نعي بحق الزهراء ع


سمعنه بواجي ابيت اهلنه
اضنه الوكت طشر شملنه
شالت الشفجه اليوم عنه

سمعنه البواجي وصوت صايح
شخص الحنينه وين رايح
ضلينه للهم والنوايح

شيعودهن راحن جزنه
شالن وكلبي كسرنه
منهن بعد كطعينه ضنه

بسكوت شيلتهن شبيهن
شو حملن ماندري بيهن
يلجمني كلبي ايريد ليهن

جلجل على كلبي حزنهن
وتنشدني روحي اليوم عنهن
عزلن حملنه من حملهن

حنينات شالنها المحنه
والكلب كلش صدعنه
وسفه عليهن فاركنه

حنينات وينشدن علينه
وياهن حسافه اتفاركينه
لديارهن رحنه وبجينه

بديارهن كمنه وكعدنه
وعلى حالنه محد نشدنه
ياناس جا وين التودنه


بجينه على الكلهن محنه
عليهن تضل بالروح ونه
ياعشرت الزينات جنه

🎤🎤🎤🎤🎤🎤🎤🎤🎤🎤🎤🎤

بقلم الشاعرة سحر ام كرار الساعدي
غير مبري الذمه من يحذف اسم الشاعر

الشاعره سحر الساعدي:
https://t.me/amer5000