من چنا نحچي ونگول اللي جان يصير بالبداية مؤامرة أميركية بأحتراف وأكو تدخُل أميركي يابة أكو والنبي أكو .. محد يصدگ انو أميركا خبيثة

ويگولون هاي سالفة طلعتوها حتى تسقط الثورة ! و تروح جهود المتظاهرين
والخ.. من الأسباب الواهية
يابة كونوا منصفين وصيحوا كل الدول برة برة

ترة اذا متصيحون هيج صار مقياس اعوج وماكو انصاف !
بأعتبار وطنيتنا اللي مطلعتنا من بيوتنا للتظاهرات لا غير
يگولون لا بس ايران برة برة
عمي يلة سهلة و ميخالف


زين وهسة أميركا بالأنبار متحچون ؟
لو جماعة السفارة إشتغلونا عدل بالإعلام ؟
بحيث تأثير ستيڤن (الوطني كلش اللي فخور ببلده الأميركي ويحجيها علناً) وسهير القيسي وغيرهم من جماعة عصابة الجوكر أصبح واضح شلون مسيطر على العقول !


زين عوفونا من هذا كله ، آخر شي ما سمعتوا بتصريح بنس ؟
ديگول إحنة (أميركا) خلصنا العراق من

1-الدكتاتورية .. دقيقة خل اضحك 😂
يعني هسة مو لأن صدام ما عاجبكم و مو لأن عدكم أغراض يمنا و علساس چان عنده اسلحة دمار شامل ؟ يعني مو هاي الاسباب ؟ يا عيني على برائتكم !

2-د.اعش .. يعني مو إنتو الجبتوهم؟ يعني مو طياراتكم اللي قصفت جيشنا بالموصل بدل ما تقصف د.اعش؟
هاااا زين يعني مو هيلاري علناً گالت إحنة خلقنا د.اعش ؟

حسبنا الله !
ولكم كم وجه تلبسون بعد ؟
زين احنة كعراقيين شوكت نرفض التدخل فعلاً ؟
لطفاً لتخلونهم يسرقون الشي اللي حققناه بوگفتنا سوة
لطفاً لحد يسكت ع التدخل الأميركي المشؤوم.