وانا صغير كنت بقول ، يااه انا امتى هكبر بقي ، واعمل كل اللى نفسي فيه ، وابقي مسؤول عن نفسي ، وانا صغير كنت بعد الايام عشان اقتحم عالم الكبار ، الملئ بالاثاره والحريه ، كنت بحسد الكبار ممكن ينزلو الساعه 3 الفجر ، يقعدو على القهوه ، كنت متوقع ان الحريه جميله اوى ، اعمل إللى انا عاوزه ، فاى اى وقت وف اى مكان ، ولما ابتديت اكبر ، اتصدمت فعلا ، الحريه اللى انا كنت شايفها دى ، مربوطة بحجم كبير من المسؤوليه ، مثلا انت صحيح هتنزل تقعد على القهوه ، او ف الشارع عموما بالليل ، من غير ما حد يعترضك ، بس هتبقي مطالب وانت راجع تجيب بامبرز لابنك ، وفينو وجبنه ، وعشا ، وحوار كبير اوى ، الخلاصه واحنا صغيرين مفيش حريه كامله ، لكن فيه عدم تحمل مسؤوليه لاى شئ ، واحنا كبير عندنا حريه كامله لكن في مسؤوليه كبيره جدا ، فكرو 100 مره قبل ما تتمنو تبقو كبار ..