سږ مو روژه پــه خـــوږ آذان د آزادۍ ماته کړه
د رب پـه مرسته مو یاغي کفري نړۍ ماته کړه

دلته لسګـــونو پـــــه یو واري ماتي وخــــوړله
یوازي نه چي مو د غرب سپینه ماڼۍ ماته کړه

سپرلی بـــه خود د ښکلاګانو بـدرګه کي راځي
موږ د ګلـونو پــه تعرض باندي سیلۍ ماته کړه

ســــوه د انګرېز د امیـــــدونو بېړۍ دړي وړي
غازي میـــوند کي بیـــا ټپې د ملالۍ ماته کړه

د ظلم تــوره اوږده شپـــه پر تېرېدلــو ښکاري
د عــدل لمـــر خو دغه تـــوره ترږمۍ ماته کړه

د اسلامي حاکـــمیت د سپیني تـــوري ګــــذار
"خاطِري" سمـه یې پر ملا ډيمکراسۍ ماته کړه


✍️ احمد"خاطِري