O‘zbekiston Milliy kutubxonasiga Toshkent davlat transport universiteti rektori O.Q.Abdurahmanov boshchiligida universitet vakillari tashrif buyurdilar.
Tashrif chog‘ida mehmonlar Milliy kutubxonaning hozirgi kundagi faoliyati, bu yerda foydalanuvchilarga yaratilgan sharoitlar, RFID tizimida kitob olish texnologiyasi, infokiosklardan kerakli axborotlarni topish va ularga buyurtma berish imkoniyatlari, Milliy umumta'lim elektron kutubxonasi, jumladan, Skanerlash markazi faoliyati elektron bazasini yaratishda qo‘llanilayotgan zamonaviy axborot texnologiyalari bilan tanishdilar.
Tashrif davomida tomonlar o‘zaro hamkorlik masalalarini ko‘rib chiqib, Memorandum imzoladilar. Unga asosan ikkala tomon o‘z imkoniyatlaridan kelib chiqib o‘zaro manfaatli alaoqalar to‘g‘risida kelishib oldilar.

TDTU Axborot-resurs markazi