Бизга етиб келган аниқ маълумотларга кўра, ўтган ҳафта Ўзбекистонда, асосан Тошкентда 70 нафарга яқин муслима хотин-қизларни ИИО ҳодимлари уйларидан олиб кетишган. Рейдлар асосан тунда ўтказилган. Айрим опа-сингилларимиз тунги кийимларида куч ишлатган ҳолда олиб кетилган.

Бундай рейдлар телеграмда диний мавзуда очилган гуруҳар орқали амалга оширилган ва қўлга олинган бир киши ортидан қолган хотин-қизлар занжир сифатида бирма-бир қўлга олинган.

Қўлга олинган муслималарнинг 18-22 ёшлар атрофида эканлиги айтилмоқда. Ҳозирда улар 10 суткага қамоққа олиниб, тергов қилинмоқда.

"Янги" Ўзбекистонга эски тузум шамоллари яна қайтаётганга ўхшайди. Аллоҳ муслима опа-сингилларимиз мушкулларини осон қилсин...