Meni Alloh sevadimi?

Bu savol halovatimni olib qoʻydi. Alloh taoloning bandalariga muhabbati sabablari va sifatlarini Qurʼoni karim bayon qilgani yodimga tushib qoldi. Shu sabab oʻzimni chamalab koʻrib savolimga javob topish uchun xotiramdagi oyatlarni aylantirib koʻrdim:

— Taqvodorlarni yaxshi sevishini topdim. Lekin oʻzimni ulardan sanashga jurʼat qilolmadim.
— Sabrlilarni sevishini topdim. Sabrim kamligi yodimga tushdi.
— Jiddi-jahd qiluvchilarni sevishini topdim. Lekin oʻzimni dangasa va kuchsiz hisobladim.
— Yaxshilik qiluvchilarni sevishini topdim. Bu xislatdan qanchalar uzoqligimni oʻzim bilaman.

Shu yerga kelganda izlanishdan toʻxtadim.

Oʻzimda Alloh sevadigan narsa topolmaslikdan qoʻrqdim. Va amallarimni koʻzdan kechirdim. Ularning koʻpini zaiflik, nuqson va gunohlarga qorishgan holda koʻrdim. Shunda “Alloh tavba qiluvchilarni sevadi” oyati karimasi yodimga tushib qoldi. Bu oyat men va menga oʻxshaganlarga ekanini tushundim va fikrimni oxiriga quyidagicha yetkazib qoʻydim:

Allohdan magʻfirat soʻrayman va Unga tavba qilaman,
Allohdan magʻfirat soʻrayman va Unga tavba qilaman,
Allohdan magʻfirat soʻrayman va Unga tavba qilaman!
Shoyad meni Oʻzi sevganlari qatoriga qoʻshsa..

#Shayx Ali Tantoviy