احساس صعب بالجد لما تتعلق بي انسان وتعلق كل آمالك عليهو وتبقي كل تفاصيل حياتك اليومية مرتبطة بيهو حتي ضحكتك وعافيتك ترتبط بي وجودو حتي تفكيرك كلو يدور ويلف ويركز عليهو وكمان ميولك وانطباعك تتغير تلقائيا لي ميول وانطباعو حتي انك تستعمل نفس طريقة كلامو نفس مصطلحاتو ياخ احيانا بتحس نفسك هو بالظبط في كل شي وفي الاخر يسحب نفسو من حياتك لي أسباب تافهه جدا تحس نفسك ولا شي بالنسبة ليهو م يفرق وجودك أو عدمك عندو واااحد يعني مجرد مشكلة صغيرة يخلي عنك حتي م ينتظرك تبرر ليهو موقفك أو هو يحاول يلقي ليك عطر عشان خاطر يستمر البيناتكم أو يزعل منك شوية شويتين وتراضيهو وترجعو تتفاهمو وتبقو حلوين ذي اول بس لكن بالنسبة ليهو هو لا م يهموو دا كلو ولا يهم احساسك ح يكون شنو لما يبعد عنك م يهموو قدر شنو ح تنزل دموعك وقلبك يوجعك وتتحرم النوم وراحة البال م يهموو إذا ح تكون مخنووق والنفس بتشيلو ي الله ويمين وكمان م يهموو الفراغ البحصل جواك من وراهو ولا النزيف الجواك ولا الآمال الاتحطمت ولا ولا ولا ولا حاجات كنييييييرة حتي السعادة والفرحة م يبقي ليها طعم لانو هو م معاك بس هو م يهموو....
ليه نحنا نخلي المشاكل تتغلب علينا ليه نخلي البينا قابل للنسيان والهجر والفراق والدمار ليه نخلي المشاكل تاخد فرحنا وفرح أيامنا طالما نحنا بنحب المفروض نصافح عشان البينا يستمر لانو مافي حاجة في الدنيا تستاهل يخربو العلاقات عشانها بالجد كل الناس الفي الكون عندها مشاكل مافي زول حياتو كااااملة من غير خلافات ومشاكل بس المهم كيف نقدر نصل للحل وكيف نقدر نتفاهم كيف نقدر نصل لي مفهوم الخوة حلوة شديد ولمة الناس البنحبهم حولنا كمان حلوة ياخ خليك ماشي علي مبدأ نمحي الغلطة عشان البينا ما نمحي البينا عشان غلطة💔والله كل انكسار في .الدنيا يمكن يجبر الا انكسار القلب م ممكن تجبرو نهائي عشان كدا صفي النية وم تركز مع المشاكل كتير حاول ألقي اعزار للناس عشان انت في يوم من الايام ح تحتاج الناس يلقو ليك العذر كمان اصلو الدنيا دوااارة وم بتقيف علي حال واحد زي م انت جرحت انسان كمان ح يجي الزول البجرحك عشان كدا م ترسم قصة مؤلمة في حيات انسان عشان م تتقلب تفاصيلها عليك..... 💝✋وفي الاخر بقول
1-م تخلي كبريائك يسيطر عليك
2-اتعلم ثقافة الاعتذار وخليك واثق انها دلاله علي قوتك م انكسارك وضعك
3-سامح سامح سامح وم تشيل في قلبك عشان ربنا يهونها
#دعد