In argin hormooti

Silaa na keessaa si haqanii
Malkaa keenyatti maqanii
Booressuuf gurmuutiin yaa'u
Jila keenya keessa riphanii taa'u
Silaa...
Balfa ulfoo keenyatti haganii
Anas malkaa kee laganii
Moora koo ciranii gatu
Tarii anatti hormoomta atuu...

Kanaafan haqaan golgadhee
hunda jalaa si dhokfachuu yaalee
Malee akkuma kaleessaa
situ keessa kiyya dhaalee
Hawwiin Kiyya si argadhee
seedaa keetiin maraachuudha
Guyyaa uumaan na badhaasu
deebi'ee suma argachuudha

Malee...
Suphee biraa kutachuuf
laga hin dhaqu,
Oobdii kee'rraa jalladhee
karra biraattin maqu
Ee...
Areera hormaa caalaa
Iji koo gorora kee ilaala
Hammannaa keetu na yaala

Ammaaf garuu jimmaa jimmiitee
Jennaan aduunis dhiitee
Dukkanni kun silaa bariitee...

Bari'us dhiisus sin eega
Sin argadha lammee nan beeka
Iji namaa sin argin
Oobdiin kee hormaaf hin margin


🅑🅐🅡🅝🅞🅞🅣🅐🅐🅕☆✦👉 @ChanalaaBaratotaa

🅚🅞🅛🅕🅐🅐🅕🤣👉 @Pilaneeti_kolfaa

🅀🄾🄾🅂🄰🄰🄵🥰👉 @qoosaaf_buhaartiif

𝗢𝗱𝗲𝗳𝗳𝗮𝗻𝗼𝗼𝗳👉 @AbdiiSabaaMidiyaa

𝐈𝐬𝐩𝐨𝐨𝐫𝐭𝐢𝐢𝐟👉 @hordoftootachelseamaraaf

𝗙𝗿𝗲𝗲 𝗶𝗻𝘁𝗲𝗿𝗻𝗲𝘁 𝗳𝗶 𝗺𝗮𝘆𝘆𝗮𝗮𝗳🔥👉 @waliiftech