عبودي الكارثة

معرفي جديد @amaraasd12

كلام الناس صار حطب بأنسان نار
زمن ظلام جار .. وحزن لبيت جار
ازيد بلين زاد .. بقسوة و هم جاد
زماني وياي جاد .. كما ثمود عاد
واتخيل كلما اتخيل اني اتخيل مو موجود
محدود الكف للنظر وحد النظر لكف محدود
معزول وخالق ناس برسم الوهم وخالق عشرة
حيطان الغرف اتوسل بالنص كاتب ألم الذكرى
ينطق صوت الجدران واستغرب سامع صوت
انجنيت ولا اتخيل ولا الرب كتب الموت
أحمل كتب الأديان استنجد بالنسيان
اتحلم بل وهمان انا شجرة بظل أنسان
والصوت يعلى ويتردد وانا متردد خايف اسمع
رغم الكف حول الراس اخترق الكف الصوت اتصدع
بالتالي شراح تكون .. مختل مهمل مجنون
كلما لأحلامك توصل راح تفز ترجع مسجون

مخلوق وخالق ناسك ..تتخيلهم حراسك
متوهم خان احساسك .. واهم مسكنهم راسك
اطلع من وهمك غادر ..وانصدم بواقع غادر
على نفسك وحدك كادر .. لتلوم الحظ العاثر
اطمر آذاني بكفي لخاطر تخفي تزول أصوات
واتفاجئ زاد الصدى لا زاد الألم و عمري الفات
متروك بكف نسيان .. كالكافر والقرآن
ما شايف منهم ملجأ يجبرني أقبل بالغفران