سافر (Suffer) يا دكتور

USA Pathway From A to Z _ دليلك الشامل لكل مايخص طريق التخصص في الولايات المتحدة الأمريكية 🇺🇸

-ايه هي المعادلة الأمريكية USMLE
-شرط التقديم عليها ودخول امتحاناتها

-امتحان Step 1
-امتحان Step 2 ck
-التقديم على التخصص (الماتش)

-أهم العوامل اللي بتأثر في حصولك على التخصص

الخبرة united States clinical experience


الريسيرش

-تكلفة الطريق

-مميزات وعيوب الطريق

-أسئلة شائعة عن الطريق

في البوست الل جاي هنحاول نجمعلكم كل المصادر المجانية المتاحة اللي تفيدك في التحضير للمعادلة ..

ديما العامل المشترك هيكون بنك الأسئلة فمتنسوش تدخلوا جروبنا وتشوفوا كل الاشتراكات المتاحة في بنوك الأسئلة المختلفة @USMLE_For_Arab

كمان ان شاءالله هيكون فيه meetings شهرية مع دكاترتنا في امريكا يحكولنا اكتر عن المعيشة هناك وظروفها وهنبدأ مع د. تاح في الجروب الكبير ، وكمان في جروب الخصومات الخاص بيه هنا

علشان تتخصص في أمريكا ، مطلوب منك ايه؟؟؟
اتكلمنا قبل كدا عن الموضوع دا كتير ولكن علشان الناس الجديدة الل داخلة التشانيل ممكن تكون متعرفهوش فهنعيد تنسيقه ونشره ان شاء الله وهنثبته هنا وفي الجروب الرسمي 👇
@USMLE_For_Arab
ياريت اللي منتظره يسيبلنا ريأكت ع البوست أو ريبلاي ويتأكد أنه فالجروب ويفعل اشعاراته وان شاء الله هتعرفوا كل حاجه ...

#تجربة_ونجاح
#USMLE #Step_1

مساء الخير، انا عمرو والحمدلله passed Step 1 وكنت متردد كتير أكتب بوست ولا لأ لشكي ف اني هقدر أضيف حاجة على بوستات زمايلي اللي بتنزل هنا ربنا يجازيهم خير، بس يعني قدر الإمكان عايز ألفت الانتباة لكذا نقطة، كل نقطة فيهم ضيعت بسببها وقت كبير أو مجهود أو شك ولخبطة كتير أتمنى محدش يقع فيهم:

١- الStudy partner مهم، وبفضل لو تكونوا اوريدي صحاب من قبل كده بشرط إنكم تفصلوا ده عن الصداقة وعنوان علاقتكم وقت المذاكرة يكون أغنية مبتستناش يا قطر بتاعة حمزة نمرة.
كنت بذاكر مع صديقي Amr Magdy وليكن مثلا مثلا هنذاكر كاريدو ف ٧ أيام، ونحط يوم بريك أو لأي شيء ممكن يطرأ، ونحدد ٣ أيام للحل مثلا، وكنا بنحل سوا في كولز.
وأيا كان اللي بيجرى في حياة أي حد فينا فبنمشي بالجدول، لو ملحقتش تذاكر هتحل من غير مذاكرة، ملحقتش تحل هنخش عالمادة اللي بعدها بدون أي أعذار أو اعتبارات للصداقة، بشكل أبسط كنا يهود نسبيا مع إننا صحاب فشخ وده اللي ساعدنا إننا نكون فاهمين إن الموضوع مش بيرسونال وإن ده لمصلحة الكل، شعار المرحلة كان توت توت مبتستناش يا قطر للفنان حمزة زي ما ذكرت، والحمدلله القطار وصل المحطة بسلام ودخلنا امتحنا سوا فنفس اليوم في نفس القاعة.

٢- الطريق طويل اوي كل ما تمشي فيه هتلاقيه زي الساحرة الشريرة بيسحبك لجوة أكتر، لذلك لازم تكون رابط نفسك بجدول زمني عشان متسرحش، لازم تفهم إن ده مش مكان ولا وقت Perfectionism خصوصا فستيب ١ بعد ما بقت من غير سكور، مش بقولك كروت بس الاعتدال حلو.

٣-البايوستات مادة رخمة، وموجودة ف ستيب ١ و ٢ و ٣ وكنت بشوف ناس كتير أوي عندها مشاكل فيهم فكنت حريص يعني انها تتعمل صح مرة واحدة عشان متبقاش Pain in the ass طول فترة التحضير، وعشان كده برشح فيديوهات الحسيني فيها، هي طويلة اوي ١٥ ساعة تقريبا، لكن والله ما يغلاش عليها حاجة في سبيل إنك تنسى الموضوع ده باقي فترة تحضيرك ومتشيلش همها حتى لو الفيديوز كانت طويلة أو مملة شوية.
كمان في ڤيديوز لدكتور اسمه أسامة أسمع انها حلوة جدا من ناس كتير لكن مشوفتهاش

٤- أنا عملت كل فايلات ملمان، وعايز أقول إنها أوفرريتد (باستثناء الحاجات الHigh yield aka bio, immune, genetic,MSK, Neuroanatomy, arrows والRF ) ويعني راوند كاملة عالمنهج كانت هتكون مفيدة أكتر بالنسبالي، وفي صديق نصحني بالفعل بكدة لكني مسمعتش كلامه، اسمعوا كلامي انتوا بليز.
الكلام طبعا مش موجة للناس اللي بتذاكر من melhman كبديل للFA ولو اني مش موافق خالص يعني.

٥- في فترة حل الNBMEs أكتر حاجة هتقدر تزود بيها سكورك هي انك تاخد راوند كاملة على الFA أو سورس المذاكرة بتاعتك أيا كان إيه هو، mehlman كويس وممكن يكون مهم في مرحلة معينة، ال Inncorrect بتاع الUW كذلك، لكن من وجهة نظري ده كله تظبيط للشغل والأساس اللي انت بتبني فيه طول فترة التحضير، لكن ميغنيش عن أساس المعلومات البيزيك اللي لازم تكون عندك وتكون فاكرها كويس وانت بتحل، فلو سكورك أقل من ٧٥% ف أهم وأكتر حاجة efficient هتزود سكورك هي راوند محترمة عالمنهج، وده من واقع تجربتي الشخصية وتجربة أكتر من حد في دايرتي.

٦-عايز أقول إن الامتحان صعب جددا، وطويل جدا، و هتطلع منه واخد علقة مدتها ٨ ساعات مش هتنساها، لكن بالرغم من ده كله هو كان أسهل مما كنت متوقع بصراحة، الامتحان كان Fair w doable والوقت كان كويس إلى حد ما، وده كان عكس توقعي لان في بوستات كتير بتنزل من ناس امتحنت بتهوّل الموضوع وبتحمله أكبر مما ينبغي، وبعد الناس دي ما بتPass مش بنسمع من معظمهم تاني حاجة تطمن، وأنا عارف يعني إن ده مش بأي نوايا أو دوافع سيئة.

٧-بعد الامتحان كنت طالع مخضوص وبعدها بيومين ابتديت أفتكر أخطاء ميغلطهاش عيل صغير، وفي حتت أنا كنت كويس وفاهمها كويس وكنت قعدت كام يوم متوتر، بس يعني في آلاف من الناس امتحنت وقالت ان الشعور ده طبيعي ووصفت اللي كنت بمر بيه فده شيء مطمئن إن حد قايلي من قبلها ان خد بالك ده هيحصل وده طبيعي، فبلاش حد يPanic، كمان كل الكوكب بيقول Trust your NBMEs فكنت بحاول أفكر نفسي بالحاجتين دول، وبفكر نفسي بإن الNBMEs اللي حاطتها ناس أمريكان شطار أذكية وجمال، وهم اكيد هيعرفوا يقيموني بطريقة سحرية ويعفروا اني استاهل أنجح ولا لأ، التوتر ابتدى يقل لغاية قبل النتيجة بكام يوم من جوايا في أعماقي كنت متأكد إني إن شاء الله هنجح

٨- ودي نصيحة مهمة كنت دايما بفكر نفسي بيها وهي انك لازم تTrust the process، الطريق ده مشي في آلاف، وكلهم قالولك لو عملت كذا ثم كذا ثم كذا هتوصل لكذا، خلي عندك ثقة ان الموضوع كله عبارة عن انك تمشي كل الخطوات دي عشان توصل للنقطة اللي كله وصلها دي. مذاكرة المعادلة طويلة جدا وبتاخد شهور من غير أي Reward حقيقي وده أصعب شيء فيها من وجهة نظري، فعشان كده لازم زي ما قولتلك ت Trust the process كل يوم ٣ مرات قبل الأكل وبعده.

Amr Fawzy
جروبنا لكل مايخص امريكا

هتتسده بعد كدا من مرتبك لما تبدا تقبض قيمته الكلية ١٥ الف يورو على مدار 5 سنين اللي هم ٣ سنين التدريب بتوع ال gp وفرصة سنتين كمان بعدهم تلاقي job offer على حد ما فهمت يعني

النوع الثاني قرض تامين بتاخده مرة واحدة من الأول بقى ويفضل معاك نفس ال٥ سنين مش بتاخده منقسم كل شهر مبلغ بس دا بيبقى ۲۰ الف يورو .. بس لو خلصوا منك يا حلو قبل ال ٥ سنين مش من حقك تطلب ثاني لا قرض تامين ولا قرض شهري ... و برده بيتسدد على اقساط من مرتبك بعد كدا

جروبنا
@usmle_for_arab
والبقية فالكومنتات 👇

تعالوا كدا نشوف الدولة اللي بتدي بال 10 الآف يورو فالشهر 🔥🔥🔥

Belgium بلجيكا 🇧🇪

بلجيكا من الدول اللي فيها تنوع في اللغات .. البلجيكيين في منهم بيتكلموا هولندي ومنهم بيتكلموا فرنسي ومنهم بيتكلموا

الماني .. ولكن اللغة الأكثر شيوعا في بلجيكا هي اللغة الهولندية

بلجيكا من الدول اللي فرصتها للاخصائيين أحسن من حديثي التخرج ولكن لا تزال الفرصة قائمة لحديثي التخرج

لو كنت تابعت البوست بتاع النمسا وانبهرت بمتوسط الرواتب اللي هو كان ٥٠٠٠ يورو في الشهر فانا عاوز اقولك ان متوسط الرواتب الضعف ... ايووووه متوسط رواتب الاطباء في بلجيكا في الشهر تقريبا ١٠ الاف يورو في الشهر .. ال gp بياخد ۸۳۰۰ يورو في الشهر ... انت متخيل يا مان!!

تعالى معايا واحدة واحدة لسكة بلجيكا لانها سكة مليانة ورق

مفيهاش امتحانات تقريبا لكن مليانة ورق يا معلم

مبدئيا كدا يا برنس الليالي انت لازم تحدد ايه اللغة اللي هتبقى معاك لان على اساسها هيتحدد الطريق اللي هتمشي فيه

اصل انا هفهمك طريق بلجيكا دا عبارة عن ٤ مراحل

ال trick كلها في اول خطوة هي اللي بتختلف حسب اللغة اللي معاك بعدها كله خطوات واحدة

فيا اما يكون معاك هولندي او فرنساوي او الماني ليفل ... B2 لو كان معاك هولندي فرصتك بتبقى افضل مما لو معاك فرنساوي او الماني ولكن لو فرنساوي والماني ما زالت فرصتك موجودة

قبل ما نتوه في زحمة التفاصيل بتاع الطريق فيزا بلجيكا بتحتاج حساب بنكي على حسب المدة اللي هتقعدها على ما تطلع تصريح العمل ورخصة مزاولة المهنة واللي بتتراوح من ٤ الى ٦ شهور .. الحساب البنكي دا الحمد الله محدد على عكس النمسا واستراليا بيبقى غير محدد ... طب بيبقى كام يا عمنا ... بيبقى ٩٥ يورو عن كل يوم هتقعد فيه في بلجيكا .. ولو ليك حد قريبك هتقعد عنده هناك او حد هيستضيفك يبقى ٤٥ يورو عن كل يوم هتقعد فيه في بلجيكا ... واحسبها انت بقى لل ٤ شهور

المهم دخلني في التفاصيل يا كابتن مدحت

اولا معادلة شهادتك سواء كانت بكالوريوس او ماستر او دكتوراة

علشان اعرفك تعادل شهادتك يا معلم عرفني انت الأول لغتك ايه

۱ - هولندي ؟ هتعادل شهادتك من ال NARIC ب ۱۸۰ یورو

وبيطلبوا منك الباسبور وشهادتك والمنهج اللي درسته تفصيلا بدرجاتك بساعات الدراسة بكل تنتوفة بال CV بتاعك ولو كان ليك سنين خبرة في العمل في بلدك لو كنت اخصائي يعني بيطلبوا شهادة الخبرة وتفاصيل عن شغلك دا مين اللي كان بيشرف عليك ومدة قد ايه ونظام الشغل والتدريب وكدا

كل حاجة من دول بيتطلب منك نسختين ... نسخة باللغة الاصلية بتاعتك ونسخة مترجمة هولندي من مكتب ترجمة معتمد من السفارة أو القنصلية البلجيكية

٢ - الماني ؟ نفس الكلام بتاع الهولندي بس بتجيب الاستمارة اللي هتملاها من موقع Ostbelgien وتقدمها على ال NARIC بنفس الطلبات بنفس ال ۱۸۰ یورو

- فرنساوي ؟ معلش الفرنسيين عندهم التناكة عالية شوية

يتقدم على Wallonia-Brussels Federation ب ۲۰۰ يورو ومطلوب منك الشهادة وبرنامج الدراسة وشهادة الميلاد و motivation letter او بتملى motivation form و برده متترجم لهولندي او فرنسي

طب بعد كدا ؟

اللي جاي كله واحد بقى ايا كانت لغتك يا باشا

يتستنى لما يجيلك ايميل المعادلة في الغالب بياخد ٣ او ٤ شهور ... دا لو لاقدر الله ملقوش اختلاف كبير من منهجك

ومنهجهم وطلبوا منك انهم يمتحنوك امتحان معادلة صغير كدا .. بس متقلقش بيبقى سهل عموما وبيحد دولك هتمتحن

في ايه وبيدولك مهلة كافية ... بس دا قليل اوي اوي اوي لما يحصل

بتقدم على تصريح المزاولة على ال FOD بكل المستندات اللي فاتت دي معاها تصريح المعادلة دا ويتزود عليهم شهادة

اجادتك للغة وتبعت يا باشا وتستنى يجيلك الرد .. من غير فلوس تدفعها

ال FOD دا الجهة الرسمية لمزاولة المهنة والخدمة الطبية

بعد كدا لما يجيلك التصريح بتبعت كل الورق اللي فات مع تصريح ال FOD لجهة اسمها .. Orde der artsen علشان یا باشا تتسجل في الوزارة أو المجلس الطبي القومي

علشان يطلعلك Agentschap Zorg & Gezonheld بتبعت كل الورق دالل registration بعد كدا لما يجيلك ال RIZIV number او زي ما تقول كدا يعني حاجة شبه رقم نقابي

بعد كدا بقى شايف اخر منظمة احنا قولنا اسمها في آخر خطوة دي ؟ بتدخل بقى تبعت عليها انك عاوز تتدرب اما GP او

اخصائي

وبتتدرب ٣ سنين لو انت gp او اكثر على حسب التخصص لو انت اخصائي

ولو اني لو سالتني تفضل ايه اقولك افضل اني اتدرب الأول GP

ايه دا ليه يا عم لما انا ممكن اتدرب اخصائي على طول ؟!

بص يا مستر سكلانس

لو فلوسك مغرقاك وهتقدر تصرف على نفسك فترة التدريب خش على تدريب ال specialist على طول وربنا يوفقك

ويزيدك

اما لو من الغلابة اللي زي حالتنا هتدخل على تدريب ال gp وتعمل طلب financial suppport ودا لتدريب ال gp فقط وله نوعين

النوع الأول قرض شهري ...

-قبل الامتحان طلعت اشاعة ان ال Exam pool اتغير وملتفتش للكلام دا ولا اديته اهمية وياريت تعمل كدا لاني شفت ناس عايزه تأجل عشان الكلام دا و سواء اشاعة او اتغير فعلا ثق في الله ثم في سكوراتك وان شاء الله تعدي اي امتحان

-حاول تظبط نومك قبل الامتحان بفترة كافية علشان متحطش على نفسك stress مضاعف

-في البريكات اعمل حساب ان في وقت هيضيع في تفتيش و متشربش كميات ميه كبيرة علشان هتحتاج تدخل الحمام كتير

🔵 دي كانت سكورات ال NBMES بالترتيب :-

NBME 25: 66% 81Ds before
NBME 26: 65.5% 68Ds before
NBME 27: 67% 40Ds before
NBME 28: 69.5% 27Ds before
NBME 29:79% 10Ds before
NBME 30: 79% 6Ds before
New free 120: 71% 3Ds before
NBME 31: 75% 2Ds before

🟤 دي شوية ارقام طلعت بيها من ال excel ممكن تديك فكرة عن مدة التحضير

1st read: 538 Hrs (videos+FA+UW+sketchy+elhusseiny bio and micro books)

2nd read: 190 Hrs (FA+sketchy+UW)

3rd read: 65.5 Hrs (only FA)

Solved questions: 4979
فترة التحضير شاملة كل شيء له علاقه بstep 1 كانت (987) ساعة تقريبا

دا لينك ال Excel عباره عن 12 sheets لكل شهر بداية من السنة الجديده و sheet NBMES في الاخر .. تقدر تعدل عليه بالشكل الي يناسبك واول sheet عبارة عن key بيوضح كل حاجه
https://drive.google.com/file/d/14MWsKYe9dtbReMyRVHBOAKWyDCAuyFLI

جروبنا لكل مايخص امريكا
@USMLE_For_Arab

جروب خصم على كورسات د. الحسيني الل اعتمد عليها زميلنا
@elhusseiny_usmle2025

#تجربة_ونجاح #USMLE #step_one
السلام عليكم ورحمة الله وبركاته
زميلكم احمد عزت خريج جامعة مصر للعلوم والتكنولوجيا وفي التكليف حالياً..

🟢 الحمد لله نجحت في امتحان step 1 مؤخراً .. حابب اسرد تجربتي وان شاء الله تكون مفيدة للي بيحضر حاليا للامتحان او حابب يحضر مستقبلاً..

⚫️ بدأت في اول سنة الامتياز بالاشتراك في سيستم دكتور الحسيني كنت بشوف شرحه واعدي في نفس الوقت على FA واحيانا اجزاء من كتبه و بعد كل جزء مثلا زي ال anatomy بتاع GIT كنت بحل كويز UW (من الحاجات الي بنصح بيها انك تبدأ حل بدري وتتعلم ازاي تتعامل مع الأسئلة )
كنت ماشي مع الترتيب بتاعه في المذاكرة وطبعا استخدمت Sketchy Micro (غني عن التعريف و من احسن المصادر الي ممكن تضيفها في تحضيرك للامتحان)


▪️جربت التزم ب flash cards بس مقدرتش الحقيقة لكن شايفها حاجه قوية لو قدرت فعلا تلتزم بيها ..


▪️خلال فترة المذاكره حصل انقطاعات كتيرة عن المذاكرة لأسباب محتلفة ولكن دا طبعا من أسوأ الحاجات الي ممكن تعملها في المدة الي بتحضر فيها وهتحتاج تحط مجهود ووقت اكتر علشان تعوض دا

▪️كنت بحسب وقت مذاكرتي (كوقت فعلي محسوب ب promodoro (60 mins)) وبسجله على ملف excel كنت بعدل عليه طول المده دي وفادني اتابع مذاكرتي وطلعت بشوية ارقام فادتني بالذات في أواخر التحضير هحطها في أخر البوست وهسيب link للملف دا لو حد حابب يستخدمه

▪️بعد ما خلصت ال 1st read حسيت اني مش مجمع المنهج كويس ودا طبعا بسبب التقطيع في المذاكرة فبدأت 2nd read كنت بقرا ال FA وبعد كل Chapter بحل السستم الي ذاكرته من UW (كنت بسيب عدد أسئله في كل سستم علشان كنت عامل حساب اني هرجع احل ال UW بشكل Random ) وشفت فيديوهات البايو بتاعت Dirty med وفيديوهات الفارما لدكتور تاح كمراجعة و randy neil في biostat ..

▪️حجزت Eligibility في الفتره دي شهور (10,11,12) وبعد ما خلصت ال 2nd في اخى شهر 9 اخدت اول NBME كان 25 وجبت فيه 66% راجعت أخطائي فيه وبعدها خدت NBME 26 جبت 65.5% رجعت احل UW بشكل Random حليت 575 سؤال وبعدها خدت NBME 27 جبت 67% حليت من القدام 21 و 24 و وبعدين خدت NBME 28 جبت 69.5% (قبلها حجزت الامتحان بعد شهر) .. الزياده مكانتش مرضية اوي بالنسبالي فقررت اعدي عال FA للمره التالته حليت بعدها NBME 29 جبت 79%..

▪️كنت بحسب غلطاتي في كل NBME احله وال excel ساعدني فدا وفتحت Mehlman في Bio و neuro و neuroanat (مفيد جدا ويستاهل الوقت الي هتديهوله) حليت NBME 30 جبت بردو 79% وبعدها new free 120 (مهم جدا تحله لانه شبه style الامتحان فاعمل حسابك كوقت على ال template دا وحله online كأنك في الامتحان )

▪️خدت NBME 31 كان قبل الامتحان بيومين جبت 75% اليومين الي قبل الامتحان مريت عال FA بشكل سريع ..

▪️ اليوم الي قبل الامتحان صحيت الساعه 10 الصبح وبليل حاولت انام الساعه 10 ومن هنا بدأ فيلم رعب طويل لاني مقدرتش انام لحد الساعه 5 نمت اقل من ساعتين وصحيت رحت للامتحان

▪️بدأت احل وطبعا متوقع ان هيقابلني اسئله غريبه (توقع دا وخطط ازاي تتعامل معاه في الامتحان) الاسئله الي بالشكل دا كنت بعملها Skip وبرجعلها في الاخر هي والأسئلة الطويله زياده عن اللزوم و كان بيتبقى معايا من 4 ل 8 دقايق في كل بلوك ..

▪️الامتحان محستش انه شبه ال NBMEs الا في عدد مش كبير من الأسئلة ممكن قريب اكتر لل UW و Free 120 أسئلة ال Ethics كانت كتيره جدا وبردو مكانتش شبه الأسئله بتاعت NBMEs وفي أسئله سهله ومباشره بس قليله جدا طبعا (اه مباشره مش لازم تقراها 5 مرات زيي علشان تكتشف الtrick الي مش موجوده في السؤال) .. اخر 3 بلوكات كنت مصدع وخصوصا اخر بلوكين كنت عال autopilot mode

▪️بالنسبه للTime management طبعا عملت skip لل Tutorial (تقدر تشوفه في البيت قبل الامتحان)
وكنت مخطط
( بعد كل بلوك فردي احله) short break: 5 mins
Long break: 15 mins ( بعد كل بلوك زوجي احله)
أذن عليا الظهر والعصر والمغرب وال long breaks كنت ظابطها مع مواعيد الصلاة ..

▪️بعد الامتحان كنت مبسوط اني خلصت الحمد لله ..اول اسبوع بدأت افتكر أخطائي (حاول تشغل نفسك بخروج او اي حاجه برا التفكير في الامتحان علشان هتدخل في مود وحش عالفاضي) احساس اني هشوف كلمة Fail كان دايما فبالي لحد ما جالي Email النتيجة ..


▪️لو كان في وقت كافي قبل الامتحان كنت هعمل الآتي بالترتيب:
1- هذاكر mehlman files كلها
2-اراجع اخطاء ال NBMES
3- هحل أخطائي في ال UW (بشكل عام هديله اهتمام اكبر)
4-اراجع عال FA كمان مره
5-احل باقي ال NBMES القدام

🟣 دي نصائح عامة

-توكل على الله وان شاء الله يوفقك في مذاكرتك وامتحانك والزم الصلاة على النبي تكفى همك باذن الله

-احذر من الانقطاع المتكرر للمذاكره وحاول تلتزم بال plan الي هتحطها

-حط يوم break مثلا اسبوعيا تعمل فيه النشاطات الي بتحبها وتقابل صحابك علشان العزله مش احسن حاجه

كثير جدا من الزملاء يسألوني: "أريد تخصصًا معينًا مثل جراحة القلب، العظام، الجلدية، أو غيرها... ماذا تنصحني؟ وهل لدي فرصة لتحقيق ذلك؟"
خليني أقول لكم بوضوح: الجراحات بأنواعها وبعض التخصصات الأخرى مثل الجلدية، الأنف والأذن والحنجرة، الأشعة، والعيون كلها تخصصات مرغوبة وصعبة جدًا، سواء في بلدك أو في الخارج وخصوصًا إذا كنت خريجًا من بلد درس الطب بالمجان وتسعى الآن للعمل في بريطانيا أو أمريكا.
بريطانيا وأمريكا: الفرص والتحديات!
صحيح أن بريطانيا الآن تتيح الفرصة للتقديم على أي تخصص بدون امتيازات للبريطانيين عليك، لكن المنافسة شرسة جدًا وفي بعض التخصصات، تصل المنافسة إلى 10-15 شخصًا لكل مقعد وتحتاج متطلبات تعمل عليها لسنوات قبل التقديم على التدريب
أما في أمريكا، فالأمر مشابه؛ التخصصات المرغوبة مثل الجراحات تواجه تنافسية عالية جدًا.
لكن قبل أن تسألني، اسأل نفسك هذه الأسئلة:
1. ماذا تريد؟
لازم تحدد أهدافك بوضوح.
إذا كنت تريد تخصصًا بسنوات تدريب أقل، دخل مادي مرتفع، ولايف ستايل مريح، فالطريق واضح: أمريكا، تخصص باطنة أو أطفال ل3 سنوات، ثم تخصص دقيق ل1-3 سنوات وتصبح استشاري .. التوكل على الله ثم الاجتهاد في هذه الحالة سيقودك للنجاح بإذن الله.
إذا كنت تبحث عن تخصص غير متعب بدخل مادي معقول ومردود جيد، طب الأسرة أو العمل كـ Hospitalist خيار ممتاز، حيث تعمل بنظام أسبوعين عمل وأسبوعين راحة، بدخل سنوي يتراوح بين 250,000-350,000 ألف دولار بعد اكمال 3 سنوات تدريب
أما إذا كنت لا تهتم بالدخل العالي وتبحث عن منافسة أقل وطريق اسهل نسبيا، بريطانيا خيار رائع، خصوصًا في التخصصات الباطنية أو الطوارئ أو الطب العام (GP).
2. هل أنت مستعد لحرق السفن؟
الجميع يقول إنه يريد تخصصًا معينًا، لكن هل أنت مستعد للتضحية من أجله؟
مستعد لدراسة اليوسملي سنتين أو أكثر؟ وترك كل شئ اخر والتخلي عن حياتك المريحة؟
مستعد للعمل في البحث العلمي لسنتين أو ثلاث؟ واخد فيلوشيب؟
مستعد لخسارة المال والوقت والجهد وربما الفشل وإعادة المحاولة مرة أخرى؟
أن تصبح جراحًا مميزًا يعني المرور بطريق طويل: تبدأ بجراحة عامة ثم تتخصص، وهذا يتطلب تدريبًا بين 5-7 سنوات على الأقل وعمليًا، يحتاج الأمر إلى 8-10 سنوات حتى تتمكن من العمل بكفاءة.
هل لديك القدرة على الصبر والتضحية لهذه المدة؟ أم أنك تفضل طريقًا أقصر وأقل تكلفة؟
كثيرين يحلمون لكن لايعملون وليس لديهم الدافع انما لديهم الرغبة بدون عمل ولايريدون التضحية وغير مستعدون لها
أقولها بكل صراحة، ليس كل شخص لديه الجرأة أو الصبر لخوض هذا الطريق ... لقد ضحيت شخصيًا بالكثير من الأشياء في حياتي، حتى بعلاقات قريبة على قلبي، لتحقيق أهدافي ودفنت بعض الناس وهم احياء لانهم كانوا حجر عقبة في طريقي وتكبت ومازالت اتكبد عناء التعب والارهاق منذ سنوات ... لانه الطريق صعب ومليء بالعقبات، وليس الجميع مستعدًا لدفع هذا الثمن.
3. ما هي أهدافك بعيدة المدى؟
فكر في المستقبل عندما تصل إلى عمر ال40 أو ال50؟
هل تريد تعمل عمل مرهق او يمكنك اخد عمل اقل تعب؟ اسئل نفسك ماهي دوافعك ؟ وماهي اهدافك في الحياة؟ وهل يمكنك تحقيقها في تخصص اخر؟
هل تفضل خيارًا مريحًا يتيح لك قضاء وقت أكثر مع العائلة؟
مع التقدم في العمر، ستتغير أولوياتك الى : الفلوس واللايف ستايل بدلا من تخصص بعينه!
ستحتاج المال لتغطية التزامات الأسرة: أطفالك، مدارسهم، جامعاتهم، ونفقات الحياة والعائلة
ستبحث عن لايف ستايل مريح بعيدًا عن ضغط العمل والمشاكل اليومية خاصة لو كنت ممن يأخدون الطب كمهنة وليس كأسلوب حياة فالفرق شاسع بين الإثنين
الطريق ليس للجميع !
تحقيق التخصصات الصعبة يتطلب جهدًا وتضحية هائلة. شخصيًا، ضحيت بأمور كثيرة جدا جدا، ركزت على أهدافي، واستعديت لدفع أي ثمن لتحقيقها ولكن ليس الجميع لديه هذا الاستعداد ... إذا لم تكن مستعدًا، فابحث عن طريق أسهل وأكثر واقعية.
الطريق طويل فمثلا عندما حصلت على عروض من إمبريال كوليدج أو برمنغهام، لم يكن ذلك بين يوم وليلة توكلت على الله منذ سنوات والتخطيط بدأ منذ 2014، والعمل الجاد بدأ في 2016، والتركيز الحقيقي في 2019. الإنجازات تحتاج سنوات من العمل والصبر حتى ترى النور.
كلمة أخيرة
إذا كنت غير مستعد للتضحية والصبر لسنوات طويلة، رجاءً لا ترهق نفسك في التفكير بهذه التخصصات الصعبة و اختر تخصصًا أسهل يناسب طموحاتك وظروفك وامكانياتك
أما إذا كنت مصممًا، فابدأ الآن، توكل على الله ثم خطط بذكاء، واجتهد بكل ما أوتيت من قوة. الطريق صعب لكنه ممكن لمن لديه الإرادة والعزيمة🌟
د. محمد الشريف
جروبنا لكل مايخص امريكا
@usmle_for_arab
لكل مايخص بريطانيا
@plab_for_arab
والبقية فالكومنتات