်လင့်
https://t.me/+ujdGdgeiEww1MGI1

ဇာတ်ကားလင့်
https://t.me/c/2235916902/182

ဇာတ်လမ်းအစုံကြည့်ရန်
https://t.me/addlist/IimKBC7CDnRlNzY9

ချစ်သူနဲ့လမ်းခွဲပြီးတော့ အသဲကွဲပြီး တစ်ယောက်တည်း ခရီးတွေထွက်နေတဲ့
ကောင်လေးတစ်ယောက်နဲ့ အချစ်ကို အယုံအကြည်မရှိ စိတ်ပျက်နေပြီး
တစ်ယောက်တည်းနေမယ်ဆိုတဲ့စိတ်လေးနဲ့ တစ်ယောက်တည်း
ခရီးထွက်နေတဲ့ကောင်လေးတစ်ယောက်ရဲ့ အမှတ်မထင် တွေ့ဆုံမှု
မထင်မှတ်ဘဲ နှစ်ယောက် အခန်းတစ်ခုကို တူတူငှားမိပြီး မျှသုံးကြတဲ့အခါ…….

Check Out: The Movie (2023)

ချန်နယ် join ရန်လင့်
https://t.me/+ujdGdgeiEww1MGI1

ဇာတ်ကားလင့်
https://t.me/c/2235916902/181

ဇာတ်လမ်းအစုံကြည့်ရန်
https://t.me/addlist/IimKBC7CDnRlNzY9

Shogun’s Ninja (1980)

ဟိဒဲရောရှိ အရှင်က မိုမိုချိမျိုးနွယ်ရဲ့ အီဂါကိုသိမ်းချင်ပေမဲ့ မိုမိုချိအရှင်က ထက်မြက်တာကြောင့် သိမ်းလို့မရနိုင်ဘဲ မချိတင်ကဲဖြစ်နေရပါတယ်။ ဒါကြောင့် ဟိဒဲရောရှိရဲ့လက်ဝေခံ ရှိုးဂန်း ရှိရနုအိက အီဂါရဲ့ မဟာမိတ်ဟန်ဆောင်ပြီး ကူညီသယောင်နဲ့ သူလျှိုလုပ် သစ္စာဖောက်ခဲ့ပါတယ်။ ဒါကြောင့် မိုမိုချိမျိုးနွယ်တွေလည်း အလစ်ဝင်တိုက်ခံရပြီး စစ်ရှုံးခဲ့ရပါတယ်။

ဒီလိုနဲ့ မိုမိုချိတို့ရဲ့ နန်းပြိုပြီး အီဂါပြည်သူတွေကိုလည်း တစ်ယောက်မကျန် လူမျိုးတုန်းသတ်ဖြတ်တာမို့ လွတ်အောင်ထွက်ပြေးကြရပါတယ်။ မိုမိုချိအရှင်ရဲ့ သားတော်ဖြစ်သူ တကမာရုလေးကို သူတို့ကိုစောင့်ရှောက်တဲ့ အဘကြီးက ခေါ်ပြီး ဘေးလွတ်ရာကိုထွက်ပြေးကြရပါတယ်။
ဒီလိုနဲ့ ဆယ်စုနှစ်တစ်ခုအကြာမှာတော့ ဟိဒဲရောရှိတွေကို ကလဲ့စား‌ချေဖို့အတွက် တကမာရုက ဂျပန်ပြည်ကိုပြန်လည်ရောက်ရှိလာပါတယ်။ ရှင်ကျန်ရစ်ခဲ့တဲ့ မိုမိုချိမျိုးနွယ်တွေနဲ့ ရှိုးဂန်း ရှိရနုအိတို့ အုပ်ချုပ်သူတွေကြားက ကလဲ့စားနဲ့ ယှဉ်ပြိုင်မှုတွေကို ကြည့်ရှုရမယ့်ရှိုးဂန်း နင်ဂျာတို့အကြောင်းရိုက်ကူးထားတဲ့ ဇာတ်ကားပါ။

ချန်နယ် join ရန်လင့်
https://t.me/+ujdGdgeiEww1MGI1

ဇာတ်ကားလင့်
https://t.me/c/2235916902/180

ဇာတ်လမ်းအစုံကြည့်ရန်
https://t.me/addlist/IimKBC7CDnRlNzY9

ချစ်ရသူသူဋ္ဌေးသမီးနဲ့လက်ထပ်နိုင်စေဖို့ မြို့တက်ပိုက်ဆံရှာတဲ့ ရွာသားလေး…

Love You 100k (2015)

ချန်နယ် join ရန်လင့်
https://t.me/+ujdGdgeiEww1MGI1

ဇာတ်ကားလင့်
https://t.me/c/2235916902/178

ဇာတ်လမ်းအစုံကြည့်ရန်
https://t.me/addlist/IimKBC7CDnRlNzY9

When will you get married (2015)

ဒီဇာတ်လမ်းမှာ ဟိုတယ်တစ်ခုလုံးကို စီမံခန့်ခွဲပေးနေတဲ့
မန်နေဂျာမလေး ဒင်ဒါ ဟာ အသက် ၃၃နှစ်အရွယ်အပျိုကြီးမမ၊
တစ်ကိုယ်တည်း တောက်ပနေတဲ့ထက်မြက်တဲ့မိန်းမတစ်ယောက်
ဖြစ်ပါတယ်။

ဒါပေမဲ့ “မိန်းကလေးဆိုတာ သီးချိန်တန်သီး
ပွင့်ချိန်တန်ပွင့်ရမယ်၊ အသက်၂၀လောက်ဆိုရင်ကို လက်ထပ်
သင့်နေပြီနော်” ဆိုပြီး ရှေးရိုးစွဲ မိဘနှစ်ပါးရဲ့ ဖိအားပေးခံနေရပါတယ်။

မိဘတွေရဲ့ မင်္ဂလာနှစ်ပတ်လည်ပွဲကျင်းပဖို့ ဒင်ဒါ့ကို ပွဲစီမံခိုင်းမယ်၊
ဒါပေမဲ့ ကောင်လေးတော့ အိမ်ခေါ်လာရမယ် ဆိုတဲ့ မိခင်စကား
ကြောင့် ဒင်ဒါတစ်ယောက် အကြံထုတ်ရတော့တာပေါ့။အကြံကတော့
ချစ်သူရည်းစားဟန်ဆောင်ပေးမယ့် ကောင်လေးတစ်ယောက်ကို
ငှါးဖို့ပါပဲ။ ကောင်လေးဟန်ဆောင်ပေးမယ့်သူက သရုပ်ဆောင်
အလုပ်ကို စိတ်အားထက်သန်မှုရှိတဲ့ သရုပ်ဆောင် ဆာထရီယို
ဖြစ်ပါတယ်။

ဒရာမာကင်း ဒရာမာကွင်း မိဘနှစ်ပါးနဲ့ ဟန်ဆောင်
ရည်းစားလေး သရုပ်ဆောင်ရူး ဆထရီယိုတို့ကြား ဒင်ဒါတစ်ယောက်
ဘာတွေကြုံရမလဲ၊ ဒင်ဒါရဲ့ လက်မထပ်ရသေးဖို့အရေးရော
အောင်မြင်နိုင်ပါ့မလား၊ ပျော်ရွှင်ဖွယ်ဇာတ်သိမ်းလေးဖြစ်သွားမလား
ဆိုတာ ဆက်လက်ကြည့်ရှုလိုက်ပါဦးနော်။
 
drama ၊ romance ၊ comedy ဇာတ်လမ်းမျိုး ဖြစ်တာကြောင့်
ရယ်ရယ်မောမော ကြည်ကြည်နူးနူး ကြည့်ရှုကြရမယ့်အပြင်
rating လည်းမြင့်တဲ့ အင်ဒိုနိရှားဇာတ်လမ်းလေးပဲဖြစ်ပါတယ်

ချန်နယ် join ရန်လင့်
https://t.me/+ujdGdgeiEww1MGI1

ဇာတ်ကားလင့်
https://t.me/c/2235916902/177

ဇာတ်လမ်းအစုံကြည့်ရန်
https://t.me/addlist/IimKBC7CDnRlNzY9

Shutter (2004)

အငြိုးနဲ့ သေဆုံးသွားပြီး အသေမ‌‌ဖြောင့်သူတွေက
သူ အသက်ရှင်စဉ်ဘဝတုန်းက
သူ့အပေါ်မကောင်းပြုခဲ့သူတွေနောက်ကို
တကောက်ကောက်လိုက်နှောင့်ယှက်တတ်တယ်လို့ ပြောရင် သင့်အနေနဲ့ ဘယ်လိုမြင်မိလဲ။
နာနာဘာဝတွေ အသူရကာယ်ဘုံတွေနဲ့
လူ့ဘုံကပတ်သက်ဆက်နွှယ်မှုရှိတတ်‌တယ်လို့
ယုံကြည်ကြတဲ့ မြန်မာနိုင်ငံမှာတော့
ဒါမျိုး ယုံကြည်မှုတွေ အနည်းနဲ့ အများတော့ရှိကြမှာပါ။
IMDB 7.1 ရခဲ့ပြီး
အမေရိကန်မှာ remake ပြန်လည်ရိုက်ကူးခဲ့ရတဲ့အထိ
ပေါက်ခဲ့တဲ့ ဒါရိုက်တာ Banjongရဲ့ လက်ရာ…
ထိုင်းနိုင်ငံရဲ့ must watch Horrorကားစာရင်းဝင်ဖြစ်တဲ့
Shutter ဇာတ်ကားထဲက ဓါတ်ပုံဆရာ တန်ဟာ
သူနဲ့တစ်ကျောင်းတည်းဆင်း သူ့ဂျူနီယာညီမလေးရဲ့
ဘွဲ့နှင်းသဘင်မှာ ဓါတ်ပုံရိုက်ပေးဖို့အတွက်
တက္ကသိုလ်မြေမှာ ‌ခြေထပ်ချခဲ့ရပါတယ်။
သူရိုက်ခဲ့တဲ့ဓါတ်ပုံကိုပြန်ကူး အပြီးမှာတော့
ဓါတ်ပုံထဲမှာ အရိပ်တွေ ပုံနှစ်ထပ်ဖြစ်နေတာတွေ
ဖြစ်နေခဲ့လို့ ပုံပိုင်ရှင်ညီမလေး‌ကို
ဓါတ်ပုံပြန်မပေးနိုင်တဲ့အပြင်
ပုံထဲက အရိပ်က ရိုးရိုးသာမန်အရိပ်မဟုတ်တဲ့အခါ….
တစ်ဆက်တည်းမှာပဲ သူအရမ်းခင်မင်ရတဲ့သူငယ်ချင်းတွေ
တစ်ယောက်ပြီး တစ်ယောက် သတ်သေကုန်ကြတဲ့အခါ….
သူငယ်ချင်းတွေရဲ့ သတ်သေမှုတွေက
ပုံထဲက အရိပ်နဲ့များ သက်ဆိုင်နေတာလား။
သက်ဆိုင်တယ်ဆို ဘာလို့ သက်ဆိုင်နေရတာလဲ။
ဘာလို့ ဓါတ်ပုံကို ကိုယ်တိုင်ရိုက်ပေးတဲ့ တန်မဟုတ်ဘဲ
သတ်သေတဲ့သူတွေက သူငယ်ချင်းတွေဖြစ်နေရတာလဲဆိုတာကိုတော့ Shutter ဇာတ်ကားထဲမှာ စီးမျောရင်းနဲ့ပဲ ဆက်လက်အဖြေရှာကြည့်ကြပါစို့လားရှင်။
(ဒီဇာတ်ကားရဲ့ဒါရိုက်တာ Banjong ဟာ ဟိုတလောက ဟော့ဖြစ်သွားတဲ့ The Medium (2021) ဇာတ်ကားဖန်တီးသူလဲဖြစ်သလို အာရှတခွင်ပြဲပြဲဆင်အောင်မြင်ခဲ့တဲ့ Pee Mak(2013)ရဲ့ ဒါရိုက်တာလဲဖြစ်ပါတယ်…ဒါ့အပြင် Romance ပရိတ်သတ်အကြိုက်တွေ့ခဲ့ကြတဲ့ One Day(2016),Hello Stranger(201) ဇာတ်ကားတို့ရဲ့ ဒါရိုက်တာလဲဖြစ်ပါတယ်…ခု Shutter ဇာတ်ကားကတော့ သူ့ရဲ့ ပထမဆုံးလက်ရာဖြစ်ပါတယ်။)

ချန်နယ် join ရန်လင့်
https://t.me/+ujdGdgeiEww1MGI1

ဇာတ်ကားလင့်
https://t.me/c/2235916902/176

ဇာတ်လမ်းအစုံကြည့်ရန်
https://t.me/addlist/IimKBC7CDnRlNzY9

Make Me Shudder 3 (2015)

Make me shudder 3 မှာလဲ သိတဲ့အတိုင်းပါပဲ။ ရှေ့ကဇာတ်ကားတွေမှာ ပါနေကြ အငြိမ်မနေ ပြသနာရှာတတ်တဲ့ မျောက်ရှုံးတသိုက် ခရီးထွက်တာနဲ့ စပါတယ်။ ဒီတစ်ခါတော့ မျောက်ရှုံးတွေ ဖူးခတ်ကမ်းခြေကို သွားတာပါ။ နဂိုကတည်းက ပုံမလာ ပန်းမလာ အချိုးကမပြေလေတော့ ကံဆိုးပြီး သူတို့သွားတဲ့နေ့မှာ ဆူနာမီ မုန်တိုင်းမိပါတယ်။ ဒီမှာပဲ မျောက်ရှုံးတသိုက် သရဲတသိုက်နဲ့ နှစ်ပါးသွားတဲ့ဇာတ်ပါ။ သူတို့တွေ ဘယ်လိုပြေးကြ အော်ကြ တလွဲလုပ်ကြဦးမလဲဆိုတာ……….။

ချန်နယ် join ရန်လင့်
https://t.me/+ujdGdgeiEww1MGI1

ဇာတ်ကားလင့်
https://t.me/c/2235916902/245

ဇာတ်လမ်းအစုံကြည့်ရန်
https://t.me/addlist/IimKBC7CDnRlNzY9