Red Swanhttps://t.me/MoonstarChannel05ပရိသတ်ကြီးရဲ့အချစ်တော် မင်းသားချော Rain နဲ့ မင်းသမီး Kim Ha-Neul တို့ခေါင်းဆောင်ပါဝင်ထားတဲ့ Red Swan ဒရာမာဇာတ်လမ်းတွဲလေးနဲ့မိတ်ဆက်ပေးချင်ပါတယ်။ဒါ့အပြင်ရိုက်ကူးထားတဲ့ဒါရိုက်တာကလည်း ပရိသတ်ကြီးရဲ့ရင်ထဲမှာစွဲမြဲကျန်ရစ်နေတဲ့ နန်းတွင်းကား The Great Queen Seondeok ရဲ့ဖန်တီးရှင်လည်းဖြစ်လို့ သေချာပေါက်စောင့်ကြည့်ရမယ့်ဇာတ်လမ်းလေးပဲဖြစ်ပါတယ်။ပြီးပြည့်စုံတဲ့ဘဝမျိုးကို အိပ်မက်မက်ခဲ့တဲ့ အိုဝမ်ဆူလို့ခေါ်တဲ့ ကမ္ဘာကျော်ဂေါ့ဖ်ကစားသမား တစ်ယောက်ဟာ လုပ်ငန်းစုကြီးတစ်ခုရဲ့သားနဲ့လက်ထပ်ပြီး သူဌေးချွေးမဖြစ်လာခဲ့ပါတယ်။သူဟာဂေါ့ဖ်အားကစားနဲ့နာမည်ကြီးသလို လုပ်ငန်းစုရဲ့လူမှုရေးဖောင်ဒေးရှင်းကနေတစ်ဆင့် လှူဒါန်းမှုတွေဦးဆောင်ပြုလုပ်တဲ့သူဖြစ်လို့ နာမည်ကြီးသထက်ကြီးလာတဲ့သူပါ။ဆောဒိုယွန်းလို့ခေါ်တဲ့လူကတော့ ရဲတက္ကသိုလ်ကနေဘွဲ့ရပြီး လုပ်ငန်းစုကြီးရဲ့ လုံခြုံရေးအဖွဲ့မှာ အလုပ်ဝင်လုပ်ခဲ့ပါတယ်။သူ့ရဲ့တာဝန်သစ်အနေနဲ့ နာမည်ကြီး သူဌေးချွေးမလောင်း အိုဝမ်ဆူကို စောင့်ရှောက်ဖို့ တာဝန်ကျလာပါတော့တယ်။ဒီလိုနဲ့ အိုဝမ်ဆူတစ်ယောက် သက်တော်စောင့် ဆောဒိုယွန်းနဲ့ပေါင်းမိပြီး လုပ်ငန်းစုကြီးရဲ့ လျှို့ဝှက်ချက်တွေကို ရှာဖွေတွေ့ရှိလာပါတော့တယ်။အဲဒီအချိန် သက်တော်စောင့် ဆောဒိုယွန်းမှာလည်း လုပ်ငန်းစုထဲဝင်လာရတဲ့အကြောင်းရင်းရှိခဲ့တာကို သိရှိသွားချိန်မှာတော့ ဘယ်လိုလျှို့ဝှက်ချက်တွေနဲ့ ဘယ်လိုအကြောင်းရင်းတွေဖြစ်မလဲဆိုတာကတော့ ပရိသတ်ကြီးကိုယ်တိုင်ပဲ အဖြေရှာစောင့်ကြည့်လိုက်ရအောင်ပါ။စုစုပေါင်း ၁၀ ပိုင်းပါဝင်မှာဖြစ်ပြီး အပတ်စဉ်ဗုဒ္ဓဟူးနေ့တိုင်း တစ်ပတ်နှစ်ပိုင်းနှုန်းနဲ့ တင်ဆက်ပေးသွားမှာဖြစ်ပါတယ်။
