خیالا دالمیشام سن دانیشاندا
من قولاق آسمیشام یادیندا ساخلا
آ جی سوز دئیبسن شيرين بیلمیشم
کیرییب سوسموشام یادیندا ساخلا

مین دفعه الهامی آلسامدا سندن
بولود تک بوشالیب دولسامدا سندن
داغلارجا من راضی قالسامدا سندن
ذره جه کوسموشم یادیندا ساخلا

نییه دویمایبسان نییه بهمنی
توکوبسن اوستومه دومانی چنی
قارشیندا گناهکار بیلیب سن منی
تیتره ییب اَسمیشم یادیندا ساخلا


#بهمن_وطن_اوغلو
••••••❥🕊 ❥••••••

🦋 @Turk_Dunyase 🦋