Nilufar Matkarimova|Blog

❗️ESLATMA: ertaga barcha uchun ish kuni!

Yangi yil bayrami munosabati bilan berilgan dam olish kunlari o’z nihoyasiga yetdi.

Ertaga — 3-yanvar (juma) hamda ertadan keyin — 4-yanvar (shanba) kunlari barcha xodimlar uchun (besh kunliklarga ham, olti kunliklarga ham) ISH KUNI hisoblanadi.

🎉2025-yil yanvar oyidan boshlab har oyda:

🔹350 nafar stajyor-tadqiqotchiga 5 497 800 so'm 12 oy davomida;

🔹11 104 nafar tayanch doktoranturada tahsil oladigan izlanuvchiga 6 210 435 so'm 36 oy davomida;

🔹751 nafar doktoranturada tahsil oladigan izlanuvchiga 7 934 850 so'm miqdorda 36 oy davomida Davlat byudjetidan stipendiya to‘lanadi!

🔹Mustaqil izlanuvchilik uchun navbatdagi qabul 2025-yil 15-yanvarga rejalashtirilmoqda.

☝🏻Ushbu xabarni hujjat topshirishni rejalashtirgan barcha tanishlarizga yuborib qo’ying.

Doktorantura rejasini qanday to‘g‘ri tashkil qilish mumkin?

1. Uzoq muddatli maqsadni aniqlash
Ilmiy tadqiqotingizning asosiy maqsadi va natijalarini aniq qilib belgilab oling. Bu sizga reja tuzishda yo‘llanma bo‘lib xizmat qiladi.

2. Tadqiqot rejasini bosqichlarga bo‘lish
Doktoranturaning har bir yili uchun aniq vazifalarni belgilab, ularni qisqa muddatli bosqichlarga ajratish zarur. Masalan:
• 1-yil: Ilmiy adabiyotlarni tahlil qilish, tadqiqot metodologiyasini ishlab chiqish.
• 2-yil: Tadqiqot o‘tkazish, ilmiy natijalarni olish.
• 3-yil: Natijalarni tahlil qilish, dissertatsiya yozish va himoyaga tayyorgarlik.

3. Vaqtni samarali boshqarish
Har hafta uchun ish rejasi tuzing. Ilmiy ishga sarflanadigan vaqtni kundalik vazifalar bilan uyg‘unlashtiring.

4. Ilmiy maqolalar yozishni rejalashtirish
Har bir bosqichda ilmiy maqola chop etish uchun reja tuzing. Ilmiy jurnallar va konferensiyalarni kuzatib, ishtirok etish muddatlarini belgilab oling.

5. Hujjatlashtirish va hisobotlar
Tadqiqotingiz davomida barcha ma’lumotlarni to‘plash va tartibli saqlash muhim. Bu dissertatsiya yozishda yordam beradi.

6. Mutaxassislar bilan maslahatlashish
Rejangizni ilmiy rahbaringiz bilan ko‘rib chiqing. Ularning maslahatlari rejangizni yanada samarali qilishga yordam beradi.

7. Har oylik natijalarni tahlil qiling
Rejangizga amal qilish jarayonini har oy tahlil qilib, kerak bo‘lsa o‘zgartirish kiriting.

Ilmiy maqolalar yozishning 5 qoidasi

Ilmiy maqola yozish tahlil, ijodkorlik va aniqlikni talab qiladi. Quyida maqolalarni yozishda e’tibor qaratish kerak bo‘lgan asosiy qoidalar keltirilgan:

1. Aniq maqsad va tuzilish
Ilmiy maqola bitishdan avval, maqsadni aniq belgilab oling. Asosiy tuzilma:
• Kirish: Mavzuning dolzarbligi va maqsadini yoriting.
• Tadqiqot metodologiyasi: Qanday usullardan foydalanganingizni tushuntiring.
• Natijalar va muhokama: Erishilgan natijalarni tahlil qiling va ularning ahamiyatini tushuntiring.
• Xulosa: Asosiy xulosalarni keltirib, amaliy yoki nazariy tavsiyalarni taqdim eting.

2. Ilmiy uslubni saqlang
• Odatiy tilda emas, ilmiy tilda yozing. Emotsional bayondan qoching.
• To‘g‘ri terminologiyadan foydalaning va qisqa, tushunarli gaplar yozing.
• Har bir fikr dalillar bilan asoslanishi kerak.

3. Ma’lumotlarga asoslaning
• Tadqiqotni qo‘llab-quvvatlaydigan statistik ma’lumotlar va misollarni keltiring.
• Har bir ma’lumotga manbalar ko‘rsatilsin. Bu ishonchlilikni oshiradi.
• Sizdan oldin yozilgan maqolalarni tahlil qilib, o‘zingizga xos nuqtai nazaringizni bildiring.

4. Har bir qismga alohida e’tibor bering
• Sarlavha: Qisqa, aniq va jozibali bo‘lishi kerak.
• Annotatsiya: Maqolaning asosiy mazmunini qisqa qilib bayon qiling.
• Hulosa va tavsiyalar: Aniq, qisqa va ta’sirli bo‘lishi zarur.

5. Qaydlar va tahrir qilish
• Maqolangizni bir necha marta qayta o‘qib chiqing va texnik xatolarni tuzating.
• Xulosalaringiz tadqiqot natijalariga mos kelishini tekshiring.
• To‘g‘ri formatlashga amal qiling (shrift, paragraflar, manbalar ko‘rsatish va h.k.).

🧑‍🎓 Referatmi yoki Dissertatsiya?

🔍 Referat – Bu mavzu bo‘yicha mavjud manbalardan tayyorlanadigan qisqa yozma ish.

Asosiy maqsad – mavzuni tushunib, yoritib berish. Odatda, yangi ilmiy yangilik yoki natija kiritilmaydi.
📚 Qachon kerak? – O‘quv jarayonida, imtihon oldidan yoki fan bo‘yicha chuqur bilim olish uchun.

🧑‍🔬 Dissertatsiya – Bu ilmiy tadqiqot ishi bo‘lib, unda yangi ilmiy natija, g‘oya yoki yangilik kiritiladi. Muallif mustaqil ilmiy izlanishlar olib boradi.

🏆 Qachon kerak? – Ilmiy daraja (PhD, DSc) olish uchun. Bu ilmiy yutuq va natijalarga asoslangan jiddiy ish.

⚖️ Farq –
📖 Referat: Mavzuni tushunish va qayta yoritish.
🎓 Dissertatsiya: Yangi bilim yaratish va o‘z natijalaringizni himoya qilish.