ممكن "لو كان خيرًا لبقي"، وممكن جداً يكون خير وما يبقى، عادي يعني.
 وهادا بيصير بحالة إنه انتَ بتستاهلش هادا القدر من الخير أو الجمال في الإشي أو الشخص، أو إنك أثبتت بشكل أو بآخر عدم أهليتك لاستحقاقه، فببساطة راح لحدا تاني بستحقه أكتر، ورح يحافظ عليه أحسن
عزاءات النفس بإنه إشي معيّن بطّل بحياتك لأنه انت بتستاهل أحسن مش دايماً صحيحة، خصوصاً لو الإشي أو الشخص فعلًا مناح ومن ضمن نِعَم ربنا، ووين م حطهم ربنا -في حياة أي حدا- بيزهروا.
بس إحنا كَبشر يمكن عنا عادة إنه منقلل قيمة الإشي، ومنسيء التعامل أو الشُكر لكل خير عنّا متمثل في إشي أو شخص، فبدل م تحكي  أنا قصّرت بتحكي هادا أكيد مكنش فيه خير وكتير مرّات بطلع الخير من الأصل مش فيك انت