23 апрель куни соат 10:00 ҳолатига кўра, Ўзбекистонда коронавирусга чалинганлар сони 1716 нафар ҳолида сақланиб қолди. Бу ҳақда Давлат бош санитария инспектори Нурмат Отабеков маълум қилди.

Бугунги кунда Тошкентдаги учта тиббиёт муассасасида 318 киши даволанмоқда, улардан 76 нафарида клиник пневмония белгилари мавжуд.

Вирусология илмий-текшириш институти клиникасида 84 бемор даволанмоқда, уларнинг 29 нафарида пневмония клиник белгилари кузатиляпти, 3 нафарининг аҳволи оғир, 1 нафарининг аҳволи ўта оғир, деб баҳоланмоқда.

Эпидемиология-микробиология ва юқумли касалликлар илмий текшириш институтида даволанаётган 82 нафар бемордан 2 нафарининг аҳволи оғирлигича қолмоқда.

Шунингдек, Тошкент тиббиёт академияси кўп тармоқли клиникасида даволанаётган 152 нафар бемордан 45 нафарида пневмония клиник белгилари кузатиляпти, 6 нафар беморнинг аҳволи оғир, улардан икки нафарининг аҳволи ўта оғир.

#koronavirusinfouz
#vahimasizkarantin
#каратинбезпаники
@QARLIQ24