تحريتك على رجوى وصالٍ مابعده غياب
وتمنيتك وأنا حزني عليك أكبر من الجيّه

تراودني تعاليل المحبه والشعور أسراب
وأغض البال لامني سرحت وقلت ناسي

سجنت الروح في صدري وحلفت إنا نعيش أغراب
حلاة الصبر لامنك فقدت شوي حريّه

على هون اليدين اللي على جرحي تطق الباب
وأنا بابي ذرى عابر سبيل وصوت طرقيّه

الا ياخفوقٍ ينزف حنين وماحسبت حساب
وألا ياعرق لا تشره علي إن زادت الكيّه

أنا من هام في وادي عيونك وإن بكيت تاب
وأنا من تاه في سكة رحيل بدمعةٍ حيه

حملت الظن لين أبعد حميدات الظنون وخاب
ورجعت ومابقى غير السلام وطيّب النيّه

أنا مالي محل الا على الذكرى وعلى الإعراب
وقصيدٍ لو ضحك نصّه بكى نصه علانيّه

تبي تلقى أحد غيري ولكن ويش جاب لـ جاب
وأنا ضلعي يميل أكثر وداد وعشق وحميّه .