في #غصة عند حلقي
عمتوجعني كتير
شربت مي وكترت بس #ما_راحت
غليت بابونج وشربته كمان #ما_راحت
مبتسمة كل الوقت لا شعوريا
والنار عمحسا رح تطلع من جوا #عيوني
جسمي عميغلي
راسي عميغلي
قلبي عمحسه شاعل #نار قوية فيه ..
غير هيك الدمعة معلقة #بطرف عيني
عمخاف نزلا وما اقدر وقفا بعد هيك
وعمخاف ضل مخبيتا وتعميني عالآخر
لان هالدمعة #سخنة_كتيييييير ¿¡
بلشت احسد يلي حولي عايشين
بلشت احسد يلي ما عنده كابوس
بلشت قول نيال يلي قادر ينام منيح
بلشت اتطلع عالناس وشوف بعينن نظرة شفقة الي وانا باقصى درجات #الهلاك
وجهي #شاحب
والسواد تحت عيوني عميتحول لزراق
علامات #البؤس عمتاكلني
حتى شعري عميوحيلي آثار الشيب الي عمتاكل لونه الطبيعي الهادي
عروق ايدي البارزة لدرجة توحي انهن رح يطقو بتحكي عن التعب يلي عميمشي بدمي..
كل حدا بيسألني عن حالي
ردة فعلي الباردة بكلمة رواء #بتحكي عن معارك وصراعات عمتنزع روحي وترجعاا ..
حالة الكئابة يلي عمتقضي على شبابي بلشت تملل العالم مني ..
بلشوا يبعدوا عني شوي شوي
بلشوا يكرهوا وجودي
ينسحبوا من قعداتي
يطنشوا الالفاظ والمعاني يلي بحكيا
بلشوا يحسوا انه انا حدا ناقص والي عمعيشوا يمكن فيه عدوى لهيك لازم يكون في مسافة امان بيني وبينن ...

اعراض هشاشة الروح عمتاكل #صباي
يمكن هالمرض #صابني وانتهى

صرت #وحيدة
#كئيبة
#بعيدة
علامات الموت البطيئ بلشت تظهر على ملامح حياتي ..

#دعواتكم
#سردة_وجع
#بقلم_سندريلا 🥀💔