Ye Yint Htet (#yyh)

-
■ မန္တလေး Sky Villa ကွန်ဒို ပြိုကျမှု ၄၃ ဦးကို ကယ်တင်နိုင်ပြီး သေဆုံးသူ ကိုးဦး၏ ရုပ်အလောင်းများ တွေ့ရှိ

မန္တလေး Sky Villa  ကွန်ဒို ပြိုကျမှု ၄၃ ဦးကို ကယ်တင်နိုင်ပြီး သေဆုံးသူ ကိုးဦး၏ ရုပ်အလောင်းများတွေ့ရှိကြောင်း မြန်မာနိုင်ငံမီးသတ်တပ်ဖွဲ့ က သတင်းထုတ်ပြန်သည်။

ကယ်ဆယ်ရေးလုပ်ငန်းများကို စတင်ဖြစ်ပွားချိန်မှ စတင်ပြီး ဆောင်ရွက်ခဲ့ရာတွင် မတ် ၂၉ ရက် နံနက်အထိ ၄၃ ဦးအား အသက်ရှင်လျက်ကယ်ဆယ်နိုင်ခဲ့ပြီး သေဆုံးသူ ကိုးဦးတို့၏ရုပ်အလောင်းများအား ရှာဖွေတွေ့ရှိခဲ့ကြောင်း၊ ရှာဖွေကယ်ဆယ်ရေးလုပ်ငန်းများ ဆက်လက်ဆောင်ရွက်လျက်ရှိကြောင်း မီးသတ်တပ်ဖွဲ့က သတင်းထုတ်ပြန်သည်။

ရှာဖွေကယ်ဆယ်ရေးလုပ်ငန်းများကို မန္တလေးမြို့ ဗဟိုမီးသတ်သင်တန်းကျောင်းနှင့် ပြည်ဦးလွင်မြို့နယ်မီးသတ်စခန်းတို့မှ ရှာဖွေကယ်ဆယ်ရေးတပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များနှင့် သက်ဆိုင်ရာအဖွဲ့အစည်းများနှင့် ပူးပေါင်း၍ လုပ်ဆောင်ခဲ့ခြင်းဖြစ်ကြောင်း သိရသည်။

အဆိုပါကွန်ဒိုမှာ အောင်မြေသာဇံမြို့နယ် လမ်း ၆၀၊ ၂၂ လမ်းနှင့် ၂၃ လမ်းအကြားတွင် တည်ရှိပြီး အမြင့် ၁၁ ထပ်ရှိ Sky villa ကွန်ဒိုမှာ ငလျင်ကြောင့် ကွန်ဒိုအခန်းအချို့ မြေကြီးအောက်ကျွံဝင်ခဲ့ပြီး ခုနစ်ထပ်သာကျန်ရှိတော့ကြောင်း မန္တလေးမြို့ခံများထံမှ သိရသည်။

■ ဓါတ်ပုံ -   မြန်မာနိုင်ငံမီးသတ်တပ်ဖွဲ့

#earthquake #Myanmar_Earthquake_2025

-
▪️နေပြည်တော်တွင် ပြင်းအား အဆင့် ၅ ရှိ မြေငလျင် ထပ်မံလှုပ်ခတ်

EPN
နေပြည်တော်၊ မတ်-၂၉ (၂၀၂၅)

၂၀၂၅ ခုနှစ် မတ်လ၂၉ ရက်၊ မြန်မာစံတော်ချိန် မနက် ၅ နာရီ ၅၁ မိနစ် အချိန်က အင်အားရစ်(ခ်)တာစကေး ၅ ဒသမ ၀ အဆင့်ရှိ အင်အားအသင့်အတင့်ရှိသည့် မြေငလျင်တစ်ခု လှုပ်ရှားသွားကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာ
နမှ ထုတ်ပြန်ချက်အရ သိရသည်။

နေပြည်တော်မြေငလျင်စခန်းမှမြောက်-အရှေ့မြောက်ဘက် (၁၃)မိုင်ခန့်ကွာဝေးသည့် မြန်မာနိုင်ငံပြည်တွင်း ပုဗ္ဗသီရီမြို့နယ်၏ မြောက်-အရှေ့မြောက်ဘက် ၅ မိုင်ခန့် အကွာ မြောက်လတ္တီတွဒ် ၁၉ ဒသမ ၉၆ ဒီဂရီ၊ အရှေ့လောင်ဂျီတွဒ် ၉၆ ဒသမ ၂၁ ဒီဂရီ၊ အနက် ၁၀ ကီလိုမီတာကို ဗဟိုပြုပြီး လှုပ်ခတ်ခဲ့ခြင်းဖြစ်ကြောင်း သိရသည်။

"နောက်ဆက်တွဲ မြေငလျင်တွေလှုပ်ခတ်နိုင်ပါသေးတယ်။ သတိပြုနေထိုင်ပါ။ ပထမ ငလျင်ကြီးလောက်တော့မပြင်းဘူးပေါ့။ စိုးရိမ်မကြီးပါနဲ့''ဟု မိုးလေဝသနှင့်ဇလဗေဒညွှန်ကြားမှုဦးစီးဌာနမှ တာဝန်ရှိသူကပြောသည်။

မတ်လ ၂၈ ရက်၊ မြန်မာစံတော်ချိန် နေ့လယ် (၁၂)နာရီ၊ (၅၁)မိနစ်အချိန်လောက်က အင်အားရစ်(ခ်)တာစကေး (၇ ဒသမ ၇)အဆင့်ရှိ အင်အားပြင်းထန်သည့်မြေငလျင် လှုပ်ခတ်ခဲ့ပြီးနောက် နောက်ဆက်တွဲ မြေငလျင်များလည်း ထပ်မံလှုပ်ခတ်ခဲ့သေးကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနကထုတ်ပြန်ထားချက်အရသိရသည်။

မတ်လ ၂၈ ရက်က လှုပ်ခတ်ခဲ့သည့်အင်အားအလွန်ပြင်းထန်သော မြေငလျင်ဒဏ်ကြောင့် နေပြည်တော်အပါအဝင် တိုင်းနှင့်ပြည်နယ်အချို့တွင် ထိခိုက်ပျက်စီးဆုံးရှုံးမှုများ များပြားခဲ့သည့်အတွက် အစိုးရမှသဘာဝဘေးအန္တ္တရာယ် အရေးပေါ်အခြေအနေ ကြေညာခဲ့ကြောင်း သိရသည်။

▪️ခေတ်ကောင်း