لحسين تعنينه اليوم زوار الكبر المظلوم
لحسين تعنينه نزوره
بكلوب الحبه منذوره
ومهما جار الطاغي بجوره
نوصل للحضره المبروره
ونقبل شباج حسين،،،،،،، وخليها العدوان تلوم
لحسين تعنينه ونحضه
بمرضاته الباري يتم فرضه
وادري الميحبكم مايرضه
ولزيارتكم يعلن رفضه
وماهلن دمعات العين،،،،،، بعيونه اظل هاي سموم
لحسين تعنينه وندري
حب حسين ويه الدم يسري
بحب حسين تحير فكري
يامن للمحشر ضل ذخري
ذخر الدنيا وذخر الدين،،،،،،، بحرالماينضب فد يوم
لحسين تعنت هل شيعه
والله ومارادت توديعه
وشيكول القرآن نطيعه
شرايه الحبه ومنبيعه
شرايه ومو بياعين،،،،،، لو ساموه بغالي السوم
لحسين اليوم تعنينه
نشكيله هموم التاذينه
ومنهو الغيرك ياوالينه
يكشف هل احزان البينه
هالاحزان البينه منين،،،،،،،وهاي العين التبجي دموم
لحسين تعنينه نعاهد
نبقه وياك ونبقه نجاهد
درب الشيعه ودربك واحد
وهيهات الظلام نساند
احنه النهجك متبعين،،،،،،، نهجك بالواقع مرسوم
لحسين تعنينه الكبره
وطفنه وطبينه بهل حضره
وبصحنك هلينه العبره
بهل يوم احنه نواسي الزهره
نواسيها بفكد الطيبين،،،،،،، وشيصبر كلب المالوم
يامن بالمحشر نرجاك
عالعهد باقين وياك
صحنه وخل تسمعنه عداك
يحسين ابد ماننساك
ماننساك وماناسين،،،،،،، وماننسه الصدر المهشوم
لحسين تعنينه اليوم،،،،زوار الكبر المظلوم


خادم الحسين عبدالكاظم الجابري