እ.ኤ.አ በ1987 በ አሜሪካ ውስጥ በሚገኘው ሚሽገን ዩኒቨርሲቲ በ Computer vision ዘርፍ የዶክትሬት ተማሪ የነበረው ቶማስ ኖል Display የተሰኘን በ ማክንቶሽ ኮምፒዩተር ምስሎችን በ Black & White የሚያሳይ ቀለል ያለ ሶፍትዌር ኮምፒዩተሩ ላይ ሰራ ።በጊዜው Industrial Light & Magic በተሰኘ ካምፓኒ በ ቪዥዋል ኢፌክት ሱፐርቫይዘርነት ይሰራ የነበረው ወንድሙ ጆን ኖል ሶፍትዌሩን በተመለከተ ጊዜ ነገርየው ወደ ፊት ትልቅ ተስፋ ሊኖረው እንደሚችል አሰበ።ሁለቱ ወንድማማቾች በጋራ በመሆን የሶፍትዌሩን አቅም ይበልጥ አሳድገው የተሟላ የ ምስል ማቀናበሪያ አደረጉት ስሙንም Image pro ብለው ጠሩት።

ወንድማማቾቹ ቶማስ እና ጆን ሶፍትዌሩን እንደ አፕል እና አዶቤ ላሉ ስመ ጥር የቴክኖሎጂ ኩባንያዎች አቀረቡ።ነገር ግን ሀሳቡ ያሳመነው በጊዜው የ አዶቤ አርት ዳይሬክተር የነበረው ራስል ብራውን ነበር። በ1998 ወንድማማቾቹ ከአዶቤ ጋር አዶቤ ብቸኛ የሶፍትዌሩ አቅራቢ እና ሻጭ ሆኖ ሶፍትዌሩን ለገበያ እንዲያቀርብ ውል ተፈራረሙ።

በ 1990 አዶቤ በማክንቶሽ ኦፕሬቲንግ ሲስተም የሚሰራ የሶፍትዌሩን የመጀመሪያ ቨርዥን ይፋ አደረገ።በጊዜ ሂደት አዶቤ የሶፍትዌሩን ሙሉ ባለቤትነት በመጥቅለል እንዲሁም በየጊዜው በአዳዲስ ማሻሻያዎች በማዘመን ሶፍትዌሩ በምስል ቅንብር ዘርፍ ዝነኛ እና ግንባር ቀደም እንዲሆን አደረገው።

ይህ ሶፍትዌር የፎቶ ቅንብር ንጉሱ Photoshop ነው!

✅ @TelwinCreative