O'qituvchi bo'lish 18 yoshimgacha rejamda bo'lmagan
Kollejning 3-kursida o'qirdim . Tarjimon bo'lish orzusida edim . Lekin ingliz tilini ko'nglimdagidek o'rgana olmasdim . Oylar o'tib , ona tili blogim o'z-o'zidan kuchayib ketdi 😁. Balki ustozim zo'r bo'lgani uchundir.
Keyin bloklarimda o'zgarish qildim . Birinchi blok tarix , ikkinchi ona tili , uchinchi ingliz tili .
Tarixni 4 yoki 5 oy o'qiganman. Imtihonda natijam past chiqdi. Ona tili blogim 30 ta , lekin tarix 10 ta to'g'ri chiqqan edi.
U paytlarda 5 ta emas, 1 ta institut tanlanardi.
O'sha yili o'qishga kira olmadim. Uydagilar yana qayta tayyorlovga berishga unashmadi. Lekin o'sha paytda o'z kelajagim uchun anchayin og'ir qarorni qabul qildim . Hamma darslarga o'zim pul topish qarori .
Payshanba va yakshanba kunlari bozorga chiqib ishlardim. 2 ta fanim va qornim uchun yetarli pul topardim. Shu tarzda yana bir yil o'tkazdim.
Imtihon yaqinlashib qolgan , men esa öyda edim .
Men ham diplomatiya, yuridika, sharqshunoslik , hech bo'lmasa Jahon tillarida o'qishim mumkin edi. Lekin o'sha paytdagi vaziyat, ham ish, ham o'qish bunga yo'l bermasdi.
Pedagogika sohasiga xohlamay o'qishga topshirdim. B
Chunki boshqa oliygohga balim yetmay kirolmay qolsam, uydagilar aniq qayta o'qitmas edi. Allohga shukurki, yuqori bal bilan 2-o'rinda o'qishga ko'rdim .
O'sha kundan beri 5 yil o'tdi. 1 haftadan so'ng diplom olaman. ( Sirtqida 5 yil o'qidim) .
Ortimga qarasam , shu 5 yil ichida ko'p narsaga erishibman. Hammasi o'qituvchilik orqasidan . Yangi uylar qurdim , mashina oldim , bir nechta o'quv markazlari , maktabda ishladim. Do'stlar , yaxshi hamkasblar orttirdim. 400 dan ko'p ofline ta'limda o'quvchi o'qitdim. Onlineda bu raqamlar 1000 dan oshadi.
Sertifikatlarga böldim .
Repititorlikni reja ham, orzu ham qilmagan edim. Lekin bu Yaratganning rejasida bor ekan. Qanday kunlar o'tgan bo'lsa ham , hozir hammasi go'zal.
Alhamdulillah
@Zayniddin_Umurzoqov 28.06.2024
