روح او ژوند مې رانه واخله پاکه خدایه
زما روح او زما ژوند زما د جانان کړه

زړه مې سخت ورباندې درد کړي پرې دردیږي
ربه جوړ زما په ژوند افغانستان کړه

چې د سپین بیرغ تر چت لاندې دمه شو
ربه نور خو مو پوره دغه ارمان کړه

چې په بم مو د هیواد ښکلا راوژني
ربه نور هلاک تباه دا ظالمان کړه

چې یې څوک ورانول غواړي ورانوي یې
ربه خپله د هغو کورونه وران کړه

چې یې ښکار ؤ ګرځولی د سیالیو
پر آزار یې برباد دا ظالم جهان کړه

د مخبت په سر او مال کې امن کیږي
ربه سر او مال یې ټول ورنه قربان کړه

مخبت وردک