- 𝑤𝑖𝑛𝑡𝑒𝑟 𝑛𝑖𝑔𝒉𝑡𝑠"": ♡.

- دردشة سريعة''':
جاه في بالي فكرة البنات في جيل اليوم، البنات مقسومين لفئة عايزة تتجوز وتخلف وتكون أسرة سوية نفسيًا وتعيش حياة مستقرة وتحقق أحلامها وتكون مختارة شريك حياة يدعمها تكون أفضل نسخة م نفسها وتخرج كل الحلو اللي جواها، وفئة تانية بتكون حابة تكون الـ Independent Women والـ Strong woman بدون م يكون في حياتها شريك يكملها ويكونوا شخص واحد، الفئة الأولى أنا بدعمها وبشجعها جدًا، لكن الفئة التانية أنا لا بدعمها ولا بشجعها حتى ولو كان 1% ليه طيب يا رشا؟ عشان إحنا جايين الحياة دي ليه؟ عشان بس نبني كيان وكرير؟ طب وقلبنا نظامه اي؟ هو الرك على العقل بس؟ كل دا غلط، لازم يكون في توازن بين القلب والعقل، معاكِ اشتغلي وحققي أحلامك.. بس متنسيش روحك وقلبك، هيكون عندك فقر كدا في المشاعر وقلبك هيتصلب ودا متفكريهوش شيء حلو ولذيذ، دا شيء معاق لإن البني آدم اي غير شوية دم وقلب وروح؟ أنا واحدة م الناس كنت الفئة التانية بسبب اللي بشوفه في المجتمع م عنف أسري وضرب للبنات بدون رحمة وممكن توصل لقتلهم كمان، الفكرة هنا في حاجتين الأولى إن مشاكل غيري لا تمثلني في شيء والتانية هي فن اختيار شريك الحياة، معنديش مانع تحطي مواصفات بس متكنش تفصيل، بمعنى؟ إني عايزة راجل يجيلي على الفرازة بدون ولا غلطة.. عشانك إنتي نفسك فيكِ عيوب ومميزات، البنات بتحط مواصفات وقياسات جبارة يا أخي! اللي هو أنا عايزة يكون طويل وخمري وعنيه خضرا وشعره أصفر ويكون حنين ومعرفش اي واي، أنا معنديش مانع إنك تقولي يكون أنا معنديش مانع إنك تقولي يكون حنين وسَوي نفسيًا ومحترم وعارف ربنا، لإن دي أساسيات في أي شخص إحنا محتاجينه، بس المواصفات الخارجية كالشكل ونفضل نتنمر على خلق الله.. فلا هنا وقفة مع النفس، إنتي م كاملة سواء خارجيًا أو داخليًا تطلبي الكمال ازاي وإنتي عارفة إن دا م المحال؟ هتقوليلي وفيها اي يا رشا يعني! يَحبيبتي إنتي اللي هتتحطي فيها في نهاية المطاف، تكوني رسمة توقعات عالية ويجيلك شخص أقل م توقعاتك دي فَـ تتصدمي وترفضي الشخص حتى م قبل م تتعرفوا على بعض، حطوا توقعات تكون متوازنة وزي م إنتي عايزة تكوني شخصية واو ومستقلة ومعتمدة على نفسها.. اطمحي تكوني ست بيت شاطرة وكافو م جميع الجوانب، متبصيش لفلانة عشانها بيحصل معاها كذا أو كذا إن دا لا يمثلك في شيء إن دا لا يمثلك في شيء، إنتي تقدري تخلي علاقتك بالشخص اللي معاكِ جنة وتقدري برضو تخليها جحيم، ونرجع لنقطة الصفر ونقول إن فن اختيار الشريك نعمة، لو اخترتي صح م هتشيلي هم أي شيء في الدنيا والله، اختاري اللي يصونك ويشجعك تكوني أحسن، يعينك على طاعة الله، لما تقعي يكون أول واحد يشيلك م على الأرض شيل م يمسك إيدك ويقومك، أنا مقولتش إن المجتمع الفترة دي بقى أغلب رجالتها عاملين فيها سي السيد.. بس برضو في جانب كويس وفي رجالة سوية نفسيًا؛ واعرفوا إنكم م هتاخدوا أكتر م نصيبكم والله وبصوا للمواضيع م العمق مش من السطحي اللي ظاهر للعيان بشكل واضح، اقرأوا عن العلاقات وسيبوا قلبكم يختار صح وبلاش نختار بهوائية بالشكل واللبس والمظاهر اللي م هتأكل عيش دي، حاجة أخيرة كمان: الجواز ملوش سن مناسب، ودا اللي اكتشفته مؤخرًا وعرفت إن لو الشخص عنده وعي وكفاءة في المعاملة مع الجنس الآخر فَـ السن ملوش ستين لازمة، ممكن شخص قدامك يكون عنده 20 سنة وعقله أكبر م كهل عنده 60 سنة، فَـ لما تيجي تفكري في الموضوع فكري بعقل، الموضوع بسيط بس المجتمع هو اللي مصعبة، إنتي خدي كورسات واقرأي كتب عن العلاقات وهتعرفوا.. أو لنقول هتفهموا كلامي دا، وفككوا م جو البلوجرات اللي منتشر دا، إحنا منعرفش الجانب المظلم م حياتهم، أو ازاي وِصلوا هنا، محدش هيطلع ويوريكِ نفسه وهو بيتخانق مع مراته، لكن هيوروكوا وهما فرحانين ومبسوطين، فَـ لنقول للمرة الأخيرة هتختاري صح؟ هتعيشي مرتاحة وبدون هم وكفى بي ربي شاهِدًا 🤍.