تحضير الالكانات

1- اختزال هاليد الالكيل ( R-X )
نوعين

النوع الاول : هدرجة باستخدام كاشف كرينيارد
R-X + Mg --(dry / ether ) --> R-MgX --H2O--> R-H ( الكان ) + Mg(OH)X

مثلاً : عدنا مركب كلوريد البروبيل نريد نحولة للبروبان يعني نضيفلة H شنسوي نجيب كاشف كرينيارد ال (Mg) ونفاعلة وية كلوريد البروبيل بوسط جاف وباستخدام ايثر نكتبهن فوك الاسهم راح يندمج ال Mg وية كلوريد البروبيل فشنسوي نضيف مي (H2O) راح تتفاعل ذرة هيدروجين وحدة وية المركب وراح يطلع الكلرويد (Cl ) وكاشف كرينيارد (Mg ) من المركب راح يتكون عدنة البروبان وال ( Mg ) و (Cl) وال (OH) راح يكونون مركب وحدهم :
CH3CH2CH2Cl + Mg --(dry / ether ) --> CH3CH2CH2MgCl --H2O--> CH3CH2CH3 + Mg(OH)Cl
النوع الثاني : استخدام الفلزات والحوامض
R-X +Zn + H -----> R-H + Zn + X

مثلاً : عدنا المركب كلوريد الاثيل (CH3CH2Cl ) نريد نحولة نسوي ايثان يعني الكان فشنسوي لازم نضيفلة H شلون نضيفلة H نفاعلة وية فلز الزنك ( Zn) وذرة H موجبة يعني حامض فراح تتحد ذرة الحامض وية الالكيل الي عدنا الي هوة كلوريد الاثيل وراح يروح الكلور يطلع على صفحة فيتحون عدنا ايثان :
CH3CH2Cl + Zn + H ---> CH3CH3 + Zn + Cl

*ملاحظة : (R) تعني CH3 او اي شيء بنفس التركيبة (X ) تعني الهالوجينات مثل ال كلور (CL) البروم ( Br) او اليود (i)