💞🌺💞🌺💞🇪🇹#ፍቅር 🇪🇹🌺💞🌺💞🌺

በአንድ ወቅት አንድ ወጣት በጫካውስጥ በተነሳ እሳት እንስሳት ሁሉ ለማምለጥ ሲሯሯጡ አንድ የተጎዳ እና መሮጥ ያቃተው የነብር ግልገል ተመለከተ፡፡ የነብር ግልገሉንም አምጥቶ እንደ ቤት እንስሳ ቤቱ ውስጥ ያሳድገው ጀመር ፡፡ ይህ ነብር ሚመገበውም ሆነ ሚጠጣው በዚህ ወጣት ሲቀርብለት ብቻ ነው፡፡
ከአመታት ቡሀላ ነብሩም አደገ ወጣቱም ጎለመሰ፡፡ ነብሩ እና ይህ ሰው እጅጉን ተቀራረቡ፡፡
ከግዜያት ቡሀላ የዚህ ነብር ፀባይ መቀየር ጀመረ፡፡ መመገብ አቆመ ፤ከፍ ካለ ነገር ላይ መዝለልንም የእለት ተግባሩ አደረገው፡፡ በዚህ የነብሩ ፀባይ መቀየር ግራ የተጋባው አሳዳጊው ነብሩን ይዞ ወደ አንድ አዋቂጋ ሄደ ፡፡ ስለ ጉዳዩም አስረዳው፡፡
አዋቂው ሁሉን ነገር በጥሞና ካዳመጠ ቡሀላ ለአሳዳጊው እንዲህ አለው "ነብሩ መመገብ ያቆመው ሆዱን ባዶ ሊያደርግ ነው፡፡ ከከፍታ ቦታ እየወጣ ወደመሬት ሚዘለውም እንዴት አድርጎ አንድ ነገር ላይ ዘሎ መስፈር እንዳለበት እየተለማመደ ነው፡፡ ያም አንድ ነገር አንተ ነህ፡፡ አንተን ሊበላህ ነው ሆዱን ባዶ ሚያደርገው ዘሎ ሚወጣውም አንተ ላይ ነው፡፡ አንተ በወዳጅነት እያሰብከው እሱ ግን ወዳጅነትህን በዚህ መንገድ ሊመልስልህ እየተዘጋጀ ነውና በፍጥነት ወደ ጫካ መልሰው" ሲል ከነማስጠንቀቂያ ነገረው፡፡
አሳዳጊውም የተባለውን አደረገ፡፡ ነብሩን ወደ ጫካ ለቀቀው፡፡ ለወዳጅነቱ በከፈለው ክፍያ ምትክ በተሰጠው ምላሽ ግን አላዘነም፡፡ ምክንያቱም እሱ መልካምነት ባህሪው ነው፡፡ ነብሩም አድኖ መብላት ባህሪው ነው፡፡ ከሞት ያተረፈው ግልገል አድጎ ዛሬ ላይ እውነተኛ ነብር መሆኑን በማሳየቱ አሳዳጊው ተደሰተ፡፡
አሁን ላይ ነብሩ ነገሮችን በራሱ ማድረግ ደረጃን ደርሶአል ማለት ነው፡፡ አሳዳጊውም ይሄንን ግዜ ድረስ በማቆየቱ ሀላፊነቱን ተወጥቶአል፡፡ ወዳጅነታቸው ታሪክን ጥሎ አለፈ፡፡ አሳዳጊውም ወደቤቱ ነብሩም ወደ ጫካው፡፡


💗በህይወታችን የሚገጥሙንን ነገሮች በሙሉ ከመልካም ጎኑ እንመልከታቸው፡፡💗

© @yefkr_bet

❣🌹❣🌹❣🌹❣🌹❣🌹❣🌹❣🌹
🇪🇹 #ኢትዮጵያ_ለዘለዓለም_ትኑር! 🇪🇹
❣ #ፍቅር_ያሸንፋል ❣

@yefkr_bet @yefkr_bet