Shavqiddin Nematov

Ustoz

Bugun tun soat 4 lar atrofi. Atrof jim-jit. Tush ko'rdim. Tushimda 4-5 yil oldin o'tib ketgan matematika ustozim kiribdilar. Shu desangiz darsda turibmiz (tushda). Doskaga chiqardilar. Go'yo hozirgi ilmim bilan doskaga chiqqanman. Misolni tushuntirib ber, deb misol berdilar. Shuncha matematikadan dars, kurs o'tib bitta shu oson misolni ishlolmadim. Aniqrog'i shu misol yozilgan betni topolmay qolibman. Keyin ustozim o'zi topib berib, bolalarga yechib ko'rsatdilar.
Keyin tahorat olib tahajjud namozidan keyin ustozim haqqiga duo qildim. Balki ustozim shu kibrga berilgansan, shu kibrni qaragin shu sabab bir oddiy misolni yecholmading deb manga tanbeh bergandir, bilmadim. Lekin bir narsa aniq ustozim o'shanda bizga ilmning ilk o'chog'ini ongimizga quygan edi. Hozirda shu ustozim bergan ilm bilan bu sinovli hayotda o'zimning o'rnimni topib, yashab yuribman.

Аgar shogird shayxulislom, agar qozidur,
Agar ustoz rozi – Tangri rozidur.

(A. Navoiy)

Kema

Bugun peshin namozida masjidda bir imom chiroyli ilmiy ma'ruza qilib berdilar, umrlarini Alloh uzoq qilsin. Shu ma'ruzada bir jumla manga juda yoqdi. U :
'' Biz hammamiz bir kemadamiz. Manzilga birga ketyapmiz. Kimdir shu kemani teshsa, yoki sindirsa faqat u emas balki hammamiz cho'kamiz. Yoki bir to'fon bo'lib kemani yo'q qilib yuborishi ham mumkin. Xullas bu kemada ekanmiz, hozir biz qilishimiz kerak narsa - shu kemamizni asrab avaylash. Hozir bizning qo'limizdan shu keladi. Hech bo'lmasa shuni qilib qolaylik '' - deb so'zni yakunlab, hammaning haqqiga duo qilguncha masjidni tark etdi.

Dear Shavqiddin Nematov,

Thank you for your interest in our PhD Programme!

We are pleased to inform you that you have successfully passed the exam.

We will be in touch with further details regarding the next steps. Should you have any questions in the meantime, please don't hesitate to reach out to us.

Once again, congratulations and we look forward to welcoming you to our academic community.

Sincerely,

Graduate School (Research)

Qisqacha. Tayanch Doktoranturaga o'qishga qabul qilindim. Allohga hamdlar bo'lsin. Ustozlarimiz haqqiga doim duodamiz. Westminster Universiteti komissiya a'zolariga ham alohida rahmat aytib qolamiz.

Iymon

Iymoning kuchli bo'lsa bu dunyoda jamiiyki narsaga erisha olasan. Ey Qul, iymoningni butun qil. 5 ustunning eng birinchisi bekordan bekor iymon emas. Bu dunyodagi eng buyuk narsang bu sani iymoning.

Uni asra, erta sani asraydi. Uni ehtiyot qil, erta sani ehtiyot qiladi.

20.11.2024.

Bundan 7 yilcha chamasi Nazar Eshonqulning ''Maymun yetaklagan odam" hikoyasini o'qigandim. U paytlar hali yosh, abituriyentlik davrlari edi. Bugun kechda negadir shu hikoya yana xayolimga kelaverdi va shu hikoyani to'laligicha yuqorida keltirdim. Manfaati tegib qolar degan umidda siz azizlarga bo'lishdim.

Malades Sheroz uka. Gap yo'q. Prosta yondiribsan lekin El-yurt umidini. Ha aytgancha yaqinlarim, Ganiyev Sheroz(23 da turibdi) ham shogirt, ham o'zimni ukam.
Qarab chiqsam eng yuqori balni shu olibdi. El-yurt umidi tarixida bu bo'lmagan. Gap yo'q uka. Bir narsani hech qachon Esingdan chiqarma. Sani ustozing Buxoriylardan. Demak san ham o'sha buyuk insonlar shogirtisan. O'shalarga munosib bo'lgin uka. Ilm yo'lida muvaffaqiyat. San bilan doim faxrlanib yurish nasib etsin.

P/S. Mani bu dunyodagi umidlarim endi amalga oshyapti. Aniqrog'i shogirtlarim amalga oshiryapti.

Yomgʻirdan pana qildi ona bolasini.
Bola eslab qoldi, mehribon onasini.

Oradan yillar oʼtdi, aytay gapning xonasini.

Yomgʻirdan pana qildi, ulgʻaygan ona bolasini.
Bolasini oʼyladiyu unutdi mehribon onasini

#ustozimdan

Duo

Anchadan buyon ba'zi muammolar sabab va bundan tashqari davlat ishlarida bo'lib kanalga fikrlarimni yozmay turgandim. Xudo nasib etibdi bugun. Shu desangiz ustozimizdan eshitgangan bir qisqa jumlani pastda yozib qoldiraman. U quyidagicha edi:

"Osmon ochiq, hali duolar qabul bo'laveradi InshaAllah. Ammo shunday vaqt keladiki, bu osmon yopilib duolar yer yuzida qoladi, samoga ko'tarilmaydi. Keyin ming martalab duolar qilingki, qabul bo'lmay qoladi. Shu sabab hozir duolar qiling, ertaga kech bo'lib qolmasin'' - deb bizning haqqimizga duo qilib nasihat berdilar.

Xulosa o'zingizdan)

Otam ham, onam ham birdek qaribdi!

Yonimga kelishgan edi tunov kun,
Qarasam, ikkisi ancha xoribdi.
Mahzun koʻzlaridan sezib qoldim men,
Otam ham, onam ham birdek qaribdi!

Dardlarim koʻp edi serob, toʻkinli,
Dardlarki, yurakka qadar boribdi.
Oʻrtadan boʻlishib olgan, shekilli,
Otam ham, onam ham birdek qaribdi!

Koʻzda yosh yiltillar nogoh kularkan,
Anordek yuzlarni ajin yoribdi.
Yolgʻiz oʻgʻil dardi ogʻir boʻlarkan,
Otam ham, onam ham birdek qaribdi!

Qarilik dardini berkitolmas zeb,
Atrofdan serjilo yoshlik aribdi.
Tavba, bir-biridan qolishmayin deb,
Otam ham, onam ham birdek qaribdi!

Yillarni yamlaydi bittagina gʻam,
Bitta dard sochlarga qorlar qoribdi.
Besh kunlik ekan-da dunyo rostan ham -
Otam ham, onam ham birdek qaribdi!

... Yonimga kelishgan edi tunov kun,
Boqsam, bus-butunlay soch oqaribdi.
Nogoh bir qoʻrqinchdan choʻchib ketdim men,
Otam ham, onam ham birdek qaribdi!

Luqmon alayhissalom:
— (O‘g‘liga o‘git beradi) Ey o‘g‘lim, dunyo hayoti benihoya chuqur bir dengizdir. U yerda ko‘p kishilar cho‘kdi. Bu hayot dengizida kemang taqvo bo‘lsin. Kemangning ashyolari iymon bo‘lsin. Yelkan Allohga tavakkul bo‘lsin. Shunday bo‘lsa, umid qilamanki, bu hayot dengizida cho‘kmasdan omon qolasan. Yo‘qsa sen uchun boshqa qutulish yo‘lini ko‘rmayapman.

"Mukoshafat - ul qulub"

G’or og’zidagi xarsang tosh va yaxshi amal.

Buxoriy va Muslim hadisi:
— Bizdan oldingi qavmlardan uch kishi tijorat maqsadi bilan yo‘lga chiqadilar. Bir vaqt yo‘lda yomg‘irga tutiladilar va bir g‘orga kirib panalanadilar. Lekin tog‘dan tushgan katta bir xarsang tosh g‘orning og‘zini to‘sib qo‘yadi. Shu ahvolda ular o‘zlariga shunday dalda bera boshlaydilar.
— Bu toshdan bizni faqat bir narsa qutqaradi! Oldin qilgan yaxshi amallarimiz hurmati bizni qutqarishini so‘rab, Allohga duo o‘qiylik!

Bu orada ichlaridan birinchi kishi shunday duo o‘qiydi:
— Ey Allohim, mening qari onam va qari otam bor edi. Men ularga har oqshom sut ichirmagunimcha hech kimga qaramasdim. Bir kun ba'zi bir ehtiyojlarimni butlash uchun tashqariga chiqdim va oqibat ota-onamning sut ichadigan paytlariga yetib borolmay qoldim. Ular uxlab qolishgandi. Sutni sog‘dim. Ulardan oldin boshqalar ichishini hurmatsizlik deb bildim. Sut bordog‘ini qo‘lga olib, ularning uyg‘onishini kutdim. Bu kutish shafaq qizargunga qadar davom etdi. Tong otganda ular uyg‘ondilar va sutlarini ichdilar. Allohim, agar buni yolg‘iz sening rizong uchun qilgan bo‘lsam, bu falokatdan bizni qutqar!

Bu duo paytida tosh bir oz jildi. Lekin hali chiqqulik emas edi.

Ikkinchi shaxs, ammasining qizi bilan zino qilmoqchi bo‘lib, Alloh rizosi uchun unga tegmaganini aytib, Robbiga duo qildi va toshning ochilishini so‘radi. Tosh yana bir oz jildi, lekin hamon chiqqulik emas edi.

Uchinchi shaxs shunday duo aytdi:
- Allohim, mening kunbay ishlaydigan bir ishchim bor edi. Haqining bir qismini mendan ololmay ketgan edi. U ketib qolgandan keyin men uning puliga bir qo‘y olgandim.
Bu qo‘y ko‘payib bir suruv bo‘ldi. Yillar o‘tib, haqini olgani kelganida uning puliga olingan qo‘y suruv holiga kelgandi. Men u qo‘ylarning hammasini o‘ziga taqdim etdim. Agar buni sening rizong uchun qilgan bo‘lsam, bizni bu toshdan qutqar!
Shundan so‘ng tosh tamoman surildi va ular g‘ordan qutuldilar.

Hikoyani Hazrat Navoiyni ibratli jumlasi bilan yakunlashni lozim deb bildim.

Ki har kim ayon etsa yaxshi qiliq,
Yetar yaxshiliqdin anga yaxshiliq.
(A. Navoiy)

Jannatga yo'l

Tabaroniy va Hokim qayd etadilar:
Kimdaki uch narsa bor bo‘lsa, Alloh (qiyomatda) uning savol-javobini osonlashtiradi va unga rahmat yog‘dirib, jannatiga qo‘yadi.
Sahoba so‘radi:
— Uch narsa nima, ey Allohning Rasuli?
Rasululloh (s.a.v.) buyurdilarki:
1. Seni mahrum qilganga sening iltifoting (Senga yaxshilik qilmaganga sen yaxshilik qilishing).
2. Sen bilan yaqinlikni uzganlarga sening silayi rahim qilishing. (qarindoshlik)
3. Senga zulm qilganlarni kechirishingdir.

Mana shunday ish qilsang, Alloh seni jannatga qo‘yadi, -dedi.

"Mukoshafat - ul qulub"dan

Hazrati Umar va bir to'da yo'lovchilar.

Hazrati Umar xalifaligi (hukmronligi) da bir kecha shahar aylanib yurgan edi. Bir joyda qo‘noqlagan bir to‘da yo‘lovchilarni ko‘rdi. Ular uxlayotgan edi, anjomlaridan ovoz chiqib, uyqularini bezovta qilishidan andishalandi. Shu asno Abdurahmon ibn Avf kelib qoldi. (Abdurahmon ibn Avf - fidokor sahobalardan, ilk musulmon bo‘lgan sakkiz kishidan biri. Madinaga va Habashistonga hijrat qilgan boylardan edi. Bir daf'a o‘ttiz qulni birdan ozod qilgandi.) U:
—Ey mo‘minlarning xalifasi, bemahalda bu yerda nima qilib o‘tiribsiz? — deb so‘radi. Xalifa ahvolni tushuntirdi va: «Kel!» - dedi, - to‘xtaylik, narsalarning ovozi chiqmasin, ular turishgach, ketamiz!» So‘ngra uxlayotgan karvon yaqinida o‘tirib, bomdod namozi vaqti bo‘lguncha kutdilar. Namoz vaqti bo‘lganda Hazrat Umar:
Ey karvon, namoz! - deya baqirdi. Yo‘lovchilar tura boshlaganini ko‘rgach, Xalifa Abdurahmon bilan sekingina u yerdan uzoqlashdi.

Xulosa o'zingizdan.

Tavba eshigi

Bir odam Abdulloh ibn Mas'uddan so‘radi:
— Men bir gunoh qildim. Tavba qilib boshqa bunday qilmasam, Alloh afv etadimi?
Ibn  Mas'ud  avval  u  odamdan  yuz  o‘girdi.  Javob  bergisi  kelmadi. So‘ngra  burilib, unga qaradi. Odamning ko‘zlaridan yosh oqayotgan edi. Shunday dedi:
—  Jannatning  sakkiz  eshigi  bor.  Hammasi  ochilib-yopilib turadi, faqat  tavba  eshigi hech yopilmaydi. Uning ustida eshik yopilmasligi uchun bir malak(farishta) bor.

"Mukoshafat - ul qulub" Abu Homid G'azzoliy


Xulosa. Hali o'sha tavba eshigi ochiq turarkan, bizni qilgan tavbalarimiz borib Allohga yetib turibdi. Agar yopilsa tamom, bo'ldi hammasi tugaydi. Hali imkoniyatimiz bor ekan, shu eshikka murojaat qilavering, hali hech kim u eshikdan quruq qaytmagan va hali o'sha eshik yopilganicha yo'q!