Telegram Analytics

TGStat хизмати янгиликларидан бохабар бўлиш учун обуна бўл!

SearcheeBot

Telegram-каналлар оламидаги сизнинг йўлбошчингиз.

TGAlertsBot

Каналингиз репостлари ва эсловлари ҳақида хабар беради.

Statistika Saralanganlar

Mohida's blog📚

Kanal geosi va tili: ko‘rsatilmagan, ko‘rsatilmagan

Toifa: ko‘rsatilmagan

Kitoblar, shaxsiy qarashlar, fikrlar, tarjimalar va hislar.
@Mohidaniki - bu yerda erkinroq)
https://t.me/+Un_69zAUWwJmNWUy
(Manba bilan oling.)

Связанные каналы | Похожие каналы

Kanal geosi va tili

ko‘rsatilmagan, ko‘rsatilmagan

Toifa

ko‘rsatilmagan

Statistika

Postlar filtri

O‘chirilganlarni yashirish

Repostlarni yashirish

Mohida's blog📚

27 Dec 2024, 14:43

Reaksiya bosmasanglar, Mohida sizlardan xafa boʻlar ekan))

25 0 0 2 3

Mohida's blog📚

27 Dec 2024, 14:34

#men_õqigan_kitob

📚Dorian Greyning portreti
© Oskar Uayld
🖇Sahifa: 333
Tarjimon: Ozod Sharafiddinov

Jon va tan, tan va jon - bular mangu jumboq! Qalbda hayvoniy mayllar biqinib yotadi, tan esa zavqyob daqiqalarni ham boshidan kechirmog'i mumkin. Hissiy mayllar nafislik kasb etmogʻi, aql esa o'tmaslashmog'i mumkin. Qachon tan tildan qoladi-yu, qachon qalb tilga kiradi - buni kim aytib bera oladi?

Asar rassom Bezil Xolluordning doʻsti lord Genri bilan suhbatidan boshlanadi. Bezil shunday bir asar yaratgan ediki, qaragan kishi dunyoning butun goʻzalligini oʻsha suratda deb oʻylardi. Bu suratda u Dorian Greyni tasvirlagan edi.
Dorian - goʻzalligi bilan nafaqat atrofidagilarni, balki oʻzini ham lol qiladigan yosh, navqiron yigit edi. Bezil uni shu darajada yoqtirib qolgandiki, bor ilhomni ayni oʻsha yigitdan olardi. Bezil bularni doʻsti lord Genriga aytganda u Dorian bilan tanishishni juda xohlab qoladi. Lord Genri Dorian bilan yaqindan tanishadi va oʻzining oʻtkir fikrlari bilan unga ta'sir oʻtkaza boshlaydi. Dorian u bilan suhbatlashganda lord Genrining soʻzlaridan anglaydiki, bu goʻzalligi, husni abadiy emas. Barchasi bir kun yakun topadi. Uning goʻzalligi yillar ta'sirida asta yoʻqola boshlaydi.
U mana shularni oʻylarkan, qalbi qattiq alamga toʻladi. Va koshki bu yillar, yillar davomidagi qilinadigan yomonliklarning nuqsi faqatgina Bezil chizgan suratda qolib ketsaydi deya niyat qiladi.

Kunlardan bir kun Dorian Sibila Veyn ismli teatr aktrisasini uchratadi va sevib qoladi. U oʻshanda hayotning yagona lazzati biror bir odamni jondan ortiq sevmoq degan mulohazaga boradi.
Biroq.. biroq voqealar butunlay chappasiga aylanib ketadi.
Dorianning tilagan niyati amalga oshadi. U nimadir xato, gunoh ish qilsa uning Bezil chizgan suratida allaqanday oʻzgarishlar yuz bera boshlaydi. Dorian qoʻrqib ketadi. Axir, oʻzingiz oʻylab koʻringa, biror notoʻgʻri ish qilganimizda, gunoh qilganimizda bu bizga xuddi koʻzgu singari koʻrsatilsa.

Vaqti kelganda eng oddiy ayblarimizni ham birovga ko'rsatgimiz kelmaydi. Xato, gunoh ish qilganimizda bir muddat biroz qiynalamizu, soʻng u ham oʻtib ketadi. Agar mana shu gunohlarimizning nuqsi qiyofamizga, ko'rinishimizga ta'sir qilsa nima boʻlardi?
Agar ichimizdagi barcha yovuzliklar tashqariga chiqsa nima boʻlardi? Agar nafasimizning soʻziga kirib, istaganimizni qilsak, ha xohlaganimizni qilsak, qilaversak qanday boʻlardi?

Asar mana shu savollarga javob izlattiradi.

Dorian - butun yoshligini keraksiz narsalar bilan, faxsh ishlar, ayshu ishrat bilan oʻtkazdi. U goʻzallikda tengi yoʻq edi. Uning qiyofasi shunday goʻzal, shunday navqiron edi. Biroq uning qalbi qarab boʻlmas ahvolda edi.
Bezil chizgan suratni Dorianning qalbiga o'xshatsak boʻladi.

Hayotda ba'zida shunday insonlarni koʻramizki, oʻzi, tashqarisi beqiyos goʻzal. Lekin ichkarisi fisqu fujurga toʻla. Yana shunday insonlar borki, tashqi qiyofasi u qadar goʻzal boʻlmasa-da, shunday yaxshi fazilatlari bor, qalbi shunday goʻzallikka, samimiylikka toʻla. Odatda aqlli kishilar ikkinchi toifadagilarga muhabbat qoʻyishni yaxshi koʻradilar.

Asarda eʼtiborimni tortgan yana bir narsa: asar rassomning ustaxonasidagi atirgul, uning xushboʻyligi va shunga oʻxshash goʻzalliklar ta'rifi bilan boshlangan. Mutolaa jarayonida kitobxon borgan sari u goʻzalliklarga e'tibor bermay qoʻyadi. Yakunda esa xatto diqqinafas ham boʻlib ketadi.
Demak bundan chiqdi, bizning ichki olamimiz goʻzal boʻlmas ekan, qalbimiz goʻzal boʻlmas ekan tashqi qiyofamizning goʻzalligi va atrofimizdagi boshqa goʻzalliklar bir pul.
Agar nafsimizning istaklariga kirib aytganini qilaversak qalbimizni yoʻqotib qoʻyishimiz hech gap emas.
Oʻzimiz abadiy yashasak-u qalbimiz oʻlib qolsa yashamog'imizning biror tayini yoʻq.

Qalbimizning goʻzalligi - biz qilayotgan amallarda, yashayotganlarimizdadir. Bu goʻzallik bizning nafsimizga qoʻygan chegaralarimiz bilan, samimiyligimiz, sofligimiz, begʻarazligimiz bilan yanada mustahkamlanadi.

Qalbingiz hamisha goʻzalliklar bilan to'laversin✨

Asarni tavsiya qilaman. Oʻqib koʻrishga arziydi)

45 0 0 10

Mohida's blog📚

26 Dec 2024, 16:20

Yil sarhisobini qilamizmi?

So‘rovnoma

Haa, qilaylik
Qiziqmas)

135 ta ovoz

268 0 1 13

Mohida's blog📚

26 Dec 2024, 07:50

Aytgancha, bu yodingizdami?
Marafon boshlanishiga sanoqli kunlar qoldi.

Bilsangiz hozir koʻpchilik oʻz tajribalari va bilimlarini kimgadir ulashish uchun pullik kanallar ochgan.
Bizni loyiha esa sizga deyarli tekinga shunday imkoniyatni beradi.
Faqatgina oʻzingiz uchun kerakli kundaliklarni olsangiz bas.

Shaxsan men, oʻz guruhimda oʻqiydiganlar uchun bir oyni manfaatga toʻla qilib oʻtkazishlariga kafolat beraman)

Oʻzingiz uchun kiritgan sarmoyangiz eng yaxshi sarmoya.

319 0 0 8 8

Mohida's blog📚

25 Dec 2024, 19:51

#mutolaamdan

"Hozirgi turmushimizni biz uchun qiziqarli va sirli qiladigan yakka-yu yolgʻiz narsaning oʻzi ham aslida shu. Eng oddiy, eng arzimas buyum ham uni odamlardan yashira boshlashing bilanoq birdan kishini lol qoldiradigan darajada qiziqarli boʻlib qoladi."

©Oskar Uayld - Dorian Greyning portreti

349 0 1 12 13

Mohida's blog📚

25 Dec 2024, 13:11

"Ayollar uchun oʻzlarining fikrlash erkinligi va imkoniyatlariga ega boʻlishi, dunyoni oʻzgartirishga qodir boʻlgan eng buyuk kuchdir." degandi qaysidir yozuvchi.

"Undov" podcastning navbatdagi sonida ana shunday kuchga ega boʻlgan ayollardan biri - Oxford universitetini muvaffaqiyatli bitirgan, hozirda Korrupsiyaga qarshi kurashish agentligida mas’ul lavozimda faoliyat yuritayotgan Mushtariy Madraximova bilan suhbat boʻlibdi.

Ayol-qizlarni ruhlantiruvchi, ajoyib suhbat boʻlgan.
Koʻrishingizni #tavsiya qilaman)

https://youtu.be/GWqBcVMkLA4?si=tuCyZm5j4wm8LRdm

Mushtariy Madraximova — stereotiplarni buzib tashlagan o’zbek qizi | 13-son

Har qanday jamiyatda insonni muvaffaqiyatiga g’ov bo’luvchi, uni maqsadlaridan qaytaruvchi stereotiplar, turli-tuman qarashlar mavjud. Lekin o’ziga bo’lgan ishonch va irodani tarbiyalash orqali har kim bu chegaralarni buzib o’ta oladi. 🔥 “UNDOV” podkastning bu galgi sonida aynan mana shu ishni udda...

347 0 4 2 10

Mohida's blog📚

24 Dec 2024, 18:51

Ko'zimdan oʻpib qoʻy, Osima!
Senga olma bergum magʻz-magʻzi oltin.
Tishlasang, tishlaring hammasi tilla,
Lablaring yolqin...
Xohlasang beraman sehrgar kaklik,
Sayrasa boʻgʻzidan tushadi guhar
Uning bir qanoti atirgul
biri
Nilufar.
Istasang zumurrad tarogʻim senga
Sochingni tarasang yarmisi zumrad.
Silasang qoʻling-u barmogʻing boʻlgay
Lojuvard.
...Eshikni yop deysan,
Sovuq- ku axir,
Boshim ogʻriyapti, boshim.
Uh, tortib oynadan gʻijirlar sovuq,
Ayoz ishqab oʻtar eshikka betin.
Ququlab yuborar hovlida tovuq,
Daraxtdan uzilib tushadi - olma -
Oltinnn
Ol-tinnn
Doo-o-dey...

Abduvali Qutbiddin

371 0 3 4 12

Mohida's blog📚

24 Dec 2024, 09:27

Kitoblaringizga ruchka, qalam, markerlar bilan chizib oʻqishni yoqtirasizmi?

So‘rovnoma

Hada, busiz mutolaa boʻlarmidi 🌝
Yoʻq, koʻzim qiymaydi 🥲
Faqat qalam bilan chizaman)
Ba'zida chizib turaman

174 ta ovoz

391 0 0 14 11

Mohida's blog📚

23 Dec 2024, 21:23

The Stranger dan repost

Bu boʻlgan voqea. Internet sahifalarida ham koʻp aylanadi. Zarifa Saidnosirova bu haqida "Oybegim mening" kitobida yozganmi-yoʻqmi, aniq eslolmadim. Yuzaki varaqlab oʻsha joyini topolmadim hozir. Xullas, Oybek insult boʻlgach oʻzi yozolmay qoladi. Kun boʻyi asarni miyasida pishitar, xotinining ishdan kelishini intiq kutar, kelgach unga aytar, Zarifa esa qogʻozga tushirardi. Zarifa Saidnosirova xotirlaydi:
– Shunday kunlarning birida ishdan qattiq charchab keldim. Oybek meni koʻrib xursand boʻlib ketdi, tezroq yozishga oshiqdi. Charchadim, bugun yozmay qoʻya qolaylik dedim. Shunda Oybekning koʻzidan ikki tomchi yosh dumaladi. Aytgan gapimga ming pushaymon boʻldim. Oʻshandan beri har qancha charchagan boʻlmay, Oybekning sazasini boshqa oʻldirmadim.

356 0 3 4 22

Mohida's blog📚

23 Dec 2024, 16:14

#lirika

Sal rangim oqarsa so'raysan holim,
Erkalab aytasan "Hayotim", "Borim"
Senga bir sirimni ochaymi yorim,
Bemorlik ham yoqar yonimda bo'lsang..

Aytganim muhayyo qilasan zumda,
Parvona bo'lasan xoh yarim tunda,
Atay ham bemorman har ikki kunda
Bemorlik ham yoqar yonimda bo'lsang..

Baxtlarga to'ldirding har bir kunimni,
Muhabbat bobida ahiyman bilsang,
Jannatda ham o'zing tutsang qo'limni
Bemorlik ham yoqar yonimda bo'lsang.

Yuz-u ko'zlaringda xavotir kezar,
Bilaman qalbingni nimalar ezar
Balki ko'ngling sezmas, yo balki sezar,
Bemorlik ham yoqar yonimda bo'lsang!..

433 0 9 14 18

Mohida's blog📚

23 Dec 2024, 15:30

#men_õqigan_kitob

© Sherbek Bobonor oʻgʻli
📚 Qora suyaklar
🖇Sahifa: 212

Ba'zi kitoblarni oʻqib, kishi oʻz ichidagilarni, aytmoqchi boʻlganlarini ayni oʻsha kitobning sahifalarida toparkan. Sherbek Bobonor oʻgʻlining "Qora suyaklar" asari men uchun xuddi shunday kitoblardan biriga aylandi. Dastavval kitobni sotib olishga ikkilandim. Keyin mutolaada ikkilandim. Mutolaani boshladim. Nimagadir zerikish paydo boʻldi. Gʻalati tarzda va shu bilan birgalikda oʻz uslubida yozilganligini sezdim. 50-60 sahifa oʻqiganimdan keyin kitob butkul meni oʻziga tortib ketdi.
Yozuvchi "Qora suyaklar" da oddiy bir talaba yigitning ijara hayoti, uning atrofidagi insonlar, yuz berayotgan voqealarni yigitning oʻz tilida tasvirlaydi. Yozadi. Shunday yozadiki, bu boshqa yozuvlardan ancha farqli ravishda oʻzbek xalqining bugungi kuniga, yaqin yillardagi muammolariga mana shu xalqdan chiqqan oddiy yigitning nigohlari bilan nazar tashlaydi. Oʻqirman qissani oʻqir ekan, Gulya opaning jaydari fe'lini, bir xofizning dilidagilarini, talaba yigitning doʻstlari, uning fikrlarini teran anglashga urinadi.
Men avval ham, hozir ham agar yozuvchi boʻlsam, yozsam bugungi kunimizni, jamiyatimizni, ahvolimizni yaxshi yoza olamanmikin, yoritib bera olamanmikin deb oʻylanaveraman.
Yozuvchi bu yoziqlarini buyuk qalb bilan yozgan. Esingizda boʻlsa, "Dardisar" kitobiga yozgan taqrizimda oʻsha asarda menga nimadir yetishmaganligini aytgandim.
"Qora suyaklar" ham bugungi davr ruhida yozilgan. Lekin bu asar muallifi oʻquvchi qalbini moʻljalga olgan.
Biz Dostoyevskiy, Tolstoy, Kafka, Remark, Kamyu kabi yozuvchilarni oʻqiganimizda ruhiyatimizda allaqanday oʻzgarishlar sodir boʻladi, bu kabi yozuvchilarning asarlari bizni oʻylashga majbur qiladi, goho iztirobga toʻldiradi, qiynaydi, azob beradi. Sherbek Bobonor oʻgʻli ham bu yozuvchilarni sevib oʻqiganini ta'kidlaydi va qaysidir ma'noda ularga oʻz uslubida ergashishga harakat qiladi.

Kitobga kiritilgan esselar esa butuunlay boshqa mavzu. Ular shunday bir dard bilan yozilganki, har biri oʻquvchiga o'q kabi ta'sir qiladi.
Meni hayratga solgani bir essedagi "Tiriklik" va "Tirikchilik" suhbati boʻldi. Oʻzgacha bir uslubda yozilgan.
Kitobdagi nafaqat bu esseda, balki barcha esselardaa bugunimizning muammolari ulkan mahorat bilan ochib berilgan.

Misol uchun, boshqa bir esseda bir otaning oʻgʻliga yozgan maktubi orqali kattagina bir mavzu yoritilgan.
Kichkinagina chaqalogʻi ogʻir dard bilan ogʻrigan ota dilporasini shifokorga olib boradi. Shifokor esa oʻgʻlining "Koronavirus" boʻlganini aytadi. Esseda o'sha vaqtdagi otaning iztiroblari, ogʻriqlari juda qalbga yetib boradigan qilib tasvirlangan. Oʻqib, beixtiyor oʻylanib qoldim, shunday nafislik bilan ham bunday mavzularni yozsa bo'lar ekanmi? Oʻtgan yillar mobaynida shu virus bilan xalqimiz qancha qiynaldi. Bugun deyarli u kunlarni eslamaymiz. Lekin bu ham asrimizdagi bir katta muammo edi.

Yoki boʻlmasa yaqin yillardan buyon maktablarimizga biriktirilgan targʻibotchilar mavzusini olaylik. Yozuvchi bir essesida ularni bizga nima keragi bor ekanligi haqida soʻz yuritadi.
Ta'lim, oʻqituvchilar, bugungi kun oʻquvchilari mavzulariga nazar tashlaydi. Faqat rasmiyatchilik yuzasidangina oʻtkaziladigan targʻibotlar, tadbirlar, darslar, mavzular - yozuvchi bularning barini qoralaydi. Shu bilan birgalikda oʻquvchi bilan qanday ishlash kerakligi, koʻproq nimalarga ahamiyat qaratsak bugungi kun oʻquvchilari maktabni qamoqxona, shunchaki vaqt oʻtkazish uchun bir vositadek koʻrmasligi haqida ham oʻz qarashlarini bayon etadi.

Esselarning bari juda katta mavzularni yoritgan. Bari qalbga yetib boradi. Bari oʻqishga arzigulik.
Tavsiyam, ushbu kitobni albatta oʻqing. Aminmanki, asar sizning koʻnglingizni ham zabt etadi)

#tavsiya

370 0 3 7 17

Mohida's blog📚

22 Dec 2024, 16:33

"Qora suyaklar" ni tugattim.
Nafaqat kitobni tugatdim.. ichki olamim shunaqayam boshqacha mutolaa zavqiga toʻldi..
Anchadan buyon izlab yurganlarimni topgandek boʻldim goʻyo..

Shu yil oʻqigan eng eng eng yaxshi asarlarimdan deya olaman!

Taqriz yozaymi nima dedinglar?)

417 0 1 20 24

Mohida's blog📚

22 Dec 2024, 12:32

#mutolaamdan

..Muxbirlarimizmi?
Sayrashdi, sayrashyapti va sayrayajak: "ur-raa!"
Oʻzim ham shu sayroqi "to'tiqush"lar safidaman. Dadam ayozli havoda g'o'za yulib, tappi terib yurgan, ayam onasidan qolgan krovatda qalin kiyimlariga o'rangancha tinimsiz yo'talayotgan, jigarim pechkaning kulini titib, koʻzi achishayotgan, ayolim muzday oshxonada, bir qoʻli bilan homila qappaytirgan qornini ohista ushlab, bir qoʻli bilan gazi quyulib qolgan ballonni silkitib-laqirlatayotgan bir pallada, men supraday-supraday sahifalarni toʻldirib yolgʻon yozaman, deputatlaru turfa tashkilotning rasmiy yugurdaklaridan kelgan uyum-uyum yolgʻonlarga sayqal beraman: ".. sharoitlar yanada yaxshilanmoqda", "..kuz-qish mavsumlariga tayyorgarlik ishlari izchil boshlab yuborildi", "..xalqning ichida yurib, ularni rozi qilish asosiy vazifamiz.."

© Sherbek Bobonor oʻgʻli - Qora suyaklar

457 0 2 2 8

Mohida's blog📚

21 Dec 2024, 20:54

Shunday kishilar bor, ularning yonida boʻlganingda, suhbatlashganingda yashashga toʻymaysan.
Hayotga toʻymay ketasan..

447 0 3 7 31

Mohida's blog📚

20 Dec 2024, 16:34

#lirika

***

Bu qiz - ko‘ngilchan qiz..
Oqshomlar yolg‘iz,
Yuzida o‘ynatar yig‘ilarini.
Ne dard bor ko‘ksida - pinhon gullagan,
Hasrati suv bo‘lib yig‘iladimi?

Kel, senga ro‘molcha tutay,
Beri kel,
Qaraydi: cho‘chibmi, ranjibmi..
Bilmam.
Chiday olmayman, yo‘q.. Yoshli nigohlar
Qa’riga bir lahza qarab o‘tirsam.

U axir kulishi kerak-ku...
Kulsin
Bu ko‘zlar tabassum elchisi bo‘lib.
Bir hovuch marjonga ne bor har oqshom
Bu go‘zal yuzlarga mayin yoyilib...

Ojizlik qiladi zabonim nechun
Tasalli berishga, taskin berishga.
Kulgusin bekitib turgan qizaloq
Sevishga arziydi faqat sevishga...

©Xurshid Abdurashid

557 0 7 7 21

Mohida's blog📚

19 Dec 2024, 21:30

Oʻtgan kuni Abdulla Badriy qalamiga mansub "Juvonmarg" pyesasini oʻqib, oʻylanib qoldim.
Qisqacha aytadigan boʻlsam:
asar Toshfo'lot bilan Toʻxtamurodning 'pivoxona'dagi suhbati bilan boshlanadi. Toʻxtamurod doʻstiga qanchalar koʻp pivo ichishini istbotlamoqchi boʻladi. Bu oʻsha davr va bugungi kundagi savodsiz, johil kishilarning yaqqol koʻrinishi sifatida tasvirlanadi.
Gapdan-gap chiqib ketib Toʻxtamurod doʻsti Toshfo'lotdan qizini kimga turmushga berganini soʻraydi. Toshfo'lot esa Akram konturga berganini aytadi. Ularning suhbati qizlar, ayollar, turmush mavzulariga ulanib ketadi.
Toshfo'lot - 50 yoshli, har vaqt mast boʻlib yuradigan, johil bir kimsa. Uning turmush oʻrtogʻi Tursunoy esa 30 yoshlardagi toʻqish bilan pul topadigan ayol.
Uning qizi - 16 yoshdagi To'tioy.
Toshfo'lot doʻstiga aytganidek 16 yoshli To'tioyni 40 yoshlardagi puldor Akram konturga qizining roziligisiz turmushga berib yubormoqchi boʻladi. To'tioy esa bundan qattiq azoblanadi. Dardini onasiga aytadi. Onasi ham yigʻlaydi, siqtaydi. Lekin ularning qoʻlidan hech narsa kelmaydi. Chunki oʻsha davrlarda juda koʻp xonadonlarda ayollar erkaklarning hamma hukmiga bo'ysunishga majbur edi. Ularning fikri inobatga olinmasdi.
Ularga paranjidan chiqish mumkinmasdi.
Ilm olish mumkinmasdi.
Gapirish mumkinmasdi.
Qarshi chiqish mumkinmasdi.
Isyon qilish mumkinmasdi.
Nafas olishni aytmaganda yashash ham mumkinmasdi.
To'tioy va onasi ham shunday zamonda yashashardi. Kamiga uning otasi johillarning eng johili, nafsiga qul, razil kimsa edi.
Pyesada Tursunoyning ukasi Jo'raqul obrazi bor. U esa butunlay oʻzga dunyo. U jiyanining bunday turmushga chiqishiga qarshilik qiladi. U bu uchun kurashadi. Opasi va jiyanini uyiga olib ketadi, himoya qiladi, yordam beradi. Joʻraqul - ma'rifatparvar fikrlari, hur qarashlari va mana shunday fe'li orqali dunyo faqat razil erkaklardan iborat emasligini oʻquvchiga sezdiradigan obraz.

Pyesada Toshfo'lot ayolini ukasinikiga ketgani uchun jazolaydi. Oʻldiradi.
Tushunyapsizmi?
U va oʻsha davr ayollarning haq isyoniga chidolmasdi.
Yozuvchi buni mahorat bilan tasvirlagan.

Buni oʻqib yaqinda oramizda sodir boʻlgan oʻsha Samarqandlik 23 yoshli kelinchak voqeasi esimga tushdi.
Oʻtgan asrlarda ayollarning haq-huquqlari butunlay cheklangan, oyoq qoʻllari butunlay bogʻlangandi.
Lekin hozirchi?
Oradan yuz yil oʻtdi. Jadidlar koʻtargan muammolar hali ham bor bizda. Xatto oʻta kuchaygan.

4-5 yoshida oʻgʻirlab ketilib zoʻrlangan qizaloqlarni, qaynona-qaynotasi dastidan oʻzini osganlarni, mehribonlik uyida huquqlari poymol qilinib azoblangan qizlarni, roziligisiz 18 yoshida 50 yashar cholga turmushga berilgan gullarni, roʻmoli sababli kaltak yegan bechoralarni, zoʻravonlik natijasida oʻzini 8 qavat binodan pastga otgan ayollarni qanday oson qabul qilyapmiz?
Qanaqasiga? Qanaqasiga koʻz yumib oʻtkazib yuboryapmiz?
Bular nima oʻzi? Bu qanaqa zamon oʻzi?

Nimaga qiz bola oʻqishga kirolmasa erga tegishi kerak?
Nimaga roʻmoli sabab azoblanishi kerak?
Nimaga turmushi oʻxshamasa yomon otliqqa chiqarilishi kerak?
Nimaga ming azoblansa ham sabr qilishi kerak?
Nimaga ajrashgan ayollarni buzuq deb bilish kerak?
Nimaga ayol hammasiga chidashi kerak?
Nimaga bularni aytish uchun faqat feminist boʻlish kerak?

Dunyoning yarmi ayollar boʻlsa, yarmi ularning tarbiyalari mahsulidir.
Ayollarning qoʻlidan koʻp narsa kelishi barchamizga ayon.
Axir ularning har biri beqiyos goʻzallik! Beqiyos baxt!

Nega shunday goʻzalliklar, shunday baxtlar umrlarini kaltak ostida, har xil ruhiy, jismoniy zoʻravonlik bilan oʻtkazishlari kerak?

Hurmatli insonlar.
Qaysi dinga e'tiqod qilishingizdan qat'iy nazar, qaysi gʻoyani yoqlashingizdan qatʼiy nazar, kim boʻlishingizdan qat'iy nazar bularga befarq boʻlmang. Jim bo'lmang.

Hurmatli ayol-qizlar.
Ruhiy, jismoniy va har qanaqangi zoʻravonliklarga chidamang.
Bir kun qoʻlingizni mayib qilsa, boshqa bir kun oyogʻingizni mayib qiladigan oilada chidab yashab boʻladimi axir?

Har bir ayol-qiz yaxshi bir juft bilan goʻzal bir hayot kechirishga, umrini oʻzi xohlagandek yashab oʻtishga, orzularining roʻyobini koʻrishga haqlidir.

514 0 2 17 13

Mohida's blog📚

19 Dec 2024, 17:45

#lirika

To‘ymay borayapman sog‘inchlaringga,
Qancha talpinsan ham senga shuncha kam!
Evohkim bu ishqqa shuncha mahobat,
Shuncha kuch beribdi, Yaratgan egam!

Ozlik qilayapti hajringda kuyish,
Ming chandon ortiqroq kuygim kelyapti.
Eng buyuk muhabbat Allohni suyish,
Seni ozgina kam suygim kelyapti!

Oz menga azizim, ishon juda oz,
Hatto bir lahzaga tark etmas yoding.
Umrim chaqin kabi, sen esa jonim,
Abadiyat bo‘lding, mangulik bo‘lding!

Yetmaydi, hamisha bo‘lsang yonimda,
Aslo bosilmaydi intiq xumorim.
Jonim aro bo‘lgin, shirin jonimda,
Senga fido bo‘lmoq mutloq qarorim!

Ozlik qilayapti hajringda kuyish,
Ming chandon ortiqroq kuygim kelyapti.
Eng buyuk muhabbat Allohni suyish,
Seni ozgina kam suygim kelyapti!

©Malika Tavfiq

452 0 6 14

Mohida's blog📚

19 Dec 2024, 14:13

Xoʻp demak, bugun qop-qop semirganimni aytmagan faqat sizlar qoldinglar 🌝

"Qora suyaklar" ni anchadan buyon olaman deb yurgandim, bir kanaldagi tanlovda yutgandim, shu munosabat bilan oldim.

"Dorian Greyning portreti" va "Emma" bir odamdan hadya. Suyuntirdingiz, suyuntirsin)

"Momoqo'shiq" esa onamdan🌝

Xullas bugun ancha sevindim.

360 0 1 18 24

Mohida's blog📚

18 Dec 2024, 12:33

💔

445 0 1 3 28

Mohida's blog📚

18 Dec 2024, 11:32

1:47:47

Video oldindan ko‘rish uchun mavjud emas

Telegram'da ko‘rish

Sendan qolgan xotira

• Abdullah Oğuz filmi.
•Bosh qahramonlarni Neslihan Atagül va Ekin Koç ijro etishgan.

Anchadan beri film ulashmay qoʻygandim a?

Bu menga eng yoqqan filmlardan biri. Judayam maromiga yetkazilgan.

Koʻrishga arzigulik ishonaveringlar.

471 0 42 9 22

20 ta oxirgi post ko‘rsatilgan.

506

obunachilar

Kanal statistikasi

Kanalda mashhur

Qatnashish uchun hali ham ikkilanyapsizmi? Keling u holda men oʻz guruhimda sizlar bilan qanda...

Bir yigit qoʻlida qip-qizil atirgullar bilan borardi. Shu payt yoʻlda, tasbeh bilan zikr qilib oʻ...

#men_õqigan_kitob 📚Londondan muhabbat ila ©Sara Jo 🖇Sahifa: 380 Tarjimon: Ilhom Salimov ...

Masalan, eslasangiz yuzingizga tabassum yuguradigan biror soʻz bormi? Yoki biror kim? Yozinglarchi.

#lirika Uyingizni topib bormasin xatlar, Yomg'irlar chertmasin derazangizni. Sizga yo'ldosh b...